<p><span style="color: #000000;"><strong>(ស្ទឹងត្រែង)៖</strong> ដោយសារតែភ្លើងប្រច័ណ្ឌ បុរសជាប្តីបានយកសាំងកន្លះលីត្រ ច្រកក្នុងស្បោងគប់លើស្ត្រីជាប្រពន្ធរបស់ខ្លួន រួចកេះដែកកេះដុតបណ្តាលឲ្យឆេះរោលពេញខ្លួន ត្រូវបញ្ជូនមកមន្ទីរពេទ្យបង្អែក ខេត្តភ្លាមៗ។ ក្រោយកើតហេតុជនសង្ស័យជាប្ដី មិនបានរត់គេចខ្លួនឡើយ។ ហេតុការណ៍នេះបានកើតឡើង នៅព្រឹកថ្ងៃទី២៧ ខែមីនា ឆ្នាំ២០១៦ ត្រង់ចំណុចឡឥដ្ឋ ដែង ភារម្យ ស្ថិតក្នុងភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង។</span></p>
<p><span style="color: #000000;">យោងតាមចម្លើយសារភាពរបស់បុរសជាប្តីបានសារភាពថា ខ្លួនពិតជាបានយកសាំងចំនួនកន្លះលីត្រច្រកក្នុងស្បោង យកមកគប់ដាក់ប្រពន្ធ រួចដុតពិតប្រាកដមែន។ មូលហេតុដែលបណ្តាលឲ្យគាត់ធ្វើ បែបនេះ ព្រោះតែគាត់ប្រច័ណ្ឌនឹងប្រពន្ធ ដែលនិយាយទូរស័ព្ទជាមួយប្រុសក្មេងម្នាក់ឈ្មោះ ភា ជាកម្មករឡឥដ្ឋ ធ្លាប់ធ្វើការជាមួយគ្នានៅខេត្តកំពង់ធំ ។ នៅថ្ងៃកើតហេតុ បុរសជាប្តីបានយកទូរស័ព្ទដែលបានថតសម្លេងរបស់ប្រពន្ធ និយាយជាមួយប្រុសក្មេងនោះយកមកស្តាប់ ក្រោយមករូបគាត់ក៏បានផ្ទុះកំហឹង បន្ទាប់មកក៏បានប្រព្រឹត្ត រឿងបែបនោះតែម្តងទៅ។</span></p>
<p><span style="color: #000000;">ជនសង្ស័យឈ្មោះ ផេង វិចិត្រ អាយុ៣៥ឆ្នាំ មានស្រុកកំណើត នៅភូមិខ្សាច់ប្រឆេះ កណ្តាល ស្រុកក្រូចឆ្មារ ខេត្តត្បូងឃ្មុំ ចំណែកឯជនរងគ្រោះឈ្មោះ ចៅ ហ៊ាន អាយុ៣៤ឆ្នាំ មានស្រុកកំណើតនៅ ភូមិចំបក់ឫស្សីកែវ ស្រុកព្រែកប្រសព្វ ខេត្តក្រចេះ។ អ្នកទាំងពីរជាកម្មករឡឥដ្ឋ របស់ថៅកែម្នាក់ឈ្មោះ ដែន ភារម្យ ហៅតាឡុម ដែលមានទីតាំងស្ថិតក្នុងភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង។</span></p>
<p><span style="color: #000000;">បច្ចុប្បន្នជនរងគ្រោះ កំពុងសម្រាកព្យាបាលនៅមន្ទីរពេទ្យបង្អែកខេត្ត ចំណែកឯជនសង្ស័យត្រូវបានសមត្ថកិច្ច នាំខ្លួនយកអធិការដ្ឋានក្រុង ដើម្បីសាកសួរបន្ថែម ព្រមទាំងកសាងសំណុំរឿងបញ្ជូនខ្លួនទៅកាន់តុលាការ ដាក់ទោសទៅតាមនីតិវិធី៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/11218988_1578322972482068_3682768953677277652_n.jpg?oh=6f93e6f0e8dc6f378581ebcf40258f1f&oe=577BCDE3" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12718025_1578322975815401_5484186874137042737_n.jpg?oh=9ea09a38c083233acd89ae558cce734e&oe=574CC306" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/12670539_1578322979148734_7018708581586366346_n.jpg?oh=c08db04728083cfa6151213072343328&oe=578FE5BF" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>