<p><span style="color: #000000;"><strong>(ភ្នំពេញ)៖</strong> តារាចម្រៀង និយមភាពសិចស៊ី បញ្ចេញសាច់ស្រឡូន អ្នកនាង ឃិត សំម៉ាលីស ក្រោយពីឈានជើងចូលប្រឡូក ក្នុងវិស័យសិល្បៈជាច្រើនឆ្នាំមកនេះ ត្រូវបានមហាជនស្គាល់ និងមើលឃើញថា នាងជាតារាស្រីមួយដួង ដែលមានឱកាសច្រើន ក្នុងការបង្ហាញមុខ តាមរយៈកម្មវិធីប្រគំតន្រ្តី របស់ស្ថានីយទូរទស្សន៍ ក្នុងស្រុក ព្រមការចេញសម្តែង តាមបណ្តាខេត្តនានា។ ប៉ុន្តែពេលនេះ ត្រូវបានប្រភពព័ត៌មានទម្លាយថា នាងកំពុងតែធ្វើដំណើរ ចាកចេញពីពិភពសិល្បៈបន្តិចម្ដងៗហើយ ដើម្បីយកពេលវេលានេះ បើកជំនួញរកស៊ីផ្ទាល់ខ្លួន និងលែងព្រួយបារម្ភពីបញ្ហាកេរ្តិ៍ឈ្មោះទៀតដែរ។</span></p>
<p><span style="color: #000000;">ទន្ទឹមនឹងការងារសិល្បៈ និងសន្ទុះនៃកេរ្តិ៍ឈ្មោះរបស់នាង កំពុងតែបោះជំហានទៅមុខ នៅមុននេះបន្តិចក៏ស្រាប់តែ បែកធ្លាយដំណឹងអាពាហ៍ពិពាហ៍ លួចលាក់រវាង នាង ឃិត សំម៉ាលីស ជាមួយស្វាមីវ័យប្រហែលគ្នា មកពីខេត្តបន្ទាយមានជ័យ រហូតធ្វើឲ្យប្រជាប្រិយភាព និងការគាំទ្រក្នុងវិស័យសិល្បៈ មានការធ្លាក់ចុះ ស្ទើរហៅលែងឮ។ មិនតែប៉ុណ្ណោះថ្មីៗនេះ ប្រភពច្បាស់ការមួយ បានបង្ហើបថា ម៉ាលីស បានសម្រេចផ្អាកពីសិល្បៈ ទៅរស់នៅតាមស្វាមី យកពេលមើលការខុសត្រូវ លើមុខជំនួញរកស៊ីផ្ទាល់ខ្លួនខាងក្រៅ។ ខណៈដែលមុននេះ ក៏មានព័ត៌មានដែរថា នាងបានចំណាយលុយ ខ្ទង់រាប់ម៉ឺនដុល្លារ បើករបររកស៊ីផ្ទាល់ខ្លួន។</span></p>
<p><span style="color: #000000;">ប្រភពពីរង្វង់អ្នកសិល្បៈ បានប្រាប់គេហទំព័រ Khmertalking ថា សព្វថ្ងៃនេះ អតីតតារាចម្រៀងស្រី អ្នកនាង ឃិត សំម៉ាលីស កំពុងតែក្លាយទៅជា ថៅកែវ័យក្មេងមួយរូប ហើយរវល់ខ្លាំងជាមួយនឹងមុខជំនួញ រកស៊ីផ្ទាល់ខ្លួន ។ ដូច្នេះទើបនាងសម្រេចចិត្តផ្អាក ពីសិល្បៈ ដើម្បីឈរមើលការខុសត្រូវ លើមុខជំនួញ រហូតលេចចេញជាផ្លែផ្កា ដំណើរយ៉ាងជោគជ័យ។ ដោយឡែកសម្រាប់អាជីពសិល្បៈ ប្រហែលនាងមិនអាច ត្រឡប់ក្រោយវិញបានទេ ព្រោះនាងបានសម្រេចចិត្តច្បាស់ណាស់ថា ឈប់ពីសិល្បៈ តម្រូវតាមចិត្តស្វាមី។</span></p>
<p><span style="color: #000000;">គេនៅចាំបានថា មុននេះបន្តិច ក៏មានព័ត៌មាននិយាយពីគម្រោង ក្នុងការបើកហាងពីសំណាក់ អតីតតារាចម្រៀងនាង ឃិត សំម៉ាលីស ផងដែរ តែកាលនោះ មិនមានប្រតិកម្មអ្វីពីនាងនោះឡើយ។ ផ្ទុយទៅវិញព័ត៌មាននេះ មិនទាន់ទាំងរំសាយយូរប៉ុន្មានផង ពេលនេះក៏ធ្លាយដំណឹងថា នាងបានឈប់ពីសិល្បៈ ដើម្បីយកពេល ទៅរកស៊ីផ្ទាល់ខ្លួនទៅវិញ។</span></p>
<p><span style="color: #000000;">ទាក់ទងនឹងព័ត៌មាននេះ គេហទំព័រ Khmertalking នៅព្រឹកថ្ងៃទី៣០ ខែមីនា ឆ្នាំ២០១៥នេះ បានទំនាក់ទំនងតាមទូរស័ព្ទ ដើម្បីសុំការបកស្រាយពីអ្នកនាង ឃិត សំម៉ាលីស ដែរ។ ប៉ុន្តែលេខទូរស័ព្ទរបស់នាង នៅពេលតេចូលត្រូវបាន នារីម្នាក់ទទួលជំនួស ហើយប្រាប់ថា ច្រឡំលេខ រួចក៏ចុះផ្តាច់ទៅវិញភ្លាមៗតែម្តង៕</span></p>
<p><span style="color: #000000;"><img src="http://www.pomean.com/wp-content/uploads/2016/02/Nita-23-A-58-Full-700x400.jpg" alt="" width="730" /></span></p>
<p><span style="color: #000000;"><img src="http://www.pomean.com/wp-content/uploads/2016/02/Nita-23-A-57-Full.jpg" alt="" width="730" /></span></p>
<p><span style="color: #000000;"><img src="http://kampucheathmey.com/kpt/wp-content/uploads/2015/08/Pisey-2015-08-25-full-i4.jpg" alt="" width="730" /></span></p>
<p><span style="color: #000000;"><img src="http://kampucheathmey.com/kpt/wp-content/uploads/2015/08/Pisey-2015-08-25-full-i8.jpg" alt="" width="730" /></span></p>
<p><span style="color: #000000;"><img src="http://kampucheathmey.com/kpt/wp-content/uploads/2015/08/Pisey-2015-08-25-full-i1.jpg" alt="" width="730" /></span></p>
<p><span style="color: #000000;"><img src="http://kampucheathmey.com/kpt/wp-content/uploads/2015/08/Pisey-2015-08-25-full-i.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>