<p>iPhone 7 បង្ហាញខ្លួនជាផ្លូវការ ជាមួយនឹងពណ៌ខ្មៅ បំពាក់បច្ចេកវិទ្យាទប់ទល់នឹងជម្រាបទឹក មាន<br />ការមេរ៉ាភ្លោះ។ល។</p>
<p><a class="thickbox" title="" href="/FileManager/Commons/2016/9/8/iphone7-08-09-2016--08-29-22.jpg"><img src="/FileManager/Articles/mce/2016/9/8/iphone7-08-09-2016--08-29-22.jpg" alt="" /></a></p>
<p>ព្រឹត្តិការណ៍ឧទ្ទេសនាម iPhone 7 របស់ Apple ត្រូវបានរៀបចំឡើង និងបានបញ្ចប់នៅប៉ុន្មាន<br />ម៉ោងមុននេះ។ បើទោះ iPhone 7 បានកែលំអមុខងារជាច្រើន និងបន្ថែមនូវមុខងារថ្មីដែល Apple<br /> ទើបតែបានធ្វើឡើងជាលើដំបូង ប៉ុន្ដែ វាហាក់មិនទាន់គ្រប់គ្រាន់នោះទេ។</p>
<p>CEO Tim Cook បានចាប់ផ្ដើមព្រឹត្តិការណ៍ឧទ្ទេសនាម ដោយនិយាយអំពីសេចក្ដីសង្ខេបរបស់ <br />Apple Music និង App Store។ បន្ទាប់មក Apple ក៏បានឧទ្ទេសនាម Mario ។ ហើយចុងក្រោយ ក៏<br />បានឧទ្ទេសនាម iPhone 7 ជាផ្លូវការ ៖</p>
<p><a class="thickbox" title="" href="/FileManager/Commons/2016/9/8/apple-iphone-watch-20160907-31-2843-7864-1473267423-08-09-2016--08-49-39.jpg"><img src="/FileManager/Articles/mce/2016/9/8/apple-iphone-watch-20160907-31-2843-7864-1473267423-08-09-2016--08-49-39.jpg" alt="" /></a></p>
<p><strong>iPhone 7 មានការកែលំអច្រើន</strong></p>
<p>Apple បានឧទ្ទេសនាម iPhone 7 ជាមួយនឹងការកែលំអចំនួន ១០មុខងារ ប៉ុន្តែក្នុងនោះមិនមាន<br />ការកែលំអផ្នែករចនារូបរាងនោះទេ។ iPhone 7 មិនខុសគ្នាប៉ុន្មាន បើធៀបនឹង iPhone 6s ប៉ុន្តែ <br />វានៅតែមានចំនុចដែលគួរនិយាយ។</p>
<p>នោះគឺសម្បកខាងក្រៅ និងបន្ថែមពណ៌ខ្មៅទៅក្នុងបញ្ជីម៉ូដែល iPhone 7។ នេះក៏អាចត្រូវបានគេ<br />ចាត់ទុកថាជាការផ្លាស់ប្ដូរធំមួយ ព្រោះថា ពណ៌ខ្មៅ Black និងពណ៌ Jet Black គឺពិតជាស្អាត។<br />ទន្ទឹមនឹងនេះ ខ្សែអង់តែនត្រូវបានធ្វើឱ្យស្ដើងជាងមុន និងត្រូវបានដាក់នៅផ្នែកខាងលើ ជំនួស<br />ឱ្យការអូសកាត់ទទឹងខ្នងដូចមុន។</p>
<p><strong>ប៊ូតុង Home ថ្មីទាំងស្រុង</strong></p>
<p>Apple បានប្ដូរផ្លាស់ប៊ូតុង Home ចាស់ ដោយប៊ូតុងថ្មីទាំងស្រុង នៅលើ iPhone 7។ នោះគឺផ្ទៃរាប<br />ស្មើ រឹង និងមានថាច់ មានន័យថា អ្នកនឹងមិនអាចចុចដូចប៊ូតុង Home របស់ iPhone 6s។</p>
<p><strong>iPhone មានបំពាក់បច្ចេកវិទ្យាទប់ទល់នឹងជម្រាបទឹកជាលើកដំបូង</strong></p>
<p>នេះគឺជាមុខងារដ៏អាស្ចារ្យមួយ ប៉ុន្តែ បច្ចេកវិទ្យានេះ ត្រូវបាន Apple ធ្វើឡើងក្នុងកម្រិតស្ដង់ដា <br />IP67 ប៉ុណ្ណោះ ខណៈដែលបណ្ដាស្មាតហ្វូនលំដាប់កំពូលដទៃ សុទ្ធតែមានកម្រិតស្ដង់ដា IP68។</p>
<p><strong>កាមេរ៉ា</strong></p>
<p><strong><a class="thickbox" title="" href="/FileManager/Commons/2016/9/8/camera-08-09-2016--08-34-14.jpg"><img src="/FileManager/Articles/mce/2016/9/8/camera-08-09-2016--08-34-14.jpg" alt="" /></a><br /></strong></p>
<p>កំណែ iPhone 7 មានកាមេរ៉ាទោល ចំណែក iPhone 7 Plus ត្រូវបានបំពាក់កាមេរ៉ាភ្លោះ។</p>
<p><strong>អេក្រង់ Retina HD</strong></p>
<p>Apple ឱ្យដឹងថា អេក្រង់របស់ iPhone 7 គឺប្រភេទ Retina HD មានពន្លឺខ្លាំងជាងមុន ២៥%។</p>
<p><strong>កាសគ្មានខ្សែ AirPod</strong></p>
<p><strong><a class="thickbox" title="" href="/FileManager/Commons/2016/9/8/arep-08-09-2016--08-35-19.jpg"><img src="/FileManager/Articles/mce/2016/9/8/arep-08-09-2016--08-35-19.jpg" alt="" /></a><br /></strong></p>
<p>Apple លក់ iPhone 7 ជាមួយនឹងកាសស្ដាប់គ្មានខ្សែដែលមានឈ្មោះថា AirPod។</p>
<p><strong>ឈីប A10 ខ្លាំងបំផុតក្នុងចំណោមស្មាតហ្វូន</strong></p>
<p>iPhone 7 ប្រើប្រាស់ឈីប A10 Fusion 4-core , 64-bit ដែលមានល្បឿនលឿន។ Apple ក៏បាន<br />ប្រកាសថា នេះគឺជាឈីបដែលខ្លាំងបំផុតនាបច្ចុប្បន្ន។</p>
<p><strong>ថាមពលថ្ម ប្រើបានយូរជាងមុន</strong></p>
<p><strong><a class="thickbox" title="" href="/FileManager/Commons/2016/9/8/pin-08-09-2016--08-36-08.jpg"><img src="/FileManager/Articles/mce/2016/9/8/pin-08-09-2016--08-36-08.jpg" alt="" /></a><br /></strong></p>
<p>Apple បានឱ្យដឹងថា រយៈពេលនៃការប្រើប្រាស់ថាមពលថ្ម អាចបន្ថែមបាន ២ម៉ោង បើធៀបនឹង<br /> iPhone 6s។</p>
<p><strong>តម្លៃ និងថ្ងៃចេញលក់</strong></p>
<p>iPhone 7 នឹងត្រូវបានដាក់លក់ក្នុងតម្លៃដំបូង 649 USD សម្រាប់កំណែ 32GB។ ចំណែក iPhone<br /> 7 Plus នឹងមានតម្លៃដំបូងគឺ769 USD។ បណ្ដាកំណែដែលមានអង្គចងចាំ 128GB និង 256GB <br />នឹងមានតម្លៃខ្ពស់ជាងជាបន្តបន្ទាប់គឺ 100 USD ដូចទៅនឹងឆ្នាំមុនៗ។</p>
<p>បច្ចុប្បន្ន iPhone 7 ត្រូវបានបំបាត់កំណែអង្គចងចាំ 16GB ជំនួសមកវិញដោយកំណែអង្គចងចាំ <br />32/128/256GB ។</p>
<p>iPhone 7/7 Plus នឹងត្រូវបានដាក់ឱ្យបញ្ជាទិញជាមុន នៅថ្ងៃទី ៩កញ្ញា ហើយវានឹងត្រូវបានដាក់<br />លក់ជាផ្លូវការចាប់ពីថ្ងៃទី ១៦កញ្ញាខាងមុខ៕</p>
<p style="text-align: right;">ប្រែសម្រួល ៖ តារា<br />ប្រភព ៖ Genk</p>