<p><strong>តារាចម្រៀងស្រីល្បីឈ្មោះនាង Ariana Grande ត្រូវបានគេរាយការណ៍ថា រូបនាងមានការខូចចិត្ដជាខ្លាំង បន្ទាប់ពីសោកនាដកម្មបំផ្ទុះគ្រាប់បែក នៅការសម្ដែងរបស់នាង ក្នុងទីក្រុង Manchester ដែលបានសម្លាប់មនុស្សយ៉ាងហោចណាស់ ២២ នាក់ និង ៥៩ នាក់ផ្សេងទៀត រងរបួស។</strong><br /> <br /><strong> ប្រភពនានា បានប្រាប់ TMZ ថា តារាចម្រៀងកំពូលស៊ិចស៊ីរូបនេះ ក៏បានផ្អាក ដំណើរទស្សនកិច្ចសម្ដែង ទៅប៉ែកអឺរ៉ុបរបស់នាងផងដែរ។ នាង បានគ្រោងនឹងទៅសម្ដែង នៅថ្ងៃព្រហស្បតិ៍ និងថ្ងៃសុក្រ នៅការប្រគំតន្រ្ដី O2 Arena ក្នុងទីក្រុងឡុងដ៍ មុនពេលបន្ដទៅសម្ដែងនៅប្រទេស បែលហ្ស៊ិក ប្រទេសប៉ូឡូញ ប្រទេសអាល្លឺម៉ង់ ប្រទេសស្វ៊ីស និងបារាំង។</strong></p>
<p><strong>កញ្ញា Grande វ័យ ២៣ ឆ្នាំបានបញ្ចប់ការសម្តែងរបស់ខ្លួន កាលពីរាត្រីថ្ងៃចន្ទ នៅពេលដែលសម្លេងបំផ្ទុះគ្រាប់បែកបានបន្លឺឡើងនៅវេលាម៉ោងប្រហែល ១០ :៣០ នាទីល្ងាច ម៉ោងក្នុងស្រុក។ នាងបានសរសេរ នៅក្នុង Twitter នៅវេលាម៉ោងប្រហែល ១១ យប់ថា៖ «ខូចចិត្ដខ្លាំងណាស់។ ឈឺចាប់ចេញពីជម្រៅបេះដូងរបស់ខ្ញុំតែម្ដង ខ្ញុំមានការសោកស្តាយខ្លាំងណាស់។ ខ្ញុំ រកពាក្យមកថ្លែង មិនត្រូវទេ”។</strong></p>
<p><strong>យោងតាមប្រភពខ្សិបខ្សៀវមួយចំនួនឱ្យដឹងថា តារាចម្រៀងរូបនេះ បានផ្អាកដំណើរទស្សនកិច្ចសម្ដែង ដែលនៅសល់របស់នាង ។</strong></p>
<p><strong>អ្នកចាត់ការនៅក្នុងកម្មវិធីប្រគំតន្រ្ដី លោក Scooter Braun បាននិយាយ នៅក្នុងសេចក្តីថ្លែងការណ៍មួយថា៖ "យប់នេះ យើងមានចិត្តសោកសង្រេងជាខ្លាំង។ យើង មិនអាចរកពាក្យមកថ្លែងពីទុក្ខសោករបស់យើង សម្រាប់ជនរងគ្រោះ និងក្រុមគ្រួសារ ដែលរងគ្រោះ នៅក្នុងការវាយប្រហារដែលមិនសមហេតុផលនេះ នោះទេ"។</strong><br /> <br /><strong> "យើងសូមកាន់ទុក្ខជីវិតរបស់ក្មេងៗ និងអ្នកជាទីស្រឡាញ់ ដែលត្រូវបានឆក់យក ដោយអំពើ យ៉ាងកំសាកញីនេះ។ យើងសូមអរគុណចំពោះ សេវាសង្រ្គោះកាលពីយប់ម៉ិញប្រកបដោយការលះបង់ជីវិតនៃអ្នកឆ្លើយតបដំបូងគេរបស់ក្រុង Manchester ដែលបានសម្រុកចូលក្នុងហេតុការណ៍គ្រោះថ្នាក់ ដើម្បីជួយសង្គ្រោះជីវិតមនុស្ស”៕</strong></p>
<h2><a class="c_tab" href="/News/Detail/15323/19-dead-50-wounded-as-reported-suicide-bomber-strikes-ariana-grande-concert" target="_blank"></a><span style="text-decoration: underline;"><strong><span style="font-size: small;"><a class="c_tab" href="/News/Detail/15323/19-dead-50-wounded-as-reported-suicide-bomber-strikes-ariana-grande-concert" target="_blank">មនុស្ស ១៩ នាក់ស្លាប់ ជាង ៥០ នាក់រងរបួស ដោយការវាយប្រហារគ្រាប់បែកអត្តឃាត នៅអង់គ្លេស</a></span></strong></span></h2>
<p><a class="thickbox" title="" href="/FileManager/Commons/2017/5/23/533625622-23-05-2017--15-15-50.jpg"><img src="/FileManager/Articles/mce/2017/5/23/533625622-23-05-2017--15-15-50.jpg" alt="" /></a></p>
<p><br /><a class="thickbox" title="" href="/FileManager/Commons/2017/5/23/533625622-23-05-2017--15-15-50.jpg"></a><br />ប្រែសម្រួល៖ សារ៉ាត</p>
<p> <span style="font-size: 12px;">ប្រភព៖ New York Daily News</span></p>