<p><span style="font-size: 12px; color: #000000;">សៀមរាប ៖ អាជ្ញាធរខេត្តសៀមរាបបានរឹបអូសកាំជ្រួច និងផាវជាច្រើនប្រភេទដែលលក់ខុសច្បាប់នៅតាមទីផ្សារនានា។</span></p>
<p><span style="color: #000000;">ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ កាលពីថ្ងៃសុក្រសប្តាហ៍មុនបានណែនាំអាជ្ញាធរមូលដ្ឋានឲ្យពង្រឹងវិធានការដើម្បីធានាសុវត្ថិភាព និងសណ្តាប់ធ្នាប់ ក៏ដូចជារំលឹកដល់ប្រជាពលរដ្ឋឲ្យបង្កើនការប្រុងប្រយ័ត្នក្នុងឱកាសបុណ្យចូលឆ្នាំចិនខាងមុខនេះ។</span></p>
<p><span style="color: #000000;">ឯកឧត្តម បានបន្ថែមទៀតថា "យើង ត្រូវតែរំលឹកប្រជាជនឲ្យប្រុងប្រយ័ត្នជាមួយនឹងភ្លើង ជាពិសេសភ្លើងទៀន ធូប ខណៈពេលដែលចម្អិនអាហារ នៅជិតខ្សែរភ្លើង ឬសម្ភារៈដែលអាចឆេះបាន រីឯការដុតកាំជ្រួច ផាវ ឬអ្វីៗដែលផ្ទុះ គឺត្រូវបានហាមឃាត់" ។</span></p>
<p><a class="thickbox" title="" href="/FileManager/Commons/2018/2/12/1-12-02-2018--09-04-15.png"><img src="/FileManager/Articles/mce/2018/2/12/1-12-02-2018--09-04-15.png" alt="" /></a></p>
<p><span style="color: #000000;">លោក សួរ ម៉េង មន្រ្តីនគរបាលនៅការិយាល័យអាវុធផ្ទុះនៅខេត្តសៀមរាបបានរៀបរាប់កាលពីម្សិលមិញថា អាជ្ញាធរបានរកឃើញកាំជ្រួច និងផាវជាច្រើនប្រភេទដែលបានដាក់លក់ជិត ២០ កន្លែងនៅទូទាំងទីផ្សារក្នុងស្រុកចំនួន ៧ ។ ការរឹបអូសនេះ គឺដោយសារតែការដុតផាវ និងឧបករណ៍ផ្ទុះទាំងនោះអាចបង្កឲ្យមានការរំខាន ហើយមានគ្រោះថ្នាក់អគ្គីភ័យកើតឡើង ប្រសិនបើមិនបានទុកដាល់វាឲ្យត្រឹមត្រូវ។ អ្នកលក់ដែលមានលក់ទំនិញខុសច្បាប់ទាំងអស់ បានចុះហត្ថលេខាលើកិច្ចសន្យាមួយដើម្បីបញ្ឈប់ការលក់ផលិតផលគ្រោះថ្នាក់នេះទៀត។</span></p>
<p><span style="color: #000000;">ផ្សារប្រាំពីរនោះរួមមាន ផ្សារលើធំថ្មី ផ្សារសាមគ្គី ផ្សារប័រឡាំងការ ផ្សារក្រោម ផ្សារភូមិភាគ ផ្សារដើមក្រឡាញ និងផ្សារប្រិមព្រៃ។</span></p>
<p><a class="thickbox" title="" href="/FileManager/Commons/2018/2/12/2-12-02-2018--09-04-36.png"><img src="/FileManager/Articles/mce/2018/2/12/2-12-02-2018--09-04-36.png" alt="" /></a></p>
<p><span style="color: #000000;">អភិបាលរាជធានីភ្នំពេញ លោក ឃួង ស្រេង ក៏បានប្រាប់ទៅមន្ដ្រីក្រោមបង្គាប់របស់គាត់ឲ្យធ្វើការការពារលើការដុតកាំជ្រួច ផាវ ឬគ្រឿងផ្ទុះគ្រប់ប្រភេទនៅក្នុងថ្ងៃចូលឆ្នាំចិននេះផងដែរ។ អាជ្ញាធរគ្រប់ជាន់ថ្នាក់ ត្រូវចាត់វិធានការតឹងរ៉ឹងដើម្បីបង្ការការនាំចូលកាំជ្រួច និងផាវគ្រប់ប្រភេទមករាជធានីភ្នំពេញ ហើយបន្ថែមការត្រួតពិនិត្យ និងរឹបអូសវត្ថុទាំងនោះ ប្រសិនបើរកឃើញថាមានលក់នៅទីកន្លែងណាមួយក្នុងទីក្រុងភ្នំពេញ។</span></p>
<p><span style="color: #000000;">ពិធីចូលឆ្នាំចិន នឹងចាប់ផ្តើមពីថ្ងៃព្រហស្បតិ៍ដល់ថ្ងៃសៅរ៍សប្តាហ៍នេះហើយ ៕</span></p>
<p><a class="thickbox" title="" href="/FileManager/Commons/2018/2/12/3-12-02-2018--09-04-51.png"><img src="/FileManager/Articles/mce/2018/2/12/3-12-02-2018--09-04-51.png" alt="" /></a></p>
<p><br /><a class="c_tab" href="http://www.khmertimeskh.com/50108045/fireworks-seized-siem-reap/" target="_blank"><img src="/FileManager/Articles/mce/2018/2/12/khmertimes-12-02-2018--09-05-05.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ ច័ន្ទ</span></p>
<p style="text-align: right;"><span style="color: #000000;"> ប្រភព៖ KhmerTimes</span></p>