<p><span style="color: #000000;"><strong>(មណ្ឌលគិរី)៖</strong> ទង្វើរបស់មនុស្សភេទទី៣ (ប្រុសធ្វើស្រី) ជាជនជាតិវៀតណាម ដែលបានយកឧបករណ៍ទៅឆក់ក្មេងប្រុសកូនរបស់ពលរដ្ឋខ្មែរ អាយុទើបតែ២ឆ្នាំ បណ្តាលឲ្យផ្ទុះការរិះគន់ និងក្តៅក្រហាយពេញបណ្តាញ Facebook នោះ ឥឡូវនេះត្រូវបានកម្លាំងនគរបាលក្រសួងមហាផ្ទៃ សហការជាមួយកម្លាំងនគរបាលខេត្តមណ្ឌលគិរី និងនគរបាលខេត្តកំពង់ចាម បើកប្រតិបត្តិការស្រាវជ្រាវយ៉ាងបន្ទាន់ រហូតតាមចាប់ខ្លួនជនសង្ស័យ៣នាក់ និងកំពុងតែតាមចាប់ជនដៃដល់ ដោយសារតែរូបគេ កំពុងគេចខ្លួនទៅវៀតណាមបាត់។</span></p>
<p><span style="color: #000000;">តាមពិតហេតុការណ៍នេះ ត្រូវបានសមត្ថកិច្ចប្រាប់ថា បានកើតឡើងតាំងពីជាង២ខែមុនមកម្ល៉េះស្ថិតនៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ប៉ុន្តែទើបតែធ្លាយនៅប៉ុន្មានថ្ងៃនេះ បន្ទាប់ពីមានការបញ្ចេញ Video នៃសកម្មភាពប្រើអំពើហិង្សាទៅលើក្មេងប្រុសដ៏កំសត់រូបនេះ តាមបណ្តាញសង្គម Facebook ធ្វើឲ្យប្រជាពលរដ្ឋខ្មែរដែលលេង Facebook ចេញមកថ្កោលទោលយ៉ាងខ្លាំងៗ និងសុំឲ្យសមត្ថកិច្ចពាក់ព័ន្ធតាមចាប់ជនដៃដល់រូបនេះផង។</span></p>
<p><span style="color: #000000;">ជាមួយគ្នានេះ ក៏មានអ្នកលេង Facebook សំរក់ទឹកភ្នែកសម្តែងការអាណិតអាសូរយ៉ាងពន់ពេកដល់ក្មេងប្រុសរងគ្រោះ ធ្វើឲ្យមានការ Share និងមើល វីដេអូមួយនេះរាប់ម៉ឺននាក់ឯណោះ។</span></p>
<p><span style="color: #000000;">ស្នងការរងនគរបាលខេត្តមណ្ឌលគិរី លោក សូរ សុវណ្ណ បានបញ្ជាក់ថា អ្នកជាប់ពាក់ព័ន្ធចំនួន៣នាក់ ក្នុងករណីធ្វើទារុណ្ឌកម្ម យកឧបករណ៍ឆក់ ទៅឆក់ក្មេងប្រុសរងគ្រោះ នាពេលកន្លងមកនេះ ត្រូវបានកម្លាំងនគរបាលខេត្ត សហការជាមួយកម្លាំងនគរបាលក្រសួងមហាផ្ទៃ និងខេត្តកំពង់ចាម ព្រមទាំងមានការចូលរួមពីអង្គការ CPU បានឃាត់ខ្លួន នៅខេត្តកំពង់ចាម កាលពីល្ងាចថ្ងៃទី៦ ខែធ្នូ ឆ្នាំ២០១៦។</span></p>
<p><span style="color: #000000;">លោកស្នងការនគរបាលខេត្តកំពង់ចាម លោកឧត្តមសេនីយ៍ត្រី ឯម កុសល បានបញ្ជាក់ថា នៅថ្ងៃទី៧ ខែធ្នូ ឆ្នាំ២០១៦នេះ ជនដែលត្រូវឃាត់ទាំង៣នាក់ កំពុងត្រូវបានបញ្ជូនមកកាន់ស្នងការដ្ឋាននគរបាលខេត្តមណ្ឌលគិរីដើម្បីសួរនាំបន្តទៀត។</span></p>
<p><span style="color: #000000;">លោក សូរ សុវណ្ណ បានបញ្ជាក់ថា ក្មេងប្រុសរងគ្រោះដោយសារការធ្វើទារុណកម្មខាងលើនេះមានឈ្មោះ សូរ សៅ ជាកូនជនជាតិខ្មែរ រស់នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ដែលម្តាយឪពុកជាកម្មករចាំចំការកាកាវ ឲ្យជនជាតិហូឡង់ ស្ថិតនៅភូមិឃុំខាងលើ។ ដោយឡែកជនដៃដល់ជាជនជាតិវៀតណាមភេទទី៣ (ខ្ទើយ)ឈ្មោះ Doung tanh ត្រូវជាសង្សាម្ចាស់ចំការកាកាវជនជាតិហូឡង់។</span></p>
<p><span style="color: #000000;">ស្នងការរងខេត្តមណ្ឌលគិរីរូបនេះ បានបន្តថា <strong>«តាមពិតរឿងនេះ វាបានកើតឡើងយូរមកហើយ ប៉ុន្តែក្រុមអ្នកប្រព្រឹត្ត ក្នុងករណីនេះធ្វើការបិតបាំងរឿង។ នៅពេលបែកធ្លាយសមត្ថកិច្ចរបស់យើង បានចាប់ផ្តើមធ្វើការស្រាវជ្រាវរហូតដល់ការឃាត់ខ្លួនបានមនុស្សចំនួន៣នាក់ នៅខេត្តកំពង់ចាម ក្នុងនោះមានជនជាតិខ្មែរចំនួន២នាក់ និងជនជាតិ ហូឡង់ម្នាក់ កំពុងធ្វើការបញ្ជូនពួកគេ មកពីខេត្តកំពង់ចាមហើយ»</strong>។</span></p>
<p><span style="color: #000000;">លោក សូរ សុវណ្ណ បានបញ្ជាក់ប្រាប់ថា ជនសង្ស័យជាជនជាតិវៀតណាមនោះ កំពុងរត់គេចខ្លួន ទៅវៀតណាមហើយ ប៉ុន្តែកម្លាំងនគរបាលរបស់លោកយើងកំពុងតាមចាប់។ សម្រាប់មនុស្សទាំង៣នាក់នេះ ពួកគេអាចដឹងរឿងរ៉ាវច្រើនទៀត ពីទង្វើរបស់ជនសង្ស័យ ដែលបានធ្វើបាបក្មេងរងគ្រោះ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2F1440633546251012%2Fvideos%2F1701346086846422%2F&show_text=0&width=400" frameborder="0" width="500" height="1300"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-51-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-07-11-48-52-9.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>