<p><span style="color: #000000;"><strong>(បូលីវី)៖</strong> អនុរដ្ឋមន្ត្រីក្រសួងមហាផ្ទៃបូលីវីលោក Rodolfo Illanes ត្រូវបានកម្មករអណ្តូងរ៉ែរាប់សិបនាក់ វាយតប់ រហូតដល់ស្លាប់ បន្ទាប់ពីពួកគេបានចាប់រូបលោក ធ្វើជាចំណាប់ខ្មាំង។ នេះបើតាមការចេញផ្សាយដោយទីភ្នាក់ងារ ព័ត៌មាន Reuters នៅមុននេះបន្តិចនាព្រឹកថ្ងៃសុក្រ ទី២៦ ខែសីហា ឆ្នាំ២០១៦ដោយដកស្រង់សេចក្តីរាយការណ៍ របស់វិទ្យុជាតិបូលីវី។</span></p>
<p><span style="color: #000000;">លោក Ramiro Guerrero ដែលជារដ្ឋអាជ្ញានៃប្រទេសបូលីវី បានថ្លែងនៅថ្ងៃសុក្រនេះថា «ទោះបីជាវិទ្យុបានផ្សាយ ថាលោកអនុរដ្ឋមន្ត្រីបានស្លាប់ក៏ដោយ ក៏យើងនៅមិនទាន់ដឹងថា ស្ថានភាពពិតប្រាកដរបស់លោកទៅជាយ៉ាងណា នៅឡើយដែរ។ យើងរង់ចាំការមើលឃើញផ្ទាល់ភ្នែក និងមានការពិនិត្យច្បាស់លាស់ជាមុនសិន»។</span></p>
<p><span style="color: #000000;">គួរបញ្ជាក់តាមរដ្ឋាភិបាលបូលីវី បានប្រកាសកាលពីពេលថ្មីៗនេះថា អនុរដ្ឋមន្ត្រីមហាផ្ទៃលោក Rodolfo ត្រូវបាន ពួកកម្មករអណ្តូងរ៉ែចាប់ជម្រិត បន្ទាប់ពីលោកបានធ្វើការចរចាជាមួយក្រុមកម្មទាំងនោះនៅក្នុងខេត្ត Panduro នៅថ្ងៃព្រហស្បតិ៍ តែមិនត្រូវគ្នា ទើបពួកគេចាប់លោកយកទៅធ្វើបាបតែម្តង។ តំបន់ដែលកើតហេតុខាងលើនេះគឺ ស្ថិតនៅចម្ងាយ ១៦០គីឡូម៉ែត្រពីរដ្ឋធានីឡាប៉ាស។</span></p>
<p><span style="color: #000000;">សម្រាប់កម្មករអណ្តូងរ៉ែនៅក្នុងតំបន់ខាងលើនេះ ត្រូវបានរដ្ឋាភិបាលធ្វើការរឹតបន្តឹងច្បាប់ ដើម្បីឲ្យពួកគេគោរពទៅតាម អ្វីដែលអាជ្ញាធរចេញបញ្ជា ប៉ុន្តែវាបានឈានទៅរកការប្រឆាំងតវ៉ា ដែលនាំឲ្យប៉ូលិសបាញ់កម្មករពីរនាក់ស្លាប់ កាលពី ថ្ងៃពុធ ហើយនៅក្នុងនោះប៉ូលិស ១៧នាក់ក៏បានទទួលរងរបួសផងដែរ។ លោកអនុរដ្ឋមន្ត្រីបានចុះទៅកាន់ទីនោះ នៅថ្ងៃបន្ទាប់ដើម្បីដោះស្រាយបញ្ហា ប៉ុន្តែបែរជាត្រូវកម្មករធ្វើបាបរហូតដល់ស្លាប់បែបនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/26/95-26-08-2016--11-27-49.jpg"><img src="/FileManager/Articles/mce/2016/8/26/95-26-08-2016--11-27-49.jpg" alt="" /></a><br /></span></p>
<p style="text-align: right;"><br /><span style="color: #000000;">ប្រភព ៖ <span>Reuters </span></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>