<p><span style="color: #000000;"><strong>ភ្នំពេញ ៖</strong> បន្ទាប់ពីក្រសួងអប់រំ យុវជន និងកីឡា បានប្រកាសពី លទ្ធផលបាក់ឌុប ហើយក្នុងលទ្ធផលជាផ្លូវការ ទូទាំងប្រទេសនោះ មិនមានឈ្មោះ ធី សុវណ្ណថានោះឡើយ។ ស្របពេលជាមួយ នឹងការប្រឡងធ្លាក់របស់កញ្ញា ធី សុវណ្ណថា សារព័ត៌មានជាច្រើននៅកម្ពុជាបានចេញផ្សព្វផ្សាយអំពីការប្រឡងធ្លាក់របស់ ធី សុវណ្ណថា ដែលជាសកម្មជនដ៏សកម្មមួយរូប ប្រឆាំងរដ្ឋាភិបាល ដែលកំពុងដឹកនាំកាន់អំណាច នាពេលបច្ចុប្បន្ន។</span></p>
<p><span style="color: #000000;">បន្ទាប់ពីប្រកាសលទ្ធផលត្រឹមរយៈពេល២ថ្ងៃ កញ្ញា ធី សុវណ្ណថា ក៏បានបង្ហាញនៅលើFacebook របស់នាងថា រូបគាត់ពិតជានឿយហត់ អស់កម្លាំង និងឈឺចាប់ណាស់ ព្រោះតែប្រព័ន្ធផ្សព្វផ្សាយជាច្រើននៅកម្ពុជា ចុះផ្សាយចម្អក មើលងាយនាង ។</span></p>
<p><span style="color: #000000;">កញ្ញា ធី សុវណ្ណថា បានសរសេរលើFacebook ថា «ខ្ញុំប្រឡងទាំងភាពជឿជាក់ និងក្តីសង្ឃឹម តែលទ្ធផលរបស់ខ្ញុំ បែរជា (ធ្លាក់យ៉ាងអាម៉ាស) សារព័ត៌មានស្ទើរទាំងអស់ ដែលគាំទ្រCPP និង អ្នកគាំទ្រCPPជាច្រើន ព្រួតគ្នាសើចចំអក មើលងាយខ្ញុំ ខ្ញុំមានអារម្មណ៍ថាៈ អស់កម្លាំងណាស់ ឈឺចិត្តណាស់»។</span></p>
<p><span style="color: #000000;"><a class="thickbox" title="" href="/FileManager/Commons/2015/9/14/9-14-2015-11-53-35-am-14-09-2015--12-00-13.png"><span style="color: #000000;"><img src="/FileManager/Articles/mce/2015/9/14/9-14-2015-11-53-35-am-14-09-2015--12-00-13.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>