<p><span style="color: #000000;"><strong>(វៀតណាម)៖</strong> ស្ត្រីអ្នកដំណើរម្នាក់បានសម្តែងការភ្ញាក់ផ្អើលជាខ្លាំង បន្ទាប់ពីនាងទទួលបានសំបុត្រ ផាកពិន័យមួយ សម្រាប់ការពាក់អាវសុវត្ថិភាព និងបង្កការភ័យខ្លាច ដល់អ្នកដំណើរឯទៀត នៅលើយន្តហោះ។</span></p>
<p><span style="color: #000000;">នាង Nguyen Trung D ត្រូវបានគេឃុំខ្លួន នៅឯព្រលានយន្តហោះភាគខាងជើង បន្ទាប់ពីនាងពាក់អាវសុវត្ថិភាព កំឡុងពេលស្ថិតលើយន្តហោះមួយ ដែលកំពុងចេញដំណើរពី Vinh ឆ្ពោះទៅទីក្រុងហូជីមិញ ប្រទេសវៀតណាម។ តាមហេតុការណ៍ ឲ្យដឹងថា Nguyen រងការចោទប្រកាន់ ពីបទយកអាវសុវត្ថិភាព ពាក់លើយន្តហោះ ដោយគ្មានការអនុញ្ញាត ហើយត្រូវរងការផាកពិន័យជា ប្រាក់ចំនួន៩០ដុល្លារ ប៉ុន្តែនាងបដិសេធការចោទនេះ ដោយនិយាយថា ខ្លួនបានប្រាប់អ្នកបម្រើលើយន្តហោះរួចហើយ ពីរឿងនេះ ។</span></p>
<p><span style="color: #000000;">ទោះជាយ៉ាងណា Nguyen ត្រូវបានប៉ូលិសឃាត់ខ្លួន នៅពេលយន្តហោះមកដល់ទីក្រុងហូជីមិញ បន្ទាប់ពីបុគ្គលិក លើយន្តហោះរាយការណ៍ថា នាងប្រើប្រាស់អាវសុវត្ថិភាព ដោយគ្មានការអនុញ្ញាត ដែលនាំឲ្យអ្នកដំណើរផ្សេងទៀត ឃើញមានការភ័យខ្លាច តែក្រោយមក ប៉ូលិសក៏ដោះលែងវិញ ដោយតម្រូវឲ្យនាងបង់ប្រាក់ពិន័យ៩០ដុល្លារ៕</span></p>
<p><span style="color: #000000;"><img src="http://i.imgur.com/JTXJTSC.png?pixabay" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>