<p><span style="color: #000000;"><strong>(តូក្យូ)៖</strong> រដ្ឋាភិបាលជប៉ុនបានប្រកាសថា ខ្លួននឹងចាត់វិធានការគ្រប់យ៉ាង ដើម្បីធានាឲ្យបាន នូវការដោះលែងអ្នកកាសែតជប៉ុនម្នាក់ ដែលត្រូវបានក្រុមភេរវករ អាលកៃដា ចាប់ជម្រិតនៅក្នុងប្រទេសស៊ីរី ប្រកបដោយសុវត្ថិភាព។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃចន្ទ ទី៣០ ខែឧសភា ឆ្នាំ២០១៦។</span></p>
<p><span style="color: #000000;">ការថ្លែងរបស់រដ្ឋាភិបាល ជប៉ុនខាងលើនេះ បានកើតឡើងបន្ទាប់ពីរូបភាព មួយសន្លឹករបស់អ្នកកាសែត ជប៉ុនឈ្មោះ Jumpei Yasuda ឈរកាន់ផ្ទាំងក្រដាសពណ៌សមួយ ដែលសរសេរអក្សរជប៉ុនពណ៌ខ្មៅ នៅលើនោះ មានន័យស្នើសុំយ៉ាងទទូច ឲ្យរដ្ឋាភិបាលជួយរំដោះខ្លួនលោក ចេញពីចំណាប់ខ្មាំងវិញ។ អត្ថន័យរបស់ Yasuda នោះត្រូវបានបកប្រែដូច្នេះថា «សូមជួយខ្ញុំផង! នេះជាឱកាសចុងក្រោយ របស់ខ្ញុំហើយ»។</span></p>
<p><span style="color: #000000;">គួរបញ្ជាក់ថា ការចាប់ខ្លួនលោក Yasuda បានបង្កការភ្ញាក់ផ្អើល និងទាក់ទាញចំណាប់អារម្មណ៍ខ្លាំង កាលពីខែមីនា ដោយពីដំបូងលោកបានត្រូវបាន ក្រុមភេរវករថតវីដេអូ ដែលលោកអង្គុយអានសារមួយ រួចផ្ញើទៅកាន់គ្រួសារ និងរដ្ឋាភិបាលជប៉ុន។ តាមពិតទៅលោកត្រូវបានភេរវករ ចាប់ខ្លួនតាំងពីខែមិថុនា ឆ្នាំ ២០១៥ មកម្ល៉េះ បន្ទាប់ពីបានឆ្លងដែនពីតួកគី ចូលមកកាន់ស៊ីរី៕</span></p>
<p><a class="thickbox" title="" href="/FileManager/Commons/2016/5/30/18-30-05-2016--15-16-04.jpg"><img src="/FileManager/Articles/mce/2016/5/30/18-30-05-2016--15-16-04.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>