<p><span style="color: #000000;"><strong>សិង្ហបុរី៖</strong> នៅសល់ពេលប្រហែល ជាជាងកន្លះម៉ោងទៀត កីឡាករប្រដាល់សកល ជម្រើសជាតិកម្ពុជា វ៉ែន រដ្ឋា នឹងត្រូវប្រកួតវគ្គផ្ដាច់ព្រ័ត្រ ដើម្បីដណ្ដើមមេដាយមាស ជាមួយកីឡាករថៃ Masuk Wuttichai ក្នុងព្រឹត្តិការណ៍ SEA Games លើកទី២៨ នៅសិង្ហបុរី លើសង្វៀន Expo-Hall1 នេះហើយ ។</span></p>
<p><span style="color: #000000;">នេះគឺជាឱកាសមួយ សម្រាប់អត្តពលិកកម្ពុជា ក្នុងការស្វែងរកមេដាយមាសជូនជាតិ ខណៈមកទល់នឹងពេលនេះ កម្ពុជា ទើបឈ្នះមេដាយបាន៧គ្រឿងនៅឡើយគឺមាស១គ្រឿង ប្រាក់៣គ្រឿង និងមេដាយសំរិទ្ធិ៣គ្រឿង ប៉ុណ្ណោះក្នុងចំ ណោម២២ប្រភេទកីឡាដែលបញ្ជូនទៅចូលរួមលើកនេះ ។</span></p>
<p><span style="color: #000000;">វ៉ែន រដ្ឋា គឺជាកីឡាករប្រដាល់សកលកម្ពុជាម្នាក់គត់ ដែលធ្វើឲ្យថ្នាក់ដឹកនាំ និងប្រតិភូមានសង្ឃឹម ក្នុងការស្វែងរកមេដាយមាស ប៉ុន្ដែលទ្ធផលយ៉ាងណានោះ នៅមិនទាន់ដឹងទេ ព្រោះកីឡាករថៃ Masuk Wuttichai ក៏ជាកីឡាករជើងខ្លាំង មួយរូបប្រចាំប្រទេសថៃដែរ ហើយក៏ធ្លាប់គ្រងតំណែងជើងឯក ម្ចាស់មេដាយមាសក្នុងព្រឹត្តិការណ៍ SEA Games នេះទៀតផង ។</span></p>
<p><span style="color: #000000;">សម្រាប់ទស្សនិកជន ដែលចង់ទស្សនាការប្រកួតផ្ទាល់រវាងកីឡាករ វ៉ែន រដ្ឋា របស់កម្ពុជា និងកីឡាករថៃ Masuk Wuttichai នោះ សូមតាមដានទស្សនាជាមួយនឹងគេហទំព័រផ្លូវការខាងក្រោមនេះ ខណៈនៅពេលនេះ កំពុងតែមានការ ប្រកួតរវាងកីឡាករហ្វីលីពីន និងម្ចាស់ផ្ទះសិ្ហបុរី ៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/6/10/6-10-2015-3-40-19-pm-10-06-2015--15-45-51.png"><img src="/FileManager/Articles/mce/2015/6/10/6-10-2015-3-40-19-pm-10-06-2015--15-45-51.png" alt="" /></a></span></span></p>
<p><object width="500" height="300" data="http://www.youtube.com/v/HLNeYbRcd_k&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/HLNeYbRcd_k&rel=1" /></object></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>