<p><span style="color: #000000;"><strong>(វៀតណាម)៖</strong> ប្រធានាធិបតីសហរដ្ឋអាមេរិក លោក Barack Obama បានជួបទទួលទានអាហារពេលល្ងាច ជាមួយពិធីករទូរទស្សន៍ លោក Anthony Bourdain នៅរដ្ឋធានី Hanoi ប្រទេសវៀតណាម នេះបើតាមសារព័ត៌មានស៊ិនហួ ចេញផ្សាយនៅយប់ថ្ងៃទី២៣ ខែឧសភា ឆ្នាំ២០១៦នេះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/24/17a-24-05-2016--10-18-23.jpg"><img src="/FileManager/Articles/mce/2016/5/24/17a-24-05-2016--10-18-23.jpg" alt="" /></a><br /></span></p>
<p><span style="color: #000000;">ការសន្ទរនារបស់ពួកគេ ត្រូវបានធ្វើឡើងជាមួយនឹងការទទួលទានអាហារ ឈ្មោះជាភាសាវៀតណាម «bun cha» (មីសាច់ជ្រូកខ្វៃ) ហើយការសន្ទនានេះ នឹងត្រូវចាក់ផ្សាយ ក្នុងកម្មវិធី Parts Unknown ជាកម្មវិធីដំណើរកម្សាន្ត និងភ្លក់រសជាតិអាហារ របស់លោក Bourdain នៃស្ថានីយ៍ទូរទស្សន៍ CNN។ លោក Bourdain បានបង្ហោះលើគណនីរបស់លោកថា អាហារមួយពេលមួយឈុត ដែលលោកទទួលទាន ជាមួយលោក Obama មានតម្លៃត្រឹមតែ ៦ដុល្លារសហរដ្ឋអាមេរិកតែប៉ុណ្ណោះ។</span></p>
<p><span style="color: #000000;">«ជំនាញនៃការប្រើចង្កឹះរបស់លោកប្រធានាធិបតី គឺធ្វើបានល្អ» នេះបើតាមលោក Bourdain លើកឡើង។ លោកប្រធានាធិបតី Obama បានជួបជាមួយពិធីករទូរទស្សន៍ នៅចន្លោះកណ្តាលនៃដំណើរទស្សនៈកិច្ច ៣ថ្ងៃរបស់លោក នៅប្រទេសវៀតណាម ក្នុងគោលបំណងបង្កើនភាពជាដៃគូ សហរដ្ឋអាម៉េរិក ជាមួយវៀតណាម ខណៈឥទ្ធិពលរបស់ចិន កំពុងកើនឡើងនៅក្នុងតំបន់អាស៊ី។</span></p>
<p><span style="color: #000000;">សូមជំរាបថា នៅព្រឹកថ្ងៃចន្ទនេះ លោក Obama បានប្រកាសការសម្រេចរបស់សហរដ្ឋអាម៉េរិក ក្នុងការដកទាំងស្រុង នៃការរារាំងរបស់ខ្លួន ចំពោះការលក់អាវុធ មកកាន់ប្រទេសវៀតណាម បន្ទាប់ពីបានដាក់ការរារាំងការជួញដូរ អស់រយៈពេលជាច្រើនទសវត្ស៍ លើប្រទេសជាអតីតសត្រូវរបស់ខ្លួន៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13238898_1606357939678571_3659157850565948247_n.jpg?oh=e915813202c5e4ddfe7e52e69a889eec&oe=57E718BC" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13230133_1606357943011904_548531446814406552_n.jpg?oh=ec9346f7a5f569f5d21284c4c663fe00&oe=579DAD35" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlp1/v/t1.0-9/13240123_1606357933011905_5203361340737984666_n.jpg?oh=2b2feaebfe104850c34e566faedf3ec7&oe=57D47C48&__gda__=1473429085_f3e4e0873fc1771eb0002e4a8f522f1c" alt="" width="730" /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ/ស៊ីអិនអិន</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>