<p><strong>ភ្នំពេញ៖</strong> កំពូលតារាចម្រៀង ឱក សុគន្ធកញ្ញា បន្ទាប់ពីមានព័ត៌មានថា នាងត្រូវបាន ហង្សមាស<br />ផ្អាកលើកស្ទួយ ពេលនេះកំពុងតែត្រៀម ចេញអាល់ប៊ុមថ្មី ដើម្បីលុបបំបាត់ពាក្យ ចចាមអារ៉ាម<br />គ្មានការពិត ហើយក្នុងអាល់ប៊ុមថ្មីនេះ នាងបានចាប់ដៃគូជាកម្លោះសង្ហា ឆន សុវណ្ណារាជ ជាថ្មី<br /> ដើម្បីវាយលុយទីផ្សារ ចម្រៀងបន្ថែមទៀត បន្ទាប់ពីនាងសម្រាកអស់មួយខ្យល់ធំ ដើម្បីឲ្យតារា<br />ចម្រៀងរួមទ្រនំមានលទ្ធភាព ក្នុងការស្វែងរកភាពល្បីល្បាញ ព្រោះបើនាងនៅតែបន្តចេញបទ<br />ចម្រៀង តារារួមផលិតកម្ម ដែលមានភាពលេចធ្លោតិចបំផុត គឺគ្មានឱកាសសាង ប្រជាប្រិយភាព<br />បានឡើយ ព្រោះពួកគេខ្លះមិនអាច បានទាំងព្រមដូច ឱក សុគន្ធកញ្ញា ទេ ពោលបើបានសំឡេង<br />អន់រាំ បើបានរាំគឺអន់សំឡេង ។ ដូចនេះឱក សុគន្ធកញ្ញា នៅតែជាតារាចម្រៀង មានទីផ្សារខ្ពស់<br />ជាងគេ ក្នុងផលិតកម្មដ៏ធំនេះដដែល ។</p>
<p>បន្ទាប់ពីបែកបាក់ចំណងស្នេហ៍ ជាមួយតន្រ្តីករមាឌធំ រ៉េតធី ដូណា រួចមក តារាចម្រៀងស្រីល្បី<br />ដាច់គេ ឱក សុគន្ធកញ្ញា មិនមានពាក្យចចាមអារ៉ាម ស្នេហ៍ជាមួយអ្នកណាផ្សេងទៀតឡើយ តែ<br />នាងហាក់ទទួលការស្និទ្ធស្នាល យ៉ាងចម្លែកជាមួយ តារាចម្រៀងរាងសង្ហា ឆន សុវណ្ណរាជ សូម្បី<br />តែក្នុងការប្រគំតន្រ្តី ហង្សមាស មហាសង្រ្កានកន្លងមកនេះ ក៏អ្នកទាំងពីរច្រៀងឆ្លើយឆ្លងគ្នា ក្នុងបទ<br />ប្រពៃណីយ៉ាងផ្អែមល្ហែម ជាពិសេសតែម្ដង ដែលនាំឲ្យមហាជន កោតសរសើរថា ពិតជាសមគ្នា<br />ឥតខ្ចោះ។</p>
<p>ម្យ៉ាងវិញទៀត បើនៅក្រៅពីឆាកតន្រ្តី គេតែងតែឮជារឿយៗ ពីការកោតសរសើរមិនដាច់ពីមាត់<br /> របស់តារាចម្រៀងកម្លោះសង្ហា ឆន សុវណ្ណារាជ ចំពោះតារាចម្រៀងស្រីលំដាប់កំពូល ឱក សុគន្ធ<br />កញ្ញា ថានាងជានារីដែលមានអត្តចរិកល្អ ចេះជួយមិត្តភក្តិ ថែមទាំងមិនចេះប្រកាន់ថា តួល្បី ឬ មិន<br />ល្បីទេ គឺនាងអាចច្រៀងជាមួយបានទាំងអស់។ លោកថែមទាំងបានរំឭកពីកាល ចូលសិល្បៈដំបូងៗ<br /> ភាគច្រើន ពេលចុះតាមខេត្ត គឺច្រើនជួប សុគន្ធកញ្ញា ដែលហាក់បង្ហាញថា លោកកំពុងតែមានអា<br />រម្មណ៍ល្អ ជាមួយតារាចម្រៀងស្រីល្បីដាច់គេរូបនេះ ។</p>
<p>ចំណែកតារាចម្រៀងស្រី ដែលពូកែរាំច្រៀង ឱក សុគន្ធកញ្ញា វិញ មិនដែលនិយាយអ្វីទាំងអស់ ទាក់<br />ទងនឹងជីវិតឯកជនរបស់ខ្លួន គ្រប់រឿងទាំងអស់ មិនថា រឿងអ្វីនោះទេនាងតែងតែ បដិសេធមិនមែន<br />ជាការពិតទាំងអស់ ។ ប្រភពពីក្នុងផលិតកម្មហង្សមាស បានឲ្យដឹងថា អាល់ប៊ុមថ្មីនេះ ប្រហែលជា<br />អាចចេញលក់ លើទីផ្សារឆាប់ៗនេះ ដែលក្នុងអាល់ប៊ុមនោះសុទ្ធសឹង ជាបទសម្រាំងយ៉ាងពិសេស។ <br />អ្វីដែលសំខាន់ គេហាក់រំពឹងលើជោគជ័យច្រើន ព្រោះការចាប់ដៃគូរបស់ ឆន សុវណ្ណារាជ និងសុគន្ធ<br />កញ្ញា ច្រើនទទួលបានជោគជ័យខ្ពស់។</p>
<p>តែមិនដឹងថាពួកគេនឹងចាប់ដៃគ្នា នៅក្រៅសិល្បៈដែរឬយ៉ាងណាទេ? ទស្សនិកជនហាក់ចង់ឲ្យ តារា<br />ចម្រៀងទាំងពីរដួងនេះ ជួបគ្នាក្រៅពិភពចម្រៀង ។ ម្យ៉ាងអ្នកទាំងពីសុទ្ធតែ ជាតារាដែលមានរូបរាង <br />ស្រស់ស្អាត ស្រស់សង្ហា ល្បីដូចគ្នា ពិតជាស័ក្តិសមគ្នាខ្លាំងណាស់ ប្រសិនបើចាប់ដៃគ្នា សាងសុ-<br />ភមង្គលទៅថ្ងៃអនាគត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0381.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>