<p><span style="color: #000000;"><strong>ភ្នំពេញ៖</strong> តារាសម្តែងពន្លកថ្មី រះលើវិថីសិល្បៈប្រមាណ២ឆ្នាំ កញ្ញា អ៊ឹម ដាលីស បានបង្ហើបប្រាប់ឲ្យដឹង បែបបើកចំហរបេះដូងថា នាងមិនដែល បិទបេះដូង របស់ខ្លួន មិនទទួលយកស្នេហា ពីបុរសណាម្នាក់ឡើយ ឲ្យតែមានអ្នកស្រឡាញ់ គឺនាងរីករាយ និងទទួលយកជានិច្ច។ ប៉ុន្តែសុំដាក់លក្ខខណ្ឌ ជាមុនសិនថា អ្នកដែលមានកូនប្រពន្ធហើយ គឺនាងមិនទទួលយកឡើយ បើទោះជាបុរសរូបនោះ មានទ្រព្យសម្បត្តិស្តុកស្ដម្ភ ចាយលុយលែងអស់ យ៉ាងណាក៏ដោយ ។</span></p>
<p><span style="color: #000000;">ជួបសម្ភាសន៍ តាមទូរស័ព្ទ នៅថ្ងៃទី២០ ខែសីហា ឆ្នាំ២០១៥នេះ តារាស្រីដែលកំពុងតែ ខំប្រឹងស្រវ៉ាយកភាពល្បាញល្បី ក្នុងវិស័យសិល្បៈ កញ្ញា អ៊ឹម ដាលីស បានប្រាប់ឲ្យដឹងថា ក្នុងរយៈពេលដែលនាងបោះជំហានចូលសិល្បៈនេះ គឺមានក្រុមកន្លង់ច្រើន បានព្យាយាមតាមសុំស្នេហ៍នាង មិនឈប់មិនឈរទេ តែនាងបានបដិសេធន៍ ដោយសុំចិត្តរបស់ពួកគាត់ (អ្នកតាមស្រឡាញ់) ឲ្យយល់ព្រោះថា នាងមិនទាន់ចង់គិត ពីរឿងស្នេហា ក្នុងពេលនេះ ចង់ទុកពេល គិតពីការងារសិល្បៈ និងគ្រួសារសិន។</span></p>
<p><span style="color: #000000;">តារាស្រី ដែលជានិស្សិតឆ្នាំទី២ នៅសកលវិទ្យាល័យជាតិគ្រប់គ្រង មានសម្រស់ស្រស់ឆើតឆាយរូបនេះ បានប្រាប់ឲ្យដឹងថា «មុនពេលដែលខ្ញុំ ចូលសិល្បៈធ្លាប់ មានការលើកឡើងថា សិល្បៈគឺអាចមានការដោះដូរនេះ ដោះដូរនោះ មុននឹងល្បី ហើយក៏ពិបាក ក្នុងការបញ្ចៀសរឿងនេះដែរ។ តែជារឿយៗ ខ្ញុំតែងតែខំប្រឹងពន្យល់ អ្នកដែលមានការយល់ច្រឡំបែបនោះ ។ ជាក់ស្តែងនៅពេលខ្ញុំ ចូលសិល្បៈ ក៏មានអ្នកជំនួញមានទ្រព្យ ជាច្រើន តាមសុំស្នេហ៍ ខ្ញុំមិនរើសអ្នកណាឡើយ ហើយអ្វីដែលពិសេសគឺ ខ្ញុំមិនចង់ឲ្យអ្នក ដែលមានគ្រួសារហើយមក ទាក់ទងខ្ញុំទេ..!»។</span></p>
<p><span style="color: #000000;">តារាស្រីវ័យ២២ឆ្នាំរូបនេះ បានប្រាប់ឲ្យដឹងទៀតថា «សម្រាប់ខ្ញុំ មិនមានការរើសអើងឡើយ បើមានអ្នកមានទ្រព្យសម្បតិ្តស្រឡាញ់ ពេញចិត្តខ្ញុំ ចង់រៀបការ ខ្ញុំក៏ទទួលយកមិនមានការប្រកាន់ឡើយ ។ តែបើសិនជាអ្នកស្រឡាញ់ខ្ញុំ គាត់មានភរិយា និងកូន បើទោះជាគាត់ មានលុយមានឡាន វីឡាឲ្យខ្ញុំច្រើនកម្រិតណា ក៏ដោយ ក៏ខ្ញុំមិនហ៊ានប្រាថ្នាដែរ ហើយក៏សុំដាក់បម្រាម មិនទទួលយកទេ ព្រោះមិនចង់ធ្វើជាស្រីកំណាន់ឬ ក៏ជាអ្នកទី៣ របស់អ្នកណាឡើយ..»។</span></p>
<p><span style="color: #000000;">ទាក់ទងទៅនឹងការងារសិល្បៈ នាពេលបច្ចុប្បន្នរបស់នាងវិញ ត្រូវបាន ដាលីស ប្រាប់ឲ្យដឹងថា នាងធ្លាប់បានចូលរួមសម្តែងរឿងបាន២ ទី១គឺរឿង «កំឡោះចាប់ហួយ» របស់ទូរទស្សន៍ CTN ក្នុងតំណែងជាតួកាចឆ្នាស់ឆ្នើម និងរឿង «ដីបំណះថ្មី» របស់ទូរទស្សន៍ My TV ក្នុងតំណែងជាតួកម្សត់ រួមទាំងការសម្តែង ក្នុងបទចម្រៀងជាច្រើន របស់ផលិតកម្ម ថោន ,សាន់ដេ និងផលិតកម្មមួយចំនួនទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/20/75-20-08-2015--14-31-27.jpg"><img src="/FileManager/Articles/mce/2015/8/20/75-20-08-2015--14-31-27.jpg" alt="" /></a></span></p>
<p><a class="thickbox" title="" href="/FileManager/Commons/2015/8/20/76-20-08-2015--14-31-35.jpg"><img src="/FileManager/Articles/mce/2015/8/20/76-20-08-2015--14-31-35.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/20/75-20-08-2015--14-31-27.jpg"></a></span></p>
<p><a class="thickbox" title="" href="/FileManager/Commons/2015/8/20/77-20-08-2015--14-31-42.jpg"><img src="/FileManager/Articles/mce/2015/8/20/77-20-08-2015--14-31-42.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>