<p><span style="color: #000000;"><strong>(ភ្នំពេញ)៖</strong> ខុសពីការគ្រោងទុកនៅរសៀលថ្ងៃទី២៦ ខែមេសា ឆ្នាំ២០១៦នេះ លោក កឹម សុខា ប្រធានស្តីទីគណបក្សសង្រ្គោះជាតិ ដែលកំពុងមានរឿងអាស្រូវស្នេហា មិនបានទៅសួរសុខទុក្ខសកម្មជនរបស់ខ្លួន នៅក្នុងពន្ធនាគារនោះឡើយ។</span></p>
<p><span style="color: #000000;">មន្រ្តីគណបក្សសង្រ្គោះជាតិ បានឱ្យដឹងថា មូលហេតុដែលលោក កឹម សុខា មិនបានទៅសួរសុខទុក្ខសកម្មជននេះ ដោយសារតែមិនទាន់មានការ អនុញ្ញាតពីក្រសួងមហាផ្ទៃ ដោយសារតែពាក្យស្នើសុំកន្លងមកនោះ អនុញ្ញាតឱ្យសួរសុខទុក្ខតែមួយក្រុមប៉ុណ្ណោះ សម្រាប់ថ្ងៃអង្គារនេះ។</span></p>
<p><span style="color: #000000;">មន្រ្តីដដែលនោះ គណបក្សសង្រ្គោះជាតិ បានដាក់ពាក្យ ស្នើម្តងទៀត ដើម្បីឱ្យលោក កឹម សុខា អាចសួរសុខទុក្ខសកម្មជនរបស់ខ្លួន នៅថ្ងៃសុក្រ។</span></p>
<p><span style="color: #000000;">សូមបញ្ជាក់ថា នៅព្រឹកមិញនេះមានក្រុមតំណាងរាស្រ្ត គណបក្សសង្រ្គោះជាតិមួយចំនួន ដែលដឹកនាំដោយ លោក ហូរ វ៉ាន់ លោក សុន ឆ័យ លោក អេង ឆៃអ៊ាង ក៏បានចុះសួរសុខទុក្ខសកម្មជន គណបក្សសង្រ្គោះជាតិរួចហើយផងដែរ។</span></p>
<p><span style="color: #000000;">មន្រ្តី និងសកម្មជនគណបក្សសង្រ្គោះជាតិ១៦នាក់ ពេលនេះកំពុងជាប់ឃុំនៅក្នុងពន្ធនាគារព្រៃស ក្នុងនោះមាន លោក អ៊ុ សំអាន , លោក ហុង សុខហួរ , លោក មាជ សុវណ្ណារ៉ា រួមទាំងសកម្មជនមួយចំនួនទៀត៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/26/1-26-04-2016--16-39-00.jpg"><img src="/FileManager/Articles/mce/2016/4/26/1-26-04-2016--16-39-00.jpg" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>