<p><span style="color: #000000;"><strong>ភ្នំពេញ៖</strong> លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅព្រឹកថ្ងៃទី ២៥ ខែកញ្ញា ឆ្នាំ ២០១៥នេះ បានថ្លែង ហាមឃាត់គ្រប់ បណ្តាស្ថានីយ៍ ទូរទស្សន៍ទាំងអស់ក្នុងស្រុក ចាក់ផ្សាយភាពយន្ត បរទេសគ្រប់ប្រភេទ ក្នុងអំឡុងចាប់ ពីម៉ោងមាស (៧-៩យប់) ។</span></p>
<p><span style="color: #000000;">ការហាមឃាត់នេះ បានធ្វើឡើងក្រោយ ពីខ្សែភាពយន្តភាគថៃ កំពុងតែមានសកម្មភាព យ៉ាងខ្លាំងក្លា នៅតាមបណ្តាញ ទូរទស្សន៍ក្នុងស្រុក ដែលនាំគ្នាចាក់ផ្សាយ នៅក្នុងម៉ោងពិសេស ដែលជាម៉ោងសម្រាប់ ប្រជាពលរដ្ឋខ្មែរ ក្នុងការទស្សនា ទូរទស្សន៍បន្ទាប់ពី ទទួលទានបាយរួច ។</span></p>
<p><span style="color: #000000;">លោករដ្ឋមន្រ្តីបានថ្លែង ប្រាប់ក្រុមអ្នកសារព័ត៌មាន ក្រោយពីបញ្ចប់កិច្ចប្រជុំ ស្តីពីការសម្រេចបង្កើតគណៈកម្មការ សោតទស្សន៍ នៅព្រឹកថ្ងៃទី២៥ កញ្ញានេះថា ដោយសង្កេតឃើញស្ថានីយទូរទស្សន៍ ក្នុងស្រុកភាគច្រើន តែងតែចាក់ ផ្សាយភាពយន្តបរទេស ក្នុងអំឡុងម៉ោង៧-៩យប់ ដែលម៉ោងពេញ និយមជាងគេនៅកម្ពុជា ក្រសួងព័ត៌មានបានចេញ លិខិត ហាមឃាត់ការចាក់ផ្សាយនេះ ជាបន្ទាន់ ហើយ ដើម្បីអនុញ្ញាតឲ្យផ្សាយភាពយន្ត ដែលជាស្នាដៃខ្មែរសុទ្ធសាធ ដើម្បីលើកស្ទួយវប្បធម៌ ជាតិខ្មែរ។</span></p>
<p><span style="color: #000000;">លោកបានបន្ថែមថា «យើងខ្ញុំបានរៀបចំជាលិខិតមួយដោយសារថា មានការរអ៊ូរទាំ ឬក៏មានការរិះគន់ច្រើន ដែលមាន ទូរទស្សន៍ច្រើនណាស់ គឺចាក់តែកុនបរទេសហួសហេតុពេក អ៊ីចឹងឥឡូវនេះ គឺយើងបានសម្រេចសុំឲ្យទូរទស្សន៍ ទាំងអស់ គឺពីម៉ោង៧ដល់ម៉ោង៩ (យប់) គឺឲ្យផ្សាយតែផលិតកម្ម ដែលផលិតក្នុងស្រុក»។</span></p>
<p><span style="color: #000000;">លោកបានលើកឡើង បន្តថា ចាប់តាំងពីលោកឡើង ជារដ្ឋមន្រ្តីក្រសួងព័ត៌មាន កាលពីឆ្នាំ១៩៩៣មក គឺលោកធ្លាប់ បានហាម ឃាត់ម្តងរួចមកហើយ ប៉ុន្តែត្រូវបរាជ័យទៅវិញ ដោយសារតែកាលពីសម័យនោះ ភាពយន្តខ្មែរមានប្រហែល តែជា៤០ភាគរយប៉ុណ្ណោះ។</span></p>
<p><span style="color: #000000;">ទាក់ទងទៅនឹង អ្នកគាំទ្រឧបត្ថម្ភវិញ លោករដ្ឋមន្រ្តីបានផ្តាំផ្ញើទៅវិញថា សូមឲ្យបណ្តាក្រុមហ៊ុនឯកជននានា ជួយឧបត្ថម្ភ គាំទ្រ ដល់ខ្សែភាពយន្តរបស់ខ្មែរផង កុំឧបត្ថម្ភតែភាពយន្តបរទេស។ ព្រមជាមួយគ្នានេះដែរ លោក ខៀវ កាញារិទ្ធ បានព្រមានទុកជាមុនថា បើសិនជាទូរទស្សន៍ណា នៅតែមិនព្រមអនុវត្តតាម ក្រសួងទេ នឹងប្រឈមដក អាជ្ញាប័ណ្ណ ជាមិនខាន។ ការហាមឃាត់នេះ នឹងអនុវត្តចាប់ពីថ្ងៃទី១ខែវិច្ឆិកា ឆ្នាំ ២០១៥តទៅ៕</span></p>
<p><a class="thickbox" title="" href="/FileManager/Commons/2015/9/25/9-25-2015-5-29-36-pm-25-09-2015--17-37-17.png"><img src="/FileManager/Articles/mce/2015/9/25/9-25-2015-5-29-36-pm-25-09-2015--17-37-17.png" alt="" /></a></p>
<p><a class="thickbox" title="" href="/FileManager/Commons/2015/9/25/9-25-2015-5-29-48-pm-25-09-2015--17-37-29.png"><img src="/FileManager/Articles/mce/2015/9/25/9-25-2015-5-29-48-pm-25-09-2015--17-37-29.png" alt="" /></a></p>
<p><a class="thickbox" title="" href="/FileManager/Commons/2015/9/25/9-25-2015-5-29-22-pm-25-09-2015--17-37-50.png"><img src="/FileManager/Articles/mce/2015/9/25/9-25-2015-5-29-22-pm-25-09-2015--17-37-50.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>