<p><span style="color: #000000;"><strong>(ភ្នំពេញ)៖</strong> ហេតុការណ៍ភ្ញាក់ផ្អើលមួយ បានកើតឡើងនៅការដ្ឋានស្ថាបនា ផ្លូវស្របនឹងជាតិលេខ៦A ជាប់នឹងតំបន់អភិវឌ្ឍន៍ ជ្រោយចង្វារ ដោយមន្ត្រីយោធាមួយរូប បានបើករថយន្ត Lexus 570 ពណ៌ខ្មៅ ពាក់ស្លាកលេខ 2L-9779 មកឃាត់គ្រឿងចក្រ ស្ថាបនាផ្លូវ របស់អាជ្ញាធររាជធានីភ្នំពេញ ដោយមន្ត្រីយោធារូបនេះអះអាងថា ធ្វើការឈូសឆាយរបស់គាត់។</span></p>
<p><span style="color: #000000;">ហេតុការណ៍ភ្ញាក់ផ្អើលនេះ បានកើតឡើងនៅម៉ោងប្រមាណ១០៖០០នាទីព្រឹកថ្ងៃទី២៦ ខែមេសា ឆ្នាំ២០១៦ ស្ថិតនៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ។ មន្ត្រីយោធានោះ ត្រូវបានគេស្គាល់ថា ឈ្មោះវ័ន្ត គឹមឡេង ។</span></p>
<p><span style="color: #000000;">មន្ត្រីសាលារាជធានីភ្នំពេញ បានបញ្ជាក់ថា បន្ទាប់ពីមានការភ្ញាក់ផ្អើល អាជ្ញាធរបានចុះជួបជាមួយមន្ត្រីយោធានោះដោយបាន សម្របសម្រួល។ មន្ត្រីយោធាដដែលនោះ បានចាកចេញពីការដ្ឋានសាងសង់វិញ នៅម៉ោងប្រមាណជា១០៖៥០នាទីព្រឹកថ្ងៃដដែល ហើយដោយការស្ថាបនាដំណើរការដូចធម្មតាផងដែរ។</span></p>
<p><span style="color: #000000;">មន្ត្រីសាលារាជធានីភ្នំពេញ បានបញ្ជាក់ថា ការស្ថាបនាផ្លូវនេះស្របតាមគោលការណ៍ របស់សាលារាជធានី ដែលបាននឹងកំពុង ពន្លឿនការស្ថាបនាផ្លូវនេះ ឲ្យបានរួចរាល់មុនរដូវវស្សាមកដល់ ដើម្បីការពារការលិចលង់ផ្ទះប្រជាពលរដ្ឋ ដែលនៅស្ថិតស្រប នឹងផ្លូវជាតិលេខ៦A។ ជាមួយគ្នានេះ អាជ្ញាធរក៏បានអំពាវនាវ សូមឲ្យប្រជាពលរដ្ឋធ្វើការចួលរួមសហការ ដើម្បីសម្រេចឲ្យបាន នៅផ្លូវ ប្រវែង៦គីឡូម៉ែត្រនេះ ដើម្បីសម្រួលដល់ចរាចរ និងការពារការលិចលង់នៅរដូវវស្សាផងដែរ។</span></p>
<p><span style="color: #000000;">គួរបញ្ជាក់ថា មុននឹងឈានដល់ការបើកស្ថាបនា អាជ្ញាធរខណ្ឌជ្រោយចង្វារ បានប្រកាសជូនដំណឹងជាច្រើនលើកមកហើយ ពាក់ព័ន្ធនិងគម្រោងស្ថាបនាផ្លូវស្របផ្លូវជាតិ៦A ចាប់ពីចំណុចស្ពានជ្រោយចង្វារដល់ផ្លូវសម្តេចជាស៊ីម៕</span></p>
<p> </p>
<p><img src="http://image.freshnewsasia.com/2016/099/fn-2016-04-26-14-05-20-1.jpg" alt="" width="730" /></p>
<p><img src="http://image.freshnewsasia.com/2016/099/fn-2016-04-26-14-05-20-2.jpg" alt="" width="730" /></p>
<p><img src="http://image.freshnewsasia.com/2016/099/fn-2016-04-26-14-05-20-3.jpg" alt="" width="730" /></p>
<p><img src="http://image.freshnewsasia.com/2016/099/fn-2016-04-26-14-05-20-4.jpg" alt="" width="730" /></p>
<p><img src="http://image.freshnewsasia.com/2016/099/fn-2016-04-26-14-05-20-5.jpg" alt="" width="730" /></p>
<p><img src="http://image.freshnewsasia.com/2016/099/fn-2016-04-26-14-05-20-6.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>