<div>
<p><strong>(ភ្នំពេញ)៖</strong> ស្រីស្រស់ ទឹម រដ្ឋា គឺជាតារាសម្តែងស្រីមួយដួង មានការគាំទ្រច្រើន ពីសំណាក់ទស្សនិកជន ពិសេសពីសំណាក់ស្រទាប់មិត្តៗយុវវ័យ ហើយនាងក៏ជាតារាស្រីមួយរូប ដែលធ្លាប់ទទួលរងព័ត៌មានអាស្រូវច្រើនគួរសម ទៅលើការលេងស្ទីលខ្លួនស្លៀកពាក់បញ្ចេញភាពសិចស៊ី និងរឿងជីវិតស្នេហាក្រៅឆាក ផ្ទាល់ខ្លួន។</p>
<p>ទោះបីជាតារាស្រី ទឹម រដ្ឋា តែងជួបប្រទះ និងទទួលរងនូវរឿងរ៉ាវអាស្រូវស្នេហា ជាបន្តបន្ទាប់យ៉ាងណាក្ដី ប៉ុន្តែការគាំទ្រ និងប្រជាប្រិយភាពលេចធ្លោលើទីផ្សារសិល្បៈ របស់នាង ពុំបានបាក់ស្រុតចុះ អន់ថយ តាមអំណាចរឿងអាស្រូវ ដែលបោកបក់នោះឡើង។ ផ្ទុយទៅវិញក្នុងរយៈពេល ជិត១ឆ្នាំចុងក្រោយនេះ កញ្ញា ទឹម រដ្ឋា បែរជាមានយឺអ៊ុនឡើងខ្ពស់ស្រឺតៗ ដូចជាកាំជណ្តើរ ស្របពេលទីផ្សារសម្តែងរបស់នាងបច្ចុប្បន្ន ក៏កំពុងមានភាពលេចធ្លោររីកចម្រើនជាងមុន ។ ចំណែកឯជីវិតរស់នៅឯកជនផ្ទាល់ខ្លួន ខាងក្រៅ ក៏កាន់តែមានភាពហ៊ឺហារខ្លាំងផងដែរ។</p>
<p>តារាសម្តែង តារាបង្ហាញម៉ូដ និងជាពិធីការិនី កញ្ញា ទឹម រដ្ឋា ខណៈដែលការងារសិល្បៈកាន់តែ មានសន្ទុះទៅមុខនោះ នាងក៏ត្រូវបានទទួលរងនូវព្យុះភ្លៀងព័ត៌មាន អាស្រូវស្នេហាជាបន្តបន្ទាប់។ ម្យ៉ាងទៀតកាលពីថ្មីៗកន្លងមកនេះ ក៏ធ្លាប់មានព័ត៌មានថា ទឹម រដ្ឋា តែងបានបង្ហាញពីភាពស្និទ្ធស្នាល ជាមួយថៅកែហាងល្បីឈ្មោះ នៅក្រុងភ្នំពេញម្នាក់ ចាប់តាំងពីផ្តាច់ស្នេហ៍ជាមួយសង្សារជនជាតិប៉ាគីស្ថានរួចមក។</p>
<p>ថ្វីដ្បិតតែព័ត៌មានអាស្រូវ តែងបានលើកឡើងជាហូរហែ ពីរឿងជីវិតស្នេហាឯកជនខាងក្រៅ របស់តារាស្រីរូបនេះយ៉ាងណាក្តី ក៏នាង ទឹម រដ្ឋា មិនបានអើពើរឈឺក្បាលវិលមុខ នឹងរឿងទាំងអស់នេះទេ។ ផ្ទុយទៅវិញ នាងបែរជានៅសម្ងំស្ងាបធ្វើខ្លួន ហាក់ដូចជាមិនបានដឹងរឿងអ្វីបន្តិចសោះ ទាំងមហាជនអ្នកគាំទ្រ រង់ចាំចម្លើយពិតចេញដោយផ្ទាល់មាត់ របស់នាង។</p>
<p>ទន្ទឹមពេលជាមួយគ្នានេះ តារាសម្តែងស្រីល្បីឈ្មោះ ខាងបញ្ចេញដើមទ្រូងបង្អួតក្រុមប្រុសៗ កញ្ញា ទឹម រដ្ខា ស្រាប់តែធ្លាយដំណឹងថ្មីមួយទៀតមកថា សព្វថ្ងៃនាងកំពុងតែមាន ទំនាក់ទំនងស្នេហាជាមួយថៅហាង សម្បូរទ្រព្យស្តុកម្នាក់ ដែលជារឿយៗតែងតាមប្រមាញ់ថ្ពក់យកបេះដូង របស់នាងយ៉ាងប្រកិត។ មិនត្រឹមតែប៉ុណ្ណោះ គេបានដាក់ការសង្ស័យថា លោកថៅកែម្នាក់នោះ បានផ្គាប់ចិត្ត ទឹម រដ្ឋា ដោយបានផ្តល់ជាកាដូរថយន្តស៊េរីទំនើប ថ្មីស្រឡាងមួយគ្រឿង ដល់នាងទៀតផង។</p>
<p>ប្រភពបានបង្ហើបឲ្យដឹងថា ឥឡូវនេះ កញ្ញា ទឹម រដ្ឋា កំពុងតែរីកមុខដូចគ្រាប់ជី ខណៈថ្មីៗនេះនាង ទើបប្តូរមកជិះរថយន្តស៊េរីទំនើប ម៉ាក Escalade តម្លៃរាប់ម៉ឺនដុល្លារមួយគ្រឿង ដែលគេសង្ស័យថា ជាកាដូលួងចិត្តដល់ស្រីស្រស់រូបនេះ ពីសំណាក់បុរសខាងលើ។</p>
<p>គេហទំព័រ Khmertalking កាលពីព្រឹកថ្ងៃទី០៣ ខែកុម្ភៈ ឆ្នាំ២០១៦នេះ បានព្យាយាមស្វែងរកការបកស្រាយ ពីតារាស្រីកញ្ញា ទឹម រដ្ឋា តាមទូរស័ព្ទ ប៉ុន្តែមិនអាចទាក់ទងបានទេ។ ដូច្នេះសង្ឃឹមថា សាម៉ីខ្លួននាង ទឹម រដ្ឋា នឹងចេញមុខបំភ្លឺ ចំពោះរឿងនេះ ដើម្បីឲ្យមហាជនអស់សង្ស័យ៕</p>
<p style="text-align: center;"><img src="https://scontent-hkg3-1.xx.fbcdn.net/hphotos-xal1/v/t1.0-9/12650983_1553572544957111_343325851737094363_n.jpg?oh=e50e90f0100f1d782dcb97193a725868&oe=576CCCA3" alt="" width="730" /></p>
<p style="text-align: center;"><img src="https://scontent-hkg3-1.xx.fbcdn.net/hphotos-xta1/v/t1.0-9/12644973_1553572551623777_4660839529119855241_n.jpg?oh=a8a2bd4511267c25d31a6fd1675293ca&oe=57366FB1" alt="" width="730" /></p>
<p style="text-align: center;"><img src="https://scontent-hkg3-1.xx.fbcdn.net/hphotos-xap1/v/t1.0-9/12642806_1553572581623774_2041160580878998690_n.jpg?oh=46c8c95722c5b66c9c8b55c27e95021d&oe=5734CB32" alt="" width="730" /></p>
<p style="text-align: center;"><img src="https://fbcdn-sphotos-e-a.akamaihd.net/hphotos-ak-xtf1/v/t1.0-9/12670043_1553572588290440_6951951143913139914_n.jpg?oh=cad6c8eee61f0f51dc66d0275c5176fc&oe=5727EC4B&__gda__=1462585059_c00f9a0ada0ec0fc0e7090d8294b9d6f" alt="" width="730" /></p>
<p style="text-align: center;"><img src="https://fbcdn-sphotos-b-a.akamaihd.net/hphotos-ak-xtf1/v/t1.0-9/12651307_1553572598290439_8971539031558149841_n.jpg?oh=3c7e74d68217e0ecc069668452d801f6&oe=572D1605&__gda__=1462094509_0d6d94bb7aaad6e64a263d47bf5188bd" alt="" width="730" /></p>
<p style="text-align: center;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12654503_1553572548290444_900859891296784897_n.jpg?oh=f0e5e852fbafa5ed0d90992ba30dc1ec&oe=573B477C" alt="" width="730" /></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>