<p><span style="color: #000000;"><strong>(ភ្នំពេញ)៖</strong> លោក ឃ្លាំង ហួត អភិបាលខណ្ឌជ្រោយចង្វារ នៅព្រឹកថ្ងៃទី១៨ ខែឧសភា ឆ្នាំ២០១៦នេះ ដឹកនាំមន្រ្ដីក្រោមឱវាទ និងមន្ដ្រីជំនាញ ចុះទៅដោះស្រាយ និងពន្យល់បញ្ហាដីធ្លីរបស់ប្រជាពលរដ្ឋ២៤៥គ្រួសារ ដែលធ្លាប់បានចោទប្រកាន់ទៅលើអាជ្ញាធរ នៅក្នុងសង្កាត់កោះដាច់ ខណ្ឌជ្រោយចង្វារ ហើយបានអូសបន្លាយជាយូរឆ្នាំមកហើយ រហូតឈានដល់បានប្ដឹងគ្នាទៀតផង។</span></p>
<p><span style="color: #000000;">លោក ឃ្លាំង ហួត ស្ថិតនៅពីមុខប្រជាពលរដ្ឋជាច្រើននាក់ នៅសង្កាត់កោះដាច់ បានថ្លែងថា<strong> «បញ្ហាទំនាស់ដីធ្លីនេះ វាកើតឡើងរយៈពេលច្រើនឆ្នាំ ណាស់មកហើយ តាំងពីកោះដាច់ មិនទាន់កាត់ចូលរាជធានីភ្នំពេញមកម្ល៉េះ ហើយសុំឲ្យប្រជាពលរដ្ឋកុំឲ្យមានការចោទប្រកាន់ទៅលើអាជ្ញាធរទៀតអី»</strong>។</span></p>
<p><span style="color: #000000;">ដោយបង្ហាញនូវជំហរដ៏រឹងមំា លោកអភិបាល បានព្រមានយ៉ាងខ្លាំងៗ ទៅលើឈ្មួញទាំងឡាយណា ជាអ្នករកស៊ីគកជេរដី ដែលបានលូកដៃចូលក្នុងរឿងនេះ ហើយលោកបញ្ជាឲ្យដកខ្លួនចេញជាបន្ទាន់ កុំមកញ៉ុះញង់ឲ្យប្រជាពលរដ្ឋឈ្លោះប្រកែករឿងនេះទៀត។ ជាចុងក្រោយលោកបានណែនាំ ឲ្យមន្ដ្រីក្រោមឱវាទ ជាពិសេសជំនាញមន្ដ្រីភូមិបាល បញ្ឈប់រាល់ការទិញ-លក់ ពោលត្រូវរង់ចាំធ្វើការដោះស្រាយចប់សព្វគ្រប់សិន។</span></p>
<p><span style="color: #000000;">នៅក្នុងឱកាសនោះផងដែរ ប្រជាពលរដ្ឋដែលបានចូលរួម បានឡើងបញ្ចេញមតិ និងយោបល់ម្នាក់ៗម្តង ចំពោះអ្វីដែលបានកើតឡើង នាពេលកន្លងទៅជូនអភិបាលខណ្ឌ ឲ្យបានដឹងបន្ថែមក្នុងគោលបំណងទទួលបានជាព័ត៌មានមូលដ្ឋានគ្រឹះ សម្រាប់រាយការណ៍ជូនថ្នាក់ដឹកនាំ។</span></p>
<p><span style="color: #000000;">លោក ឃ្លាំង ហួត បានបញ្ជាក់ថា សម្រាប់ជម្លោះដីធ្លី ដែលកើតមានឡើងទៅលើប្រជាពលរដ្ឋតាមមូលដ្ឋាននោះ សម្តេចនាយករដ្ឋមន្រ្តី ហ៊ុន សែន បានបញ្ជាឲ្យអាជ្ញាធរថ្នាក់ក្រោមជាតិត្រូវចុះស្វែងយល់ និងដោះស្រាយជាបន្ទាន់ មិនត្រូវឲ្យទុកក្លាយជាជម្ងឺមហារីកនោះទេ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-28-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-28-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-28-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-28-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-28-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-29-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-29-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-29-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-29-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-29-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-29-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-18-14-08-30-12.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>