<p><span style="color: #000000;"><strong>(វ៉ាស៊ីនតោន)៖</strong> បើទោះបីជា កំពុងមានភាពតានតឹងនឹងគ្នា ស្ដីពីកិច្ចព្រមព្រៀងនុយក្លេអ៊ែរអ៉ីរ៉ង់ និងដំណើរការសន្តិភាពជាមួយ នឹងប៉ាឡេស្ទីនក៏ដោយ ក៏សហរដ្ឋអាមេរិក នៅតែសម្រេចិត្តផ្ដល់ជំនួយ ផ្នែកយោធាជាង ៣៨ពាន់លានដុល្លារ ដល់ប្រទេសអ៉ីស្រាអែល សម្រាប់ឆ្នាំ២០១៩ ដល់២០២៨។ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួរ នៅព្រឹកថ្ងៃព្រហស្បតិ៍ ទី១៥ ខែកញ្ញា ឆ្នាំ២០១៦។</span></p>
<p><span style="color: #000000;">ជុំវិញកិច្ចព្រមព្រៀង ដែលត្រូវបានចុះហត្ថាលេខា កាលពីថ្ងៃពុធនេះដែរ ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា បាននិយាយថា «កិច្ចព្រមព្រៀងជាមួយនឹង អ៉ីស្រាអែល គឺជាការចូលរួមដ៏សំខាន់ នៃជំនួយផ្នែកយោធាទ្វេភាគី ក្នុងប្រវត្តិសាស្ត្រអាមេរិក ពោលគឺដូចខ្ញុំធ្លាប់បានលើកឡើងថា ការចូលរួមរបស់សហរដ្ឋអាមេរិក ដើម្បីការពារសន្តិសុខអ៉ីស្រាអែល នឹងមិនមានការផ្លាស់ប្ដូរឡើយ»។</span></p>
<p><span style="color: #000000;">គួរបញ្ជាក់តាមសេតវិមានអាមេរិកថា ក្នុងចំណោមជំនួយយោធាជាង ៣៨ពាន់លានដុល្លារនេះ ៣៣ពាន់លានដុល្លារ នឹងត្រូវយកទៅប្រើប្រាស់ ដើម្បីអភិវឌ្ឍន៍ ប្រព័ន្ធស្ទាក់ចាប់មីស៊ីល គ្រាប់រ៉ុក្កែត ឬកំាភ្លើងធំជាដើម ខណៈកិច្ចព្រមព្រៀងយោធា បច្ចុប្បន្នមានតម្លៃជាង ៣០ពាន់លានដុល្លារ រវាងសហរដ្ឋអាមេរិក-អ៉ីស្រាអែល នឹងអស់សុពលភាព នៅឆ្នាំ២០១៨៕</span></p>
<p><span style="color: #000000;"><img src="http://nation.com.pk/digital_images/large/2016-09-13/us-agrees-10-year-military-aid-deal-with-israel-worth-at-least-38-billion-sources-1473767883-6843.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>