<p><span style="color: #000000;"><strong>(ប៉ារីស)៖</strong> នៅសល់ត្រឹមតែ ១៧០ថ្ងៃទៀតប៉ុណ្ណោះ ព្រឹត្តិការណ៍ប្រកួតបាល់ទាត់ជើងឯកប្រចាំទ្វីបអឺរ៉ុប UEFA Euro 2016 នៅប្រទេសបារាំង ចាប់ផ្តើមហើយ ពោលគឺចាប់ពីថ្ងៃទី១០ ខែមិថុនា ដល់ថ្ងៃទី១០ ខែកក្កដា ដោយតម្លៃសំបុត្រ ចូលទស្សនាទាបបំផុត២៥ដុល្លារ និងថ្លៃបំផុត ៩២២ដុល្លារ ក្នុង១សន្លឹក ។</span></p>
<p><span style="color: #000000;">ផ្អែកទៅតាមគេហទំព័រ UEFA បានបញ្ជាក់ថា តម្លៃសំបុត្រត្រូវបានចែកចេញជា៤ដំណាក់កាល គឺសំបុត្រចូលទស្សនាវគ្គសន្សំពិន្ទុក្នុងពូល រហូតដល់វគ្គ១៦ក្រុម ចាប់ពី២៥ ដល់ ១៥០ដុល្លារ, វគ្គ៨ក្រុម តម្លៃចាប់ពី៤៨ដុល្លារ, វគ្គពាក់ កណ្តាលផ្តាច់ព្រ័ត្រ ចាប់ពី៦៨ដុល្លារ និងវគ្គផ្តាច់ព្រ័ត្រ ចាប់ពី៦៨ដុល្លារ ដល់៩២២ដុល្លារ ដោយអាចទិញនៅតាម បញ្ជនានាចាប់ពីពេលនេះតទៅរហូតដល់ថ្ងៃចាប់ផ្តើមការប្រកួត និងតាម Online ក៏បាន ។</span></p>
<p><span style="color: #000000;">ទន្ទឹមនោះដែរ UEFA មិនបានបញ្ជាក់ពីថ្លៃសំបុត្រ ក៏ដូចជាការបន្ធូរបន្ថយថ្លៃសំបុត្រចំពោះប្រជាពលរដ្ឋបារាំងឡើយ ខុសពីតម្លៃសំបុត្រត្រូវបានលក់ក្នុងតម្លៃផ្សេងសម្រាប់ប្រជាពលរដ្ឋប្រេស៊ីល ត្រឹមតែ១៥ដុល្លារប៉ុណ្ណោះ កាលពីព្រឹត្តិការណ៍បាល់ទាត់ពិភពលោក World Cup 2014 នៅប្រទេសរបស់ខ្លួន ។</span></p>
<p><span style="color: #000000;">ក្នុងការប្រកួតដែលមានរយៈពេល១ខែពេញ មាន២៤ក្រុមចូលរួម ស្មើនឹង៥១ប្រកួត បារាំងបានត្រៀមពហុកីឡដ្ឋាន ចំនួន១០ ដែលស្ថិតនៅក្នុងទីក្រុងធំៗមានដូចជា ទីក្រុង Paris, Saint-Denis, Lens, Lille, Lyon, St-Etienne, Nice, Marseille, Toulouse និងទីក្រុង Bordeaux ហើយវគ្គផ្តាច់ព្រ័ត្រនឹងធ្វើឡើងនៅទីក្រុងប៉ារីស ក្នុងកីឡដ្ឋាន Parc des Price ដែលជាស្តាតរបស់ក្រុមខ្លាំង PSG ថ្ងៃទី១០ កក្កដា ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/v/t1.0-9/12495044_1037396819646409_2382725181351329114_n.jpg?oh=a464c23056f2f1ce2eddb9b2598b7723&oe=573F0F14" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/12540976_1037396816313076_1409304359975802858_n.jpg?oh=c9692d34830cace7502e62a15a05715d&oe=572F16E2" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12541080_1037396849646406_5830947381029396774_n.jpg?oh=66f1c69ba526bda246b840c6df52ebc9&oe=573B0843" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtf1/v/t1.0-9/12417604_1037396812979743_5629368567606533336_n.jpg?oh=764c294c759f04477cddef495c4f455b&oe=57444283&__gda__=1464377387_cb38727efb8555ed954873046db768b8" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>