<p><span style="color: #000000;"><strong>(ភ្នំពេញ)៖</strong> កញ្ញា វ៉ាន់ នីឡា តារាចំរៀង នៅផលិតកម្មភ្លេងរីខត បានបញ្ជាក់ឲ្យដឹងថា កញ្ញា កំពុងបារម្ភពីសុវត្ថិភាពផ្ទាល់ខ្លួន ខណៈជនអនាមិកបង្ហោះរូប អាក្រាតនាង នៅតែបន្តគំរាមមកលើរូបនាងជាច្រើនដង។ កញ្ញាបានអះអាងបែបនេះ ខណៈដែលជួបពិភាក្សា ជាមួយតំណាងសមាគមន៍អ្នក សិល្បៈស្មគ្រ័ចិត្តជួយសង្គម នៅ រសៀលថ្ងៃទី១៣ ខែមិថុនា ឆ្នាំ២០១៦នេះ។</span></p>
<p><span style="color: #000000;">សមាគមអ្នកសិល្បៈស្ម័គ្រចិត្តជួយសង្គម ជាសមាគមដែលបានប្រកាសខ្លួនថា រៀបចំផ្តល់មេធាវីដល់កញ្ញា វ៉ាន់ នីឡា ដើម្បីឈានទៅវែកមុខជនដៃដល់ បង្ហោះរូបអាក្រាតរបស់នាងជាច្រើនសន្លឹក នៅតាមប្រព័ន្ធផ្សព្វផ្សាយជាបន្តបន្ទាប់។</span></p>
<p><span style="color: #000000;">យោងតាមគណនី Facebook ផ្លូវការ របស់កញ្ញា វ៉ាន់ នីឡា ដែលមានឈ្មោះថា Chenda Sok បានបង្ហោះថា <strong>«នៅរសៀលថ្ងៃទី១៣ ខែមិថុនា ឆ្នាំ២០១៦ វេលាម៉ោង៤៖២៥នាទី នាងខ្ញុំវ៉ាន់នីឡា ជាតារាចំរៀងនៅផលិតកម្មភ្លេងរីខត (ហង្សមាស) ជាស្រ្តីរងគ្រោះដែលត្រូវបានជនសង្ស័យ បង្ហោះរូបអាក្រាតនាងខ្ញុំយ៉ាងអយុត្តិធម៌នាពេលថ្មីៗនេះ។ នាងខ្ញុំបានជួបពិភាក្សាជាមួយតំណាង សមាគមអ្នកសិល្បៈស្ម័គ្រចិត្តជួយសង្គម" ដែលសមាគមកំពុងរៀបចំផ្តល់មេធាវីដល់រូបនាងខ្ញុំ ដើម្បីឈានទៅវែកមុខជនដៃដល់ ហើយរូបនាងខ្ញុំកំពុងតែបារម្មណ៍អំពីសុវត្ថិភាពផ្ទាល់ខ្លួន ពីព្រោះជនសង្ស័យបានគំរាមមកលើរូបនាងខ្ញុំជាច្រើនដង។ អាស្រ័យហេតុនេះសូមបងប្អូនតាមបណ្តាញសង្គមFacebook ទាំងអស់មេត្តាជួយ like នឹង share ផង»</strong>។</span></p>
<p><span style="color: #000000;">កញ្ញា វ៉ាន់ នីឡា ក៏បានស្នើឲ្យរាជរដ្ឋាភិបាលកម្ពុជា ស្វែងរកយុត្តិធម៍ជូននាងបានយ៉ាងឆាប់រហ័សបំផុត កញ្ញា សូមថ្លែងអគុណយ៉ាងខ្លាំង ដល់បងប្អូន ដែលតែងតែជួយលើកទឹកចិត្តកញ្ញាកាលពីពេលថ្មីៗផងដែរ។</span></p>
<p><span style="color: #000000;">គួរបញ្ជាក់ថា រូបភាពអាក្រាតកាយរបស់តារាចម្រៀង ប្រចាំក្នុងផលិតកម្ម ភ្លេងរីខដ កញ្ញា វ៉ាន់ នីឡា បានបែកធ្លាយ និងចែកចាយបន្តឥតឈប់ឈរពីសំណាក់ជនអនាមិក ធ្វើឲ្យកក្រើកពេញបណ្ដាញសង្គម Facebook ខណៈដែលរូបអាក្រាតទាំងនោះ ត្រូវបាននាងថតក្នុងបន្ទប់ទឹក និងនៅលើគ្រែគេង។</span></p>
<p><span style="color: #000000;">ខណៈដែលរូបភាពស្រាតរបស់ កញ្ញា វ៉ាន់ នីឡា កាន់តែច្រើនត្រូវបានបែកធ្លាយជាបន្តបន្ទាប់ កញ្ញា វ៉ាន់ នីឡា ក៏បានដាក់ពាក្យប្ដឹងទៅកាន់សមត្ថកិច្ចក្រសួង មហាផ្ទៃ ដើម្បីជួយអន្តរាគមន៍ទប់ស្កាត់ និងវែកមុខរកអ្នកទម្លាយរូបទាំងនេះ មកផ្តន្ទាទោសតាមច្បាប់។</span></p>
<p><span style="color: #000000;">ការបែកធ្លាយរូបអាក្រាត ជាបន្តបន្ទាប់បែបនេះ គឺបានកើតឡើងបន្ទាប់ពីរូបនាងផ្ទុះជម្លោះ និងចែកផ្លូវគ្នាជាមួយអតីតសង្សារ ដែលត្រូវបានបងប្រុស វ៉ាន់ នីឡា ប្រាប់ឲ្យដឹងថាឈ្មោះ សិទ្ធិ ស័កិ្ត អាយុ២៦ឆ្នាំ មានតួនាទីជាប៉ូលិសស័ក្ដិបួនកន្លះ និងត្រូវជាកូនមន្រ្តីប៉ូលិសពាក់ផ្កាយ៣ ដ៏មានអំណាចមួយរូប បម្រើ ការងារ ក្នុងក្រសួងមហាផ្ទៃ។ ចំពោះរូបអាក្រាត ដែលបានបែកធ្លាយជាបន្តបន្ទាប់នេះត្រូវបានម្ចាស់សាមីខ្លួន គឺកញ្ញា វ៉ាន់ នីឡា សង្ស័យថា អតីតសង្សារ របស់នាង ជាអ្នកទម្លាយ ព្រោះមានតែរូបគេម្នាក់ទេ ដែលមានរូបអាក្រាត របស់នាងនៅក្នុងដៃ ពេលពួកគេទាំងពីរ នៅល្អូកល្អឺននឹងគ្នា។ប៉ុន្តែ ជាការឆ្លើយតប អតីតសង្សាររបស់ កញ្ញា វ៉ាន់ នីឡា បានប្រាប់សារព័ត៌មានថា រូបភាពអាក្រាតកាយ កញ្ញា វ៉ាន់ នីឡា មិនជាប់ពាក់ព័ន្ធនឹងរូបលោកនោះទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13434869_964826820282549_8331251724164771932_n.jpg?oh=628f3783aa93ce9a416668182bb7152e&oe=580E83E3" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13256190_950301415068423_7289491692150673091_n.jpg?oh=8598f8c113dee59de5b4561b654c485a&oe=57C40026" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/12799209_904109236354308_1046858388587761879_n.jpg?oh=febee3a7fe8ea4224600e077edfd7035&oe=580E3A6D" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/10391481_888327041265861_4541339605594558890_n.jpg?oh=192519460f4f85c486ee7c0d476d93ab&oe=57FED0F0" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/3696_868307043267861_7426663701810258443_n.jpg?oh=cd3937c20a0fa1887fb9ab0f99cbb3bf&oe=58028056" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/11742809_795403563891543_4436492126493268197_n.jpg?oh=ac3e5ef9c9766a6f8ccecdb90b9c5e78&oe=57C96126" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>