<p><span style="color: #000000;"><strong>ភ្នំពេញ៖</strong> ក្រុមចោរឆក់ ២នាក់ បទពិសោធន៍នៅខ្ចីវស្សា ក្រោយធ្វើ សកម្មភាពឆក់កាបូប សិស្សសាលាមេត្រូឌីស្ទ បានសម្រេចហើយ បែរជាភ័យស្លន់ស្លោបើកម៉ូតូទៅបុកម៉ូតូអ្នកដំណើរផ្សេងទៀត បណ្តាលឲ្យដួលច្រងាប់ច្រងិល ត្រូវនគរបាលចាប់វៃខ្នោះតែម្តង។</span></p>
<p><span style="color: #000000;">ហេតុការណ៍ឆក់បានសម្រេច តែគ្រោះអាក្រក់ បណ្តាលឲ្យសមត្ថកិច្ចចាប់បាននេះ បានកើតឡើងព្រឹកព្រលឹមថ្ងៃទី៣១ ខែកក្កដា ឆ្នាំ២០១៥ ស្ថិតនៅមុខបណ្ណាល័យសម្តេច ហ៊ុន សែន ផ្លូវលេខ៥៩៨ ក្រុមទី៦២ ភូមិ ១៦ សង្កាត់ទឹកល្អក់ទី១ ខណ្ឌទួលគោក។</span></p>
<p><span style="color: #000000;">មន្រ្តីនគរបាលខណ្ឌទួលគោក បានឲ្យដឹងថា ជនសង្ស័យមានឈ្មោះ ស៊ីន ចន អាយុ ១៩ឆ្នាំ មុខរបរពុំពិតប្រាកដ ស្នាក់នៅផ្ទះគ្មានលេខ ផ្លូវលំ សង្កាត់ទួលសង្កែ ខណ្ឌឬស្សី កែវ ( ជាអ្នកឆក់) និងម្នាក់ទៀត ឈ្មោះ សៀវ រ៉ាវីន អា យុ ១៦ឆ្នាំ មុខរបរពុំពិតប្រាកដ ស្នាក់នៅផ្ទះលេខ១៣២ ក្រុមទី៧ សង្កាត់ទួល សង្កែ ខណ្ឌ ឬស្សីកែវ ( ជាអ្នកបើកម៉ូតូ) ។</span></p>
<p><span style="color: #000000;">ជនរងគ្រោះមានឈ្មោះ សុវណ្ណ រីយ៉ា អាយុ ១៧ឆ្នាំ ជាសិស្សសាលា មេត្រូឌីស្ទកម្ពុជា ស្នាក់នៅផ្ទះ លេខ៣០ ផ្លូវលេខ២៤៧ សង្កាត់បឹងសាឡាង ខណ្ឌទួលគោក។ ក្រោយចាប់ខ្លួន សមត្ថកិច្ច បានកហូតកាបូបស្ពាយ ដែលក្នុងកាបូបនោះ មានទូរស័ព្ទមួយគ្រឿងម៉ាក Samsung Galaxys ពណ៌ខ្មៅ និងសំភារៈសិក្សា ហើយក៏ប្រគល់ជូនជនរងគ្រោះភ្លាមៗផងដែរ។ ដោយ ឡែកជនសង្ស័យត្រូវ បាននាំខ្លួនទៅអធិការដ្ឋាន នគរបាលខណ្ឌទួលគោក ដើម្បីចាត់ការទៅតាមច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/31/7-31-2015-10-58-25-am-31-07-2015--11-05-37.png"><span style="color: #000000;"><img src="/FileManager/Articles/mce/2015/7/31/7-31-2015-10-58-25-am-31-07-2015--11-05-37.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/7/31/7-31-2015-10-58-48-am-31-07-2015--11-05-47.png"><span style="color: #000000;"><img src="/FileManager/Articles/mce/2015/7/31/7-31-2015-10-58-48-am-31-07-2015--11-05-47.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>