<p><span style="color: #000000;"><strong>(អាមេរិក)៖</strong> យោងតាមការសិក្សាស្រាវជ្រាវថ្មីមួយ បានឲ្យដឹងថា ការផឹកគ្រឿងស្រវឹងលើសពី២កែវ ក្នុងមួយថ្ងៃ នៅក្នុងវ័យកណ្តាល មានការប្រឈមមុខខ្ពស់ នឹងការកើតជំងឺដាច់សរសៃឈាមខួរក្បាល ជាងជំងឺបេះដូង និងជំងឺទឹមនោមផ្អែម។ នេះបើយោងតាមគេហទំព័រព័ត៌មាន Yahoo ចេញផ្សាយ នៅថ្ងៃសុក្រ ទី ១០ ខែកុម្ភៈ ឆ្នាំ២០១៧។</span></p>
<p><span style="color: #000000;">លោកស្រី Pavla Kadlecova ជាអ្នកស្ថិតិម្នាក់ នៅមជ្ឈមណ្ឌលស្រាវជ្រាវគ្លីនិកអន្តរជាតិ របស់សាកលវិទ្យាល័យពេទ្យ Anne នៅក្នុងសាធារណរដ្ឋឆេក បានឲ្យដឹងថា កត្តាហានិភ័យសុខភាព និងឥទ្ធិពលរបស់គ្រឿងស្រវឹង មានការប្រែប្រួលទៅតាមអាយុ របស់មនុស្ស។ នៅក្នុងការសិក្សានេះ ក្រុមអ្នកស្រាវជ្រាវ បានមើលទៅលើទិន្នន័យ មនុស្សចំនួន១១.៦៤៤ នាក់ ដោយធ្វើការប្រៀបធៀប អំពីកម្រិតនៃការប្រើប្រាស់គ្រឿងស្រវឹង ដែលពាក់ព័ន្ធទៅនឹង ជំងឺដាច់សរសៃឈាមខួរក្បាល។</span></p>
<p><span style="color: #000000;">ក្រុមអ្នកស្រាវជ្រាវបានរកឃើញថា អ្នកដែលបានប្រើប្រាស់គ្រឿងស្រវឹង កម្រិតលើសពី២កែវក្នុងមួយថ្ងៃ ប្រឈមនឹងការកើតជំងឺ ដាច់សរសៃឈាមខួរក្បាល ខ្ពស់ជាងអ្នកផឹកតិច ចំនួន ៣៤ ភាគរយ។ លទ្ធផលបង្ហាញថា អ្នកផឹកច្រើន ហាក់ទទួលរងជំងឺ ដាច់សរសៃឈាមខួរក្បាល ក្នុងរយៈពេល ៥ ឆ្នាំក្រោយ មិនថាពួកគេមានភេទ ប្រវត្តិសុខភាព ឥរិយាបទ បែបណាក៏ដោយ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/10/06b-10-02-2017--11-55-27.jpg"><img src="/FileManager/Articles/mce/2017/2/10/06b-10-02-2017--11-55-27.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>