<p><span style="color: #000000;"><strong>(ភ្នំពេញ)៖</strong> ការប្រកួតបាល់ទាត់វគ្គជម្រុះពានរង្វាន់ជើងឯកពិភពលោក World Cup 2018 នឹងចាប់ផ្តើមជើងទី១ ប្រចាំទ្វីបអាស៊ី (AFC) ដែលជាជុំចុងក្រោយគេ មុនទៅលេងវគ្គផ្តាច់ព្រ័ត្រ ៣២ក្រុមចុងក្រោយនៅប្រទេសរុស្ស៊ី ក្នុងរយៈពេល២ឆ្នាំខាងមុខទៀត។</span></p>
<p><span style="color: #000000;">តាមរយៈគេទំព័រកីឡាបាល់ទាត់ប្រចាំទ្វីបអាស៊ី AFC បានឲ្យដឹងថា ការប្រកួតជើងទី១ នៃជុំទី៣ចុងក្រោយគេនេះ នឹងចាប់ផ្តើមប្រកួតពីថ្ងៃទី០១ ខែកញ្ញាខានស្អែកនេះហើយ ដោយនៅសល់តែ១២ប្រទេសប៉ុណ្ណោះបានឡើងដល់ជុំ ផ្តាច់ព្រ័ត្រនេះ ដោយក្រុមជម្រើសជាតិកម្ពុជា និងវៀតណាម សុទ្ធតែធ្លាក់ក្នុងជុំទី២ទាំងអស់ មានតែថៃមួយទេដែល បានឆ្លងផុត ដែលត្រូវប្រជែងជាមួយក្រុមជម្រើសជាតិអូស្រ្តាលី ជប៉ុន អារ៉ាប៊ីសាអូឌីត អារ៉ាប់រួម និងអ៊ីរ៉ាក់ ពីក្នុងពូល B ធ្វើការប្រកួត២ជើងដូរទឹកដីគ្នា។</span></p>
<p><span style="color: #000000;">សម្រាប់ពូល A វិញក៏មាន៦ក្រុមដែរ គឺជម្រើសជាតិអ៊ីរ៉ង់ កូរ៉េខាងត្បូង អ៊ូសបេគីស្ថាន ចិន កាតា និងស៊ីរី។ អ្វីដែលគួរឲ្យកត់សម្គាល់នោះគឺ ក្រុមជម្រើសជាតិដែលបានបង្ហាញខ្លួនក្នុងវគ្គផ្តាច់ព្រ័ត្រ ៣២ក្រុមចុងក្រោយនៃ World Cup 2014 នៅប្រទេសប្រេស៊ីលមាន អ៊ីរ៉ង់ កូរ៉េខាងត្បូង អូស្រ្តាលី និងជប៉ុន សុទ្ធតែឡើងមកដល់ជុំទី៣នេះដូចគ្នា ខណៈដែលក្រុម ឈរនៅលេខ១ និងលេខ២ ទាំង២ពូល ឈ្នះកៅអីទៅលេង World Cup 2018 នៅរុស្ស៊ី គ្រាដែលលេខ៣ ពូល A និង ពូល B ប្រកួត២ជើងទៀត ដើម្បីស្វែងរកក្រុមឈ្នះទៅប្រកួតជម្រុះជាមួយក្រុមស្ថិតនៅតំបន់អាមេរិកខាងជើង (CANCACAF) ជាបន្តទៀត ដើម្បីយក១កៅអីទៀត។</span></p>
<p><span style="color: #000000;">សូមបញ្ជាក់ផងដែរថា សម្រាប់កៅអី World Cup ទ្វីបអាស៊ីត្រូវបាន FIFA ឲ្យកៅអី ៤កន្លះ ខណៈដែលប្រទេសម្ចាស់ផ្ទះព្រឹត្តិការណ៍បាល់ទាត់ពិភពលោក រយៈពេល៤ឆ្នាំមានម្តងនេះ ផ្តល់អាទិភាពមានកៅអី១រួចជាស្រេច រង់ចាំប្រកួតតែ ម្តង៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14199477_1770668496506001_7248835245670262306_n.jpg?oh=feee3838ad7158feb376e8f67a691c0d&oe=584BCD97" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xal1/v/t1.0-9/14192157_1770668476506003_6923729953251126819_n.jpg?oh=f2a50d96dc5c27a4994098ceac730818&oe=5852149F&__gda__=1481497523_df37f8985311c9347f868dd5ceea09d5" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14080046_1770668483172669_500745324764060360_n.jpg?oh=3e35ec93d42cd49887ced4a6e4c2cbc3&oe=5839A1C8" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpa1/v/t1.0-9/14192535_1770668469839337_7240041280749149651_n.png?oh=bb8a3dbdb0c81596114cd1368fa93130&oe=584AF8D6&__gda__=1480069564_0732a9bfb0cc967cf735875555b17da0" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>