<p><span style="color: #000000;">អ្នកលេង Pokemon Go គួរតែគិតពិចារណា នៅពេលហ្គេមនេះ អាបដេតទីតាំងភូមិសាស្ដ្រជា</span><br /><span style="color: #000000;">បន្តបន្ទាប់ និងទាមទារសិទ្ធិមួយចំនួនក្នុងការចូលទៅកាន់ទិន្នន័យ ហើយតាមរយៈនេះ អ្នកអាច</span><br /><span style="color: #000000;">នឹងត្រូវគេលួចព័ត៌មានឯកជន។</span><br /><br /><span style="color: #000000;">Pokemon Go គឺជាហ្គេមដែលកំពុងពេញនិយមបំផុតនៅទូទាំងពិភពលោក។ ប៉ុន្តែ ហ្គេមនេះក៏</span><br /><span style="color: #000000;">ជួបប្រទះនឹងការប្រតិកម្មមួយចំនួន ខណៈដែលវាទាមទារសិទ្ធិចូលទៅមើលទិន្នន័យខ្លះរបស់អ្នក</span><br /><span style="color: #000000;">ប្រើប្រាស់ ដូចជាការចូលទៅកាន់គណនី Google ជាដើម។</span><br /><br /><span style="color: #000000;"><a class="thickbox" title="" href="/FileManager/Commons/2016/8/11/pokemon-go-google-id-2269-1470804757-11-08-2016--10-14-18.jpg"><span style="color: #000000;"><img src="/FileManager/Articles/mce/2016/8/11/pokemon-go-google-id-2269-1470804757-11-08-2016--10-14-18.jpg" alt="" /></span></a></span></p>
<p><span style="color: #000000;">Pokemon Go ស្នើចូលទៅអានព័ត៌មាន នៅលើ Google</span></p>
<p><br /><span style="color: #000000;">យោងតាម Denver Post ម្ចាស់ហ្កេម Pokemon Go គឺក្រុមហ៊ុន Niantic បានចេញមកសុំទោស</span><br /><span style="color: #000000;">អ្នកប្រើប្រាស់អំពីបញ្ហានេះ ដោយថ្លែងថា ពួកគេ គ្មានបំណងអានអ៊ីមេល អាស័យដ្ឋានទំនាក់ទំនង</span><br /><span style="color: #000000;">ឬចូលទៅមើលទិន្នន័យឯកជនរបស់អ្នកប្រើប្រាស់។ ក្រុមហ៊ុនខាងលើបានអះអាងថា ហ្គេមនេះ </span><br /><span style="color: #000000;">គ្រាន់តែចូលទៅកាន់ Google IDជាមួយនឹងអ៊ីមេលរបស់អ្នកប្រើប្រាស់ប៉ុណ្ណោះ។ ក្រុមហ៊ុន Niantic</span><br /><span style="color: #000000;">ឱ្យដឹងថា ខ្លួននឹងកែសម្រួល និងកាត់បន្ថយសិទ្ធិចូលទៅអានទិន្នន័យ។ </span><br /><br /><span style="color: #000000;">ម្ចាស់ហ្គេម Pokemon Go ថ្លែងថា ៖ “Google បានទទួលស្គាល់ថា មិនមានព័ត៌មានណាផ្សេងដែល</span><br /><span style="color: #000000;">ត្រូវបានចូលទៅអាន ដោយហ្គេម Pokemon Go និង Niantic។ Google ក៏នឹងកាត់បន្ថយសិទ្ធិ</span><br /><span style="color: #000000;">ចូលទៅកាន់ទិន្នន័យរបស់ Pokemon Go ដោយគ្រាន់តែឱ្យហ្គេមនេះ ប្រើប្រាស់នូវទិន្នន័យមូលដ្ឋាន</span><br /><span style="color: #000000;">ប៉ុណ្ណោះ”។</span><br /><br /><span style="color: #000000;">បើទោះជា ក្រុមហ៊ុន Niantic បានអះអាងដូចខាងលើ ប៉ុន្តែ អ្នកប្រើប្រាស់ក៏គួរតែបន្តយកចិត្ត</span><br /><span style="color: #000000;">ទុកដាក់ទៅលើគ្រោះថ្នាក់ដែលអាចកើតឡើងដោយសារ Pokemon Go នេះបើតាមសំដីរបស់ Tam</span><br /><span style="color: #000000;">Vu ជំនួយការរបស់សាស្ដ្រាចារ្យនៃសកលវិទ្យាល័យ Colorado Denver អាមេរិក។</span><br /><br /><span style="color: #000000;">ការគំរាមកំហែងមួយផ្សេងទៀតនោះគឺថា ដំបូង Pokemon Go មាននៅតែក្នុងប្រទេសមួយចំនួន។</span><br /><span style="color: #000000;">អ្នកលេង ដោយសារតែចង់បានលេងឆាប់ៗ ក៏បានទាញយកហ្គេមពីគេហទំព័រដែលមិនផ្លូវការ ហើយ</span><br /><span style="color: #000000;">ក៏អាចជួបនឹងបញ្ហាទាក់ទឹននឹងការបាត់បង់ឯកសារ។ល។</span><br /><br /><span style="color: #000000;">ក៏ប៉ុន្តែ ប្រការដែលគ្រោះថ្នាក់បំផុតគឺថា Pokemon Go អាបដេតទីតាំងជាបន្តបន្ទាប់។ Pokemon</span><br /><span style="color: #000000;">Go ប្រើប្រាស់ទិន្នន័យទីតាំង ហើយតាមពេលវេលា ក្រុមហ៊ុនរបស់ Pokemon Go អាចទាក់ទងទៅ</span><br /><span style="color: #000000;">កាន់អ្នកលេងបានតាមរយៈឈ្មោះ nickname របស់អ្នកប្រើប្រាស់។ តាមរយៈប្រការខាងលើ ហែកឃើរ</span><br /><span style="color: #000000;">(hacker) អាចដឹងថា អ្នកកំពុងនៅទីណា។ </span><br /><br /><span style="color: #000000;"><a class="thickbox" title="" href="/FileManager/Commons/2016/8/11/pokemon-go-dia-diem-3333-1470804757-11-08-2016--10-15-56.jpg"><span style="color: #000000;"><img src="/FileManager/Articles/mce/2016/8/11/pokemon-go-dia-diem-3333-1470804757-11-08-2016--10-15-56.jpg" alt="" /></span></a></span><br /><span style="color: #000000;">ការអបដេតទីតាំងជាបន្តបន្ទាប់ បង្កឱ្យមានការព្រួយបារម្ភមួយ ចំពោះ Pokemon Go</span></p>
<p><br /><span style="color: #000000;">ក្រៅពីគ្រោះថ្នាក់ទាក់ទឹននឹងការបាត់បង់ ឬត្រូវគេលួចទិន្នន័យ អ្នកលេងក៏គួរតែប្រុងប្រយ័ត្នជាមួយ</span><br /><span style="color: #000000;">នឹងគ្រោះថ្នាក់ចរាចរណ៍ផងដែរ ព្រោះថា កន្លងមកនេះ មានព័ត៌មានជាច្រើនបានចុះផ្សាយនូវគ្រោះ</span><br /><span style="color: #000000;">ថ្នាក់នានាដែលកើតឡើង នៅពេលកំពុងលេងហ្គេម Pokemon Go ។</span></p>
<p style="text-align: right;"><br /><span style="color: #000000;">ប្រែសម្រួល ៖ បុត្រា</span><br /><br /></p>