<p><span style="color: #000000;"><strong>(ក្រចេះ)៖</strong> រថយន្ដសាំងយ៉ុងដឹកឈើជាច្រើនគ្រឿងរបស់ក្រុមឈ្មួញឈ្មោះ «ឆយ» ដែលតែងតែបើកបរបង្កភាពភ័យខ្លាច ដល់ពលរដ្ឋធ្វើដំណើរតាមដងផ្លូវដូចគ្នានោះ បានបើកគៀរថយន្ដនគរបាលចតនៅចិញ្ចើមផ្លូវ និងគុបរថយន្ដអ្នកកាសែត ព្រមទាំងដេញវាយអ្នកកាសែត ដែលពួកគាត់តាមប្រមាញ់រូបភាព។ ហេតុការណ៍នេះកើតឡើងនៅវេលាម៉ោង១រំលងអាធ្រាត្រ ឈានចូលថ្ងៃទី១៤ ខែមករា ឆ្នាំ២០១៧ នៅផ្លូវជាតិលេខ៧៣ ស្ថិតក្នុងស្រុកឆ្លូង ខេត្តក្រចេះ។</span></p>
<p><span style="color: #000000;">ប្រភពបានឲ្យដឹងថា ក្រុមឈ្មួញទាំងនោះដឹកឈើចេញពីខេត្តស្ទឹងត្រែង ឆ្លងកាត់ខេត្តក្រចេះ យកទៅលក់បន្ដនៅខេត្តព្រែវែង ហើយឈ្មួញឈើជើងខ្លាំងរូបនោះឈ្មោះ «ឆយ» មកពីខេត្តព្រៃវែងធ្វើសកម្មភាពដឹកជញ្ជូនឈើជារៀងរាល់យប់ មិនដែលញញើតសមត្ថកិច្ចឡើយ ហើយសមត្ថកិច្ចក៏មិនដែលបង្រ្គាបរថយន្ដលោកឆយ ម្ដងណាឡើយ។</span></p>
<p><span style="color: #000000;">ប្រភពដដែលបានបញ្ជាក់ទៀតថា នៅវេលាម៉ោងជាង១រំលងអាធ្រាត្រ ឡានដឹកឈើរបស់ជើងខ្លាំង «ឆយ» ចំនួន៥គ្រឿង បានបើកយ៉ាងលឿន ហើយគៀរថយន្ដនគរបាល ចតនៅចិញ្ចើមផ្លូវ បណ្ដាលឲ្យខូចទ្វារថយន្ដនគរបាលនោះមួយចំហៀង ស្របពេលហេតុការបែបនេះ ក្រុមអ្នកសារព័ត៌មានបានបើកឡានតាមប្រមាញ់រូបភាពពីក្រោយ ព្រមរាយការណ៍ជូនសមត្ថកិច្ចឲ្យស្ទាក់នៅស្រុកឆ្លូង តែទៅបានពាក់កណ្ដាលផ្លូវត្រូវក្រុមឈ្មួញឈើជើងខ្លាំង និងបក្ខពួកបានឈប់រថយន្ដទាញកាំបិតផ្គាក និងដំបងគប់មកលើរថយន្ដអ្នកកាសែត បណ្ដាលឲ្យខូចខាតយ៉ាងខ្លាំង។</span></p>
<p><span style="color: #000000;"> ខណៈពេលនោះក្រុមអ្នកកាសែតគ្មានលទ្ធភាពក្នុងការតបត បានរត់ត្រឡប់ក្រោយវិញ ដោយក្រុមឈ្មួញទាំងនោះបានបន្ដដំណើរទៅមុខទៀត ហើយបន្ដបុកបារ៉ាស់របស់យោធាស្រុកឆ្លូង រត់គេចខ្លួនទៅបាត់ស្រមោល៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-06-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-14-14-53-07-9.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>