<p><span style="color: #000000;"><strong>(ភ្នំពេញ)៖</strong> ក្នុងរាជធានីភ្នំពេញនៅយប់មិញនេះបានកើតករណីគ្រោះថ្នាក់ចរាចររថយន្តបុកម៉ូតូ ចំនួន៣លើក ក្នុងនោះក៏មានករណីពិធីករទូរទស្សន៍ MYTV លោក អ៊ែន ប៊ី ផងដែរ។ សាក្សី បានអះអាងថា លោក អ៊ែន ប៊ី ពិធីករក្នុងកម្មវីធីល្បែងជ្រែកជញ្ជាំង របស់ស្ថានីយ៍ទូរទស្សន៍ MYTV បានបើករថយន្តលុច្សស៊ីសពណ៌សបុកម៉ូតូ បណ្តាលឲ្យនារីពីរនាក់រងរបួសធ្ងន់ ហើយព្យាយាមបើករត់ តែបារមីលោកយាយពេញ មិនជួយពិធីករកំលោះរូប សង្ហាជិតឥតមេត្តា បើទោះបីគេខំបើករថយន្តគេចខ្លួនរាប់គីឡូម៉ែត្រ ក៏ត្រូវសមត្ថកិច្ចប្រដេញតាមចាប់ជាប់វែកមុខឲ្យមហាជនបានដឹង និងរងនូវការរិះគន់ និងតិះដៀលយ៉ាងខ្លាំង។</span></p>
<p><span style="color: #000000;">មន្រ្តីនគរបាលចរាចរណ៍រាជធានីភ្នំពេញ បានប្រាប់ Fresh News ថា ករណីគ្រោះថ្នាក់ចរាចរទាំង ៣ករណីនេះ បានកើតឡើង នៅម៉ោងបន្តបន្ទាប់គ្នា។</span></p>
<p><span style="color: #000000;"><strong>ករណីទី១៖</strong> បានកើតឡើងនៅម៉ោងជាង១០យប់ថ្ងៃទី២៥ ខែធ្នូ ឆ្នាំ២០១៥ តាមផ្លូវទេពផន ស្ថិតក្នុងសង្កាត់ទឹកល្អក់ទី៣ ខណ្ឌ ទួលគោក បង្កឡើងដោយរថយន្ត ViGo ពណ៌ទឹកប្រាក់ ពាក់ស្លាកលេខភ្នំពេញ 2Z-3515 បើកក្នុងទិសដៅពីលិចទៅកើត។ លុះ បើកជិតដល់ខារ៉ាអូខេ «នគរសំរឹទ្ធ» បានបុកម៉ូតូកង់បីពីក្រោយពេញទំហឹង បណ្តាលឲ្យម៉ូតូកង់បី ដាច់ពីគ្មា រីឯម្ចាស់ម៉ូតូកង់បីរបួស ធ្ងន់ ត្រូវបានបញ្ជួនទៅសង្គ្រោះអាយុជីវិតភ្លាមៗផងដែរ។</span></p>
<p><span style="color: #000000;"><strong>ករណីទី២៖</strong> កើតឡើងនៅម៉ោងជាង ១១យប់ថ្ងៃទី២៥ ខែធ្នូ ឆ្នាំ២០១៥ តាមបណ្តោយផ្លូវវេងស្រេងត្រង់ផ្លូវចូលទៅប៉ុស្តិ៍នគរបាល ស្ទឹងមានជ័យ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ បង្កឡើងដោយបុរសម្នាក់ បើករថយន្តកូរ៉េ ទៅបុករថយន្ត Masda ពាក់ស្លាកលេខ ខេមរភូមិ 09-2-6137 របស់មន្រ្តីកងរាជអាវុធហត្ថមួយរូបបណ្តាលឲ្យខូចខាតរថយន្តផ្នែកខាងក្រោយ ត្រូវបានម ន្ត្រីនោះទារសំណងចំនួន ១០០ដុល្លារ ដើម្បីបញ្ជប់រឿងនៅកន្លែងកើតហេតុតែម្តង។</span></p>
<p><span style="color: #000000;"><strong>ករណីទី៣៖</strong> ករណីទី៣នេះ ចាត់ទុកថា ជាករណីពិសេសជាងគេ ព្រោះអ្នកបង្ក គឺជាតារា និងពិធីករមានឈ្មោះ បោះសំឡេងមួយ រូបប្រចាំនៅស្ថានីយ៍ទូរទស្សន៍ MYTV ក្នុងកម្មវិធី «ល្បែងជ្រែកជញ្ជាំង» គឺលោក អ៊ែន ប៊ី។</span></p>
<p><span style="color: #000000;">សាក្សី ក៏ដូចជាមន្រ្តីនគរបាលចរាចរណ៍បានឲ្យដឹងថា នៅវេលាម៉ោងជាង ១២យប់ លោក អ៊ែន ប៊ី រួមនិងមិត្តភក្តិម្នាក់ទៀត បាន បើករថយន្ត Lexus Rx 330ពណ៌សមួយគ្រឿង ពាក់ស្លាកលេខភ្នំពេញ 2AG-2312 ទៅបុកម៉ូតូឌ្រីមសង់មួយគ្រឿង បណ្តាលឲ្យ នារីពីរនាក់រងរបួសធ្ងន់ ធ្ងរ នៅជិតស្ថានីយប្រេងឥន្ធនៈ Total ក្បែរវត្តភ្នំ ស្ថិតក្នុងសង្កាត់វត្តភ្នំ ខណ្ឌដូនពេញ។</span></p>
<p><span style="color: #000000;">បើតាមសំដី និងមន្រ្តីនគរបាលចរាចរណ៍ បានឲ្យដឹងថា មុនពេលកើតហេតុ លោក អ៊ែន ប៊ី បានបើករថយន្តមិនដឹងមកពីណា នោះ ទេ លុះដល់ចំណុចកើតហេតុ ក៏មាននារី ២នាក់ បានបើកម៉ូតូមកដល់ដែរ ហើយទុចដំណើរគ្នា ទើបរថយន្តរបស់លោក អ៊ែន ប៊ី បុកម៉ូតូពេញទំហឹង។ បន្ទាប់ពីបុកបណ្តាលឲ្យនារីពីរនាក់រងរបួសហើយ ពិធីកររូបសង្ហាមិនបានឈប់រថយន្ត ដើម្បីដោះស្រាយ ឬជួយនារីទាំងពីរនាក់នោះទេ លោកបានព្យាយាមបើករថយន្តគេចខ្លួន ទាំងរថយន្តធ្លាក់បាត់កាងខាងមុខ និងស្លាកលេខ។</span></p>
<p><span style="color: #000000;">តែប្រហែលជាបារមីលោកយាយពេញ មិនជួយកំលោះពិធីកររូបសង្ហាចិត្តគ្មានក្តីមេត្តានោះ បើទោះបីជាខំប្រឹងបើករត់តាំងពីវត្តភ្នំ រហូតដល់ផ្លូវលេខ១៥៦ ម្តុំផ្សារដេប៉ូ ស្ថិតក្នុងសង្កាត់ផ្សារដេប៉ូទីមួយ ត្រូវបានកម្លាំងនគរបាលខណ្ឌទួលដេញចាប់បានទាំងរថយន្ត និងពិធីកររូបនោះផងដែរ។</span></p>
<p><span style="color: #000000;">ក្រុមអ្នកដើរលេងពេលរាត្រី និងបានឃើញហេតុការណ៍គ្រោះថ្នាក់ចរាចរណ៍បង្កឡើងដោយ លោក អ៊ែន ប៊ី បាននាំគ្នាធ្វើការរិះគន់ យ៉ាងខ្លាំងក្លាថា ជាពិធីករមួយរូបគួរសាបព្រោះនូវទង្វើល្អៗក្នុងសង្គម ដើម្បីជាគំរូដល់មនុស្សដទៃ តែបែរជាសាបព្រោះនូវទង្វើ គ្មានទំនួលខុសត្រូវ ដែលសង្គមស្អប់ខ្ពើមទៅវិញ។ ក្រុមប្រជាពលរដ្ឋ បានបង្ហាញក្តីរំពឹង ក្រុមតារាដទៃទៀត ដែលល្បី និងមានប្រ ជាប្រិយភាពដោយសារតែការគាំទ្ររបស់មហាជន គួរប្រឹងប្រែងធ្វើទង្វើមានទំនួលខុសត្រូវ និងទង្វើដែលសង្គមមនុស្សទូទៅគោ រពស្រឡាញ់ មិនគួរធ្វើដូចលោក អ៊ែន ប៊ី នោះទេ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/t31.0-8/1498845_1537763996537966_2860158801167625989_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/t31.0-8/12401774_1537763783204654_3160096010986642267_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/t31.0-8/1606414_1537763779871321_1426501669980737340_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/t31.0-8/980890_1537763786537987_1778332531152000173_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xta1/t31.0-8/1498890_1537763833204649_614358892753317141_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xta1/t31.0-8/10273141_1537763819871317_4574913423890842903_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/t31.0-8/1064985_1537763836537982_2219290229331294208_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/t31.0-8/920778_1537763873204645_3268045474161946254_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/t31.0-8/12402118_1537763876537978_7867761353255034616_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/t31.0-8/11224833_1537763886537977_1147896451908426559_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/t31.0-8/11251625_1537763916537974_6234254362732080191_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/t31.0-8/1501410_1537763923204640_6512813697059236219_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/t31.0-8/12401775_1537763929871306_5232739926409894218_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/t31.0-8/12322506_1537763959871303_5651795477390479240_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/t31.0-8/704674_1537763956537970_3064508989397104480_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xap1/t31.0-8/1933164_1537763966537969_4593464831624156363_o.jpg" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>