<p><span style="color: #000000;">ព័ត៌មានកីឡា៖ លោក Rafael Benitez ដែលជាគ្រូបង្វឹកថ្មីប្រចាំនៅក្លឹប Real Madrid បានអះអាងប្រាប់អ្នកសារព័ត៌មានថាខ្សែប្រយុទ្ធរបស់ក្លឹបគឺកីឡាករ Cristaino Ronaldo គឺនឹងមិនមានមានជម្ងឺអ្វីទៀតនោះទេ មកទល់ពេលនេះ បន្ទាប់ពីមានការព្យាបាល។ </span></p>
<p><span style="color: #000000;">កីឡាករ Cristaino Ronaldo បានអវត្ដមាននឹងការចូលរួមប្រកួតជា មួយក្លឹប អស់រយៈពេល ៣ការប្រកួតទៅហើយ ក្នុងព្រឹត្ដិការណ Audi Cup ដោយមួយការប្រកួតវគ្គផ្ដាច់ព្រ័ត្រ ប៉ះជាមួយ ក្លឹប Bayern Munich ហើយចាញ់ក្នុងលទ្ធផល ពិន្ទុ ១-០ និងមួយការប្រកួតទៀត ទៅប្រទេស Norway ។ Ronaldo បានអះអាងថា ខ្លួនមានបញ្ហាផ្នែកខ្នង ទើបមិនអាចចូលរួមប្រកួតបាន ហើយរហូតមកទល់នឹងពេលនេះ នៅមិនទាន់មានដំណឹងថាជាសះស្បើយនៅឡើយទេ ខណៈដែលគ្រប់គ្នាមានការភ័យព្រួយ បារម្មណ៍ខ្លាចមានជម្ងឺកាន់តែធ្ងន់ធ្ងរ។ ប៉ុន្ដែទន្ទឹមគ្នានឹងការលើកឡើងនោះផងដែរ លោកRafael Benitez បានលាតត្រដាងថា ជម្ងឺរបស់កីឡាករ គឺមិនធ្ងន់ធ្ងរអ្វីនោះទេ ហើយកីឡាករក៏មិនមានជម្ងឺអ្វីនោះដែរ ពីព្រោះ គាត់ត្រូវបានព្យាបាល ដោយក្រុមគ្រូពេទ្យអស់រយៈពេលជាច្រើនថ្ងៃមកហើយ ហើយគាត់ក៏សង្ឃឹមថា Ronaldo នឹងមិនមានអ្វីកើតឡើង ក្នុងកំលុងពេល រដូវកាល La Liga ត្រូវបើកទ្វារ។ </span></p>
<p><span style="color: #000000;">អវត្ដមាន Ronaldo ម្នាក់ ក្លឹប Real Madrid អាចនឹងមានហានិភ័យកើតឡើង បើទោះបីជាមាន Benzema និង Gareth Bale នោះ។ ហើយម្យ៉ាងវិញទៀត Karim Benzema ក៏មានបញ្ហា របួសជើង ក៏មិនទាន់ដឹងពីលទ្ធផលច្បាស់នៅឡើយទេ ថាអាចលេងបានល្អ ឡើងវិញ ខណៈដែល ២ប្រកួតមុន កីឡាករ ក៏មិនបានចូលរួមប្រកួតផងដែរ ។ ប៉ុន្ដែទោះជាយ៉ាងណា លោក Rafael Benitez និងអះអាងថា ការចាប់ផ្ដើមរដូវកាល នឹងត្រូវតែធ្វើឲ្យល្អប្រសើរ ឡើងវិញ។</span></p>
<p><span style="color: #000000;"><a class="thickbox" title="" href="/FileManager/Commons/2015/8/11/8-11-2015-9-33-38-am-11-08-2015--09-44-39.png"><img src="/FileManager/Articles/mce/2015/8/11/8-11-2015-9-33-38-am-11-08-2015--09-44-39.png" alt="" /></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ sports.ndtv</span></p>