<p><span style="color: #000000;"><strong>(ភ្នំពេញ)៖</strong> រតនៈ ពិសី ត្រូវបានទស្សនិកជនទូទៅស្គាល់ថា ជាតារាចម្រៀងក្នុងស្រទាប់យុវវ័យ មានរាងតូចស្រឡឹងគួរឲ្យស្រឡាញ់ ស្រាប់តែក្ដាប់បានឱកាស ចេញទៅសម្ដែង នៅក្នុងទឹកដីសម្បូរ ទៅដោយសត្វកង់គូរ៉ូ នៃប្រទេសអូស្រ្តាលី ជាលើកទី២ ជាមួយនឹងតារាចម្រៀងចំនួន៤ដួង ផ្សេងទៀត ដើម្បីនាំយកបទចម្រៀងខ្មែរ ឲ្យបងប្អូនខ្មែររស់នៅទីនោះ បានរាំកម្សាន្តសប្បាយរីករាយ។ ប៉ុន្តែអ្វីដែលជាការកត់សម្គាល់ សម្រាប់ រតនៈ ពិសី មុនចេញទៅសម្ដែងនៅក្រៅប្រទេស គឺនាងតែងមានដំណឹងស្នេហ៍ ខកបំណងផ្ទួនៗគ្នា រហូតនាងមានអារម្មណ៍រាងចាល លែងចង់យកខ្លួនទៅប្រឡូកប្រឡាក់ ក្នុងឆាកស្នេហាទៀតឡើយ។</span></p>
<p><span style="color: #000000;">ក្នុងឱកាសចេញទៅសម្ដែងនេះ គេសង្កេតឃើញមានបងប្អូនសាច់ញាតិ របស់តារាចម្រៀង រតនៈ ពិសី មួយចំនួន បានមកជូនដំណើរដល់ ព្រលានយន្តហោះអន្តរជាតិភ្នំពេញ កាលពីល្ងាចថ្ងៃទី០១ ខែមិថុនា ឆ្នាំ២០១៦នេះ ។ ក្នុងនោះតារាចម្រៀង របស់កម្ពុជា ចំនួន៥ ដួងទៀត មានដូចជា កញ្ញា រស់ មូនីកា កញ្ញា វ៉ាឌី ភាលី លោក ហេង រនៈកក្កដា និងកញ្ញា សឿង ស៊ីដា ក៏បានរួមដំណើរជាមួយគ្នាផងដែរ ។</span></p>
<p><span style="color: #000000;">ស្រីស្រស់ រតនៈ ពិសី បានថ្លែងប្រាប់ Khmertalking មុនពេលចេញដំណើរហោះហើ ទៅកាន់ប្រទេសអូស្រ្តាលី ឲ្យដឹងថា នាងពិតជារីករាយណាស់ ដែលបានឱកាសទៅសម្ដែង នៅអូស្រ្តាលីជាលើកទី២ ខណៈដែលលើកទី១ នាងទទួលបានជោគជ័យត្រឡប់មកវិញ គួរជាទីមោទនៈ។ ការចេញទៅលើកនេះ មានរយៈពេល៥សប្ដាហ៍ ហើយត្រូវសម្ដែងចំនួន៥ Show តាមបណ្ដារដ្ឋមួយចំនួន ដូចជា មែលប៊ន, អាន់ឌើឡែត, ស៊ីដនី ,ប្រេស៊ីដេន និងអាចមានគម្រោង ទៅកាន់ប្រទេសញូហ្សេឡែន ទៀតផង។</span></p>
<p><span style="color: #000000;">រតនៈ ពិសី បានបន្ថែមថា ឱកាសនៃការចេញទៅសម្ដែងពេលនេះ គឺតាមរយៈសមាគមទូរទស្សន៍ CBN នៅក្នុងប្រទេសអូស្រ្តាលី ដូចកាលពីពេលទៅលើកទី១ដែរ ដោយនាងបានត្រៀម បទចម្រៀងពីសម័យដើមជាច្រើនបទ ដើម្បីឲ្យបងប្អូនខ្មែររស់នៅទីនោះ រាំលេងកម្សាន្តសប្បាយរីករាយ ខណៈដែលពួកគាត់តែងតែគោរពស្រឡាញ់ គាំទ្រអ្នកសិល្បៈខ្មែរ ពេលបាន ទៅដល់នៅទីនោះ ។</span></p>
<p><span style="color: #000000;">អ្វីដែលជាការកត់សម្គាល់ បើទោះបីជា តារាចម្រៀង រតនៈ ពិសី ហាក់កំពុងតែក្រសោបបាន នូវភាពជោគជ័យក្នុងការងារសិល្បៈ រហូតមានឱកាសបានទៅសម្ដែង នៅក្រៅប្រទេសក្ដី ប៉ុន្តែបើក្រឡេកមកមើល ជីវិតឯកជន ជាពិសេសស្នេហារបស់នាងវិញ ហាក់កំពុងតែរងនូវការគ្រាំគ្រាចិត្ត ខណៈជួបប្រទះស្នេហ៍ខកបំណង ជាបន្តបន្ទាប់ រហូតដល់នាងពោលពាក្យថា «លែងចង់គិតរឿងនេះទៀតហើយ» ពេលរំឭក ឬមានសំណួរពាក់ព័ន្ធនឹង រឿងស្នេហា។ </span></p>
<p><span style="color: #000000;">សូមបញ្ជាក់ថា តារាចម្រៀង រតនៈ ពិសី ត្រូវបានមហាជនជាច្រើន តែងតែឃើញនាងបង្ហាញវត្តមាន ក្នុងកម្មវិធិសិល្បៈនានា តាមរយៈស្ថានីយទូរទស្សន៍ ដោយបានធ្វើការបកស្រាយបទចម្រៀង និងបញ្ចេញក្បាច់រាំយ៉ាងរស់រវើក គួរឲ្យកោតសរសើរ ពីសមត្ថភាពរបស់នាង៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-14-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-14-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-14-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-14-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-14-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-06-02-14-30-14-6.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/13296101_997050263742343_541440480_n.jpg?oh=8c631b1f6c1603d39f094712d85ba893&oe=5752976B" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13321711_1057702117638091_8088277635206878306_n.jpg?oh=ee3b65a01f038534bf7f5535e2f22c17&oe=57C5F536" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t1.0-9/13312805_1057702080971428_1035893717192977653_n.jpg?oh=b8ca6e8f54d8bd1eca1f3909771f1cec&oe=57C7A37C&__gda__=1474094583_bf026463a301d6e6bda6bfff4ed91bb5" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlt1/v/t1.0-9/13343140_1057702070971429_1084222257911193203_n.jpg?oh=97f77ad247b1d84a237ff21fe64d2642&oe=57D67A5A&__gda__=1473877886_283aef4866a3b528270e08a0530b8dcb" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13335568_1057702037638099_3712628616810059164_n.jpg?oh=849ad0da4d90139e4c455fb2b2877b58&oe=57CBCF48" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13331038_1057194827688820_7174709095207685802_n.jpg?oh=eb1fab5a5cad1cd3dae2ee7975b13401&oe=57D1FEC4" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>