<p><span style="font-size: 12px; color: #000000;">សមាគមន៍ដឹកជញ្ជូនកម្ពុជាបានស្នើរទៅក្រសួងសាធារណការ និងដឹកជញ្ជូនដើម្បីបើកសាលាបណ្តុះបណ្តាលដល់អ្នកបើកឡានដឹកទំនិញធន់ធ្ងន់ដំបូងបង្អស់នៅក្នុងព្រះរាជាណាចក្រកម្ពុជា។</span></p>
<p><span style="color: #000000;">កាលពីម្សិលមិញ ក្រសួងបានរៀបចំសិក្ខាសាលាមួយស្តីអំពីរបាយការណ៍ប្រចាំឆ្នាំ ២០១៧ និងផែនការសម្រាប់ឆ្នាំ ២០១៨។</span></p>
<p><span style="color: #000000;">លោក ឈឹម សុខន ជាប្រធានក្រុមហ៊ុន Camta បានលើកឡើងនៅក្នុងសិក្ខាសាលាថា ប្រទេសកម្ពុជាខ្វះអ្នកបើកឡានដឹកទំនិញធន់ធ្ងន់ជាច្រើន ហើយសព្វថ្ងៃមានតែសាលាបង្រៀនបើកបររថយន្តធន់ស្រាល និងឡានក្រុងតែប៉ុណ្ណោះ ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/16/1-16-01-2018--10-21-15.png"><img src="/FileManager/Articles/mce/2018/1/16/1-16-01-2018--10-21-15.png" alt="" /></a><br /></span></p>
<p><span style="color: #000000;">លោកបានមានប្រសាសន៍បន្ថែមទៀតថា ខាងសមាគមន៍បានដាក់ស្នើរទៅក្រសួងសាធារណការដើម្បីជួយបង្កើតសាលាបណ្តុះបណ្តាលអ្នកបើករថយន្តធន់ធ្ងន់នៅក្នុងព្រះរាជាណាចក្រកម្ពុជា ពីព្រោះថាសព្វថ្ងៃពិបាកក្នុងការស្វែងរកអ្នកបើកបររថយន្តធុនធ្ងន់ដែលទទួលបានការបណ្តុះបណ្តាលត្រឹមត្រូវណាស់។</span></p>
<p><span style="color: #000000;">ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងដឹកជញ្ជូនបានទទួលយកការផ្តល់យោបល់របស់ក្រុមហ៊ុន Camta ហើយឯកឧត្តមបានមានប្រសាសន៍ថា ក្រសួងនឹងបញ្ជូនមន្ត្រីរបស់ខ្លួនទៅប្រទេសថៃនៅចុងខែមករានេះដើម្បីសិក្សាពីសាលារៀនបណ្តុះបណ្តាលរបស់ពួកគេ។</span></p>
<p><span style="color: #000000;">ឯកឧត្តមបានបន្តទៀតថា ការបញ្ជូននេះក្នុងគោលបំណងត្រួតពិនិត្យ និងសិក្សាអំពីស្ថានភាពរបស់សាលាបង្រៀនបើកបររថយន្តធន់ធ្ងន់នៅទីនោះដើម្បីពិចារណាទៅលើការបើកសាលាក្នុងប្រទេសកម្ពុជា។ អ្វីដែលយើងត្រូវការនោះគឺ អ្នកដែលទទួលបានការបណ្តុះបណ្តាលត្រឹមត្រូវដើម្បីជៀសវៀងគ្រោះថ្នាក់ចរាចរណ៍ក្នុងប្រទេសរបស់យើង។ ក្រសួង ក៏បានគ្រោងក្នុងការបំពាក់ឧបករណ៍ GPS នៅក្នុងរថយន្តធន់ធ្ងន់ទាំងអស់ដើម្បីងាយស្រួលក្នុងការត្រួតពិនិត្យទម្ងន់របស់រថយន្តផងដែរ។ ប្រសិនបើយើងអាចបំពាក់បច្ចេកវិទ្យា GPS នេះបាន នោះយើងពុំចាំបាច់មានស្ថានីយថ្លឹងរថយន្តដើម្បីត្រួតពិនិត្យទៀតទេ។ ទិន្នន័យទាំងអស់នឹងផ្ញើមកក្រសួង ឲ្យតែរថយន្តទាំងនោះធ្វើដំណើរនៅលើដងវិធី។ បញ្ហានេះ គឺអាចបញ្ជៀសការខូចខាតផ្លូវដោយសារតែការដឹកលើសចំណុះរបស់រថយន្តទាំងនោះ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/16/2-16-01-2018--10-21-26.png"><img src="/FileManager/Articles/mce/2018/1/16/2-16-01-2018--10-21-26.png" alt="" /></a><br /></span></p>
<p><span style="color: #000000;">យោងតាមរបាយការណ៍របស់ក្រសួងបានបង្ហាញថា នៅក្នុងឆ្នាំ ២០១៧ មានរថយន្តដឹកទំនិញប្រមាណ ២,៦៤៦ គ្រឿងបានដឹកលើសចំណុះ ហើយត្រូវបានផាកពិន័យជាទឹកប្រាក់ជិត ១.៣លានដុល្លារ។</span></p>
<p><span style="color: #000000;">កាលពីឆ្នាំកន្លងទៅនេះ យើងបានសង្កេតឃើញថាមានរថយន្តចំនួន ៤,១៦៧,៨៨៤ គ្រឿងបានមកចុះបញ្ជីនៅក្រសួង ក្នុងនោះរួមមានម៉ូតូចំនួន ៣,៥៦០,៥៦៣ គ្រឿង និងរថយន្តប្រមាណ ៦០៧,៣២១ គ្រឿង ហើយក្រសួងក៏បានផ្តល់ប័ណ្ណបើកបរចំនួន ១,២៣១,៧១៦ ផងដែរ ៕</span></p>
<p><span style="color: #000000;"><a class="c_tab" href="http://www.khmertimeskh.com/50102241/ministry-mulls-truck-driver-training-school/" target="_blank"><img src="/FileManager/Articles/mce/2018/1/15/khmertimes-15-01-2018--10-06-29.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ ច័ន្ទ</span></p>
<p style="text-align: right;"><span style="color: #000000;">ប្រភព៖ KhmerTimes</span></p>