<p><span style="color: #000000;"><strong>(ភ្នំពេញ)៖</strong> ថ្វីត្បិតមិនមានឱកាសជួយក្រុមជម្រើសជាតិកម្ពុជា ពេលជួបក្រុមចិនតៃប៉ិ ជើងទី២ នាថ្ងៃស្អែក ដោយសារអាជ្ញាកណ្ដាលពិន័យការលឿង ២ដង (កាតក្រហម) កាលពីជួបចិនតៃប៉ិ ជើងទី១ ប៉ុន្ដែកីឡាករ ធារី ចន្ថាប៊ីន បានប្ដេជ្ញាចិត្តក្នុងនាមសមាជិកក្រុមជម្រើសជាតិថា នឹងខិតខំឲ្យអស់ពីសមត្ថភាព ដើម្បីស្វែងរកជ័យជម្នះជូនជាតិ ។</span></p>
<p><span style="color: #000000;">ប៉ុន្ដែមុននឹងជំនួបជើងទី២ នៃវគ្គជម្រុះពានរង្វាន់ AFC Asian Cup 2019 រវាងក្រុមជម្រើសជាតិកម្ពុជា និងចិនតៃប៉ិ នាថ្ងៃស្អែកមកដល់ កីឡាករខ្សែបម្រើកូនកាត់ខ្មែរ-បារាំងរូបនេះ បានបង្ហោះសារមួយ សម្រាប់អ្នកគាំទ្រ ដើម្បីត្រៀមខ្លួនចូលរួមទស្សនា និងលើកទឹកចិត្តកីឡាករជម្រើសជាតិរបស់ខ្លួន នៅយប់ថ្ងៃទី០៧ ខែមិថុនា ឆ្នាំ២០១៦នេះ ។</span></p>
<p><span style="color: #000000;">ធារី ចន្ថាប៊ីន បានសរសេរថា <strong>«ជូនចំពោះអ្នកគាំទ្រក្រុមជម្រើសជាតិកម្ពុជា ទាំងអស់គ្នា យើងនឹងខំប្រឹងឲ្យអស់ពីសមត្ថភាពនៅថ្ងៃអង្គារ៍នេះ ក្នុងការប្រកួតជាមួយក្រុមឆាយនីសតៃប៉ិ! ប៉ុន្តែខ្ញុំសូមសំណូមពរទៅអ្នកគាំទ្រទាំងអស់ឲ្យគោរព តាមការសម្រេចចិត្តនៅលើទីលាន ។ ទោះបីជាអ្នកទាំងអស់គ្នាខឹង ក្រុមម្ខាងទៀតក៏ពិតមែន ក៏ព្រោះតែយើងចង់ឈ្នះ ប៉ុន្តែសូមរក្សាការគាំទ្រដោយភាពថ្លៃថ្នូរ និងផ្តល់កម្លាំងចិត្ត ក្នុងការប្រកួតដល់កីឡាករទាំងអស់»</strong>។</span></p>
<p><span style="color: #000000;"><strong>«ការបោះ ឬគប់របស់ចូលទីលានអាចនឹងប៉ះពាលដល់ពួកយើង ហើយយើងអាចនឹងទទួលពិន័យ សម្រាប់អាកប្បកិរិយាមិនល្អនេះ។ សូមគោរពនៅការសម្រេចចិត្ត ក្នុងការប្រកួត គោរពប្រទេសជាតិយើង និងកេរ្ត៍ឈ្មោះដ៏អស្ចារ្យរបស់កម្ពុជា»</strong> ។ នេះជាការបញ្ជាក់បន្ថែម របស់កីឡាករប្រធានក្រុមជម្រើសជាតិកម្ពុជា រូបនេះ ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-06-06-07-39-35-0.PNG" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>