<p><span style="color: #000000;"><strong>(កំពង់ចាម)៖</strong> កម្លាំងការិយាល័យបទល្មើសគ្រឿងញៀន បញ្ជាការដ្ឋានកងរាជអាវុធហត្ថខេត្តកំពង់ចាម សហការជាមួយកម្លាំងមូលដ្ឋានកងរាជអាវុធហត្ថស្រុកស្ទឺងត្រង់ ក្រោមការណែនាំផ្ទាល់ពី លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្ត បើកប្រតិបត្តិការបង្ក្រាបករណីគ្រឿងញៀន ដោយឃាត់បានមេក្លោង ចែកចាយនិងបក្ខពួកសរុប៥នាក់។</span></p>
<p><span style="color: #000000;">លោកឧត្តមសេនីយ៍ត្រី សោ សាវឿន បានឲ្យដឹងថា ប្រតិបត្តិការនេះបានធ្វើឡើងនៅថ្ងៃទី៣ ខែកុម្ភៈ ឆ្នាំ២០១៧នេះ នៅចំណុចក្នុងចំការកៅស៊ូ ស្ថិតក្នុងភូមិចេកឈ្វា ឃុំព្រែកកក់ ស្រុកស្ទឹងត្រង់ ជាលទ្ធផលកម្លាំងជំនាញឃាត់ខ្លួនជនសង្ស័យបានជាបន្តបន្ទាប់ សរុប៥នាក់ រួមមាន ទី១៖ឈ្មោះ ថង ហេង អាយុ២០ឆ្នាំ, ទី២៖ឈ្មោះ ណែប វណ្ណៈ អាយុ២៣ឆ្នាំ, ទី៣៖ឈ្មោះ សុខ ជា អាយុ១៦ឆ្នាំ, ទី៤៖ឈ្មោះ គ្រុយ បារាំង អាយុ៣៨ឆ្នាំ និងទី៥៖ឈ្មោះ ឆេង មករា អាយុ៣៤ឆ្នាំ។</span></p>
<p><span style="color: #000000;">លោកមេបញ្ជាការ បញ្ជាក់ថា ក្រោយឃាត់ខ្លួនជំនាញដកហូតបាន ថ្នាំញៀនប្រភេទម្សៅក្រាមពណ៌ស ម៉ាទឹកកក៤៨កញ្ចប់, ម៉ូតូ៤គ្រឿង និងសម្ភារពាក់ព័ន្ធមួយចំនួនទៀត។ បច្ចុប្បន្នជនសង្ស័យត្រូវបានកសាងសំណុំរឿង ដើម្បីបញ្ជូនទៅចាត់ការបន្ដ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-02-04-11-06-28-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-04-11-06-28-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-04-11-06-34-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-04-11-06-37-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>