<p><span style="color: #000000;"><strong>(ចិន)៖</strong> នៅក្នុងឱកាសពិព័រណ៍ទេសចរណ៍ចិន-អាស៊ានឆ្នាំ២០១៦ នៅទីក្រុង Guilin នៃតំបន់ពិសេសក្វាងស៊ី នៃសាធារណរដ្ឋប្រជាមានិតចិន លោក ថោង ខុន រដ្ឋមន្ត្រីក្រសួងទេសចរណ៍ បានអញ្ជើញជួបសវនាការជាមួយលោក Zhang Xiaoqin អភិបាលរង នៃតំបន់ពិសេស ក្វាងស៊ី នាថ្ងៃទី១៩ ខែតុលា ឆ្នាំ២០១៦នេះ។</span></p>
<p><span style="color: #000000;">នៅក្នុងជំនួបរវាងលោក ថោង ខុន រដ្ឋមន្រ្តីក្រសួងទេសចរណ៍ និងអភិបាលរងនៃតំបន់ពិសេសក្វាងស៊ី, ភាគីទាំងពីរបានលើកឡើងនូវចំណុចសំខាន់ៗជាច្រើនដូចជា៖</span><br /><br /><span style="color: #000000;">១៖ ភាគីក្វាងស៊ីបានសម្តែងការកោតសរសើរ និងរីករាយចំពោះយុទ្ធសាស្ត្រត្រៀមទទួលភ្ញៀវទេសចរចិន (China Ready) របស់កម្ពជា។</span><br /><span style="color: #000000;">២៖ ភាគីទាំងពីរបានឯកភាពគ្នាពង្រីកព្រឹត្តិការណ៍ពិព័រណ៍ទេសចរណ៍ចិន អាស៊ាន ឲ្យកាន់តែល្អប្រសើរជារៀងរាល់ឆ្នាំ ដោយអញ្ជើញវិនិយោគិន និងប្រតិបត្តិករទេសចរណ៍ចិនអាស៊ានឲ្យមកចូលរួមឲ្យកាន់តែច្រើន។ </span><br /><span style="color: #000000;">៣៖ ភាគីក្វាងស៊ី នឹងជំរុញឲ្យក្រុមហ៊ុន Alibaba ទៅសិក្សា និងវិនិយោគផលិតផលទេសចរណ៍នៅកម្ពុជាឲ្យបានឆាប់រហ័ស </span><br /><span style="color: #000000;">៤៖ ភាគីក្វាងស៊ី នឹងជួយបណ្តុះបណ្តាលជំនាញវិជ្ជាជីវៈទេសចរណ៍ និងផ្តល់បទពិសោធន៍ល្អៗក្នុងការគ្រប់គ្រង រមណីយដ្ឋាននិងគោលដៅទេសចរណ៍</span><br /><span style="color: #000000;">៥៖ បង្កើនជើងហោះហើរពី ក្វាងស៊ីមកកម្ពុជាអោយកាន់តែច្រើន និងជំរុញការតភ្ជាប់តាមផ្លូវអាកាស ពីតំបន់ទេសចរណ៍កូលឹង មកកម្ពុជាអោយឆាប់រហ័ស។</span></p>
<p><span style="color: #000000;">លោក ថោង ខុន បាននឹងកំពុងបំពេញទស្សនកិច្ច ចូលរួមពិពរណ៌ទេសចរណ៍ ចិន-អាស៊ាន លើកទី២ នៅទីក្រុងទេសចរណ៍ Guilin ខេត្ត Guanxi ប្រទេសចិន ដែលត្រូវចាប់ផ្តើមពីថ្ងៃទី១៩ ដល់ថ្ងៃទី២២ តុលានេះ។ លោក ថោង ខុន រដ្ឋមន្ដ្រីក្រសួងទេសចរណ៍ បានដឹកនាំប្រតិភូវិស័យរដ្ឋ-ឯកជន សរុប១៧រូបទៅចូលរួម។</span></p>
<p><span style="color: #000000;">សូមបញ្ជាក់ថា ពិពណ៌ទេសចរណ៍ ចិន-អាស៊ាន បានត្រូវរៀបចំឡើងលើកទី១ នៅឆ្នាំ២០១៥ (នៅក្រុងទេសចរណ៍ Guilin ខេត្តGuanxi ប្រទេសចិន) ហើយឆ្នាំ២០១៦នេះ គឺជាលើកទី២ ដែលក្នុងព្រឹត្តិការណ៍នេះ កម្ពុជាត្រូវបានផ្តល់កិត្តិយសជាភ្ញៀវកិត្តិយស (Guest Country Of Honor) ក្នុងការថ្លែងសុន្ទរកថា បើកសិក្ខាសាលា និងបើកពិពរណ៌ទេសចរណ៍អន្តរជាតិនេះ ក្នុងពេលដែលប្រទេស Brunei ត្រូវបានផ្តល់កិត្តិយស កាលពីលើកទីមួយ ឆ្នាំ២០១៥៕</span></p>
<p><span style="color: #000000;"><img src="http://image.freshnewsasia.com/2016/001/10/fn-2016-10-20-00-42-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/10/fn-2016-10-20-00-42-24-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/10/fn-2016-10-20-00-42-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/10/fn-2016-10-20-00-42-24-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>