<p><span style="font-size: 12px; color: #000000;">ប្រធានាធិបតីប៉ូឡូញលោក Andrzej Duba បានចុះហត្ថលេខាលើពង្រៀងវិសោធនកម្មនៃច្បាប់ស្ដីពីក្រុមប្រឹក្សាជាតិ កាលពីថ្ងៃព្រហស្បតិ៍ ដែលនឹងផ្ដល់អំណាចដ៏សំខាន់ដល់រដ្ឋាភិបាលប៉ូឡូញដើម្បីជ្រើសតាំងសមាសភាពចៅក្រមតុលាការកំពូលប៉ូឡូញ។</span></p>
<p><span style="color: #000000;">មុនការអនុម័តវិសោធនកម្មច្បាប់ និងស៊រីនៃការវិសោធនកម្មច្បាប់ពីមុន ក្រុមប្រឹក្សានៃអង្គចៅក្រមជាតិ មានអំណាចធ្វើការជ្រើសតាំងមន្រ្ដីតុលាការ។ ប៉ុន្ដែនីតិវិធីថ្មីនេះ នឹងផ្ដល់វិសាលភាពអំណាចកាន់តែធំធេង ដល់សភា ដែលមានគណបក្សធម្មសាស្រ្ដ និងយុត្ដិធម៌របស់លោក Duba ឈ្នះអាសនៈភាគច្រើន ក្នុងការជ្រើសតាំងមន្រ្ដីតុលាការ។ វិសោធនកម្មនេះ នឹងអនុញ្ញាតឱ្យស្ថាប័ននីតិបញ្ញត្ដិ មានវិសាលភាពអំណាចធំធេងជាងស្ថាប័នតុលាការ ក្នុងការជ្រើសតាំងសមាជិកភាពជូនទៅក្រុមប្រឹក្សានៃអង្គចៅក្រមជាតិ។ វិសោធនកម្មនេះផងដែរ អនុញ្ញាតិឱ្យអង្គការនីតិបញ្ញត្ដិ និងអង្គការនីតិប្រតិបត្ដិ ប្រើឥទ្ធិពលដោយផ្ទាល់លើការជ្រើសតាំងចៅក្រមតុលាការកំពូលប៉ូឡូញ។</span></p>
<p><span style="color: #000000;"><a class="thickbox" title="" href="/FileManager/Commons/2018/8/1/11-01-08-2018--16-35-47.png"><img src="/FileManager/Articles/mce/2018/8/1/11-01-08-2018--16-35-47.png" alt="" /></a><br /></span></p>
<p><span style="color: #000000;">យោងតាមការិយាល័យនៃវិទ្យាស្ថានដើម្បីលទ្ធិប្រជាធិបតេយ្យ និងសិទ្ធិមនុស្ស អំណាចនេះ អាចបង្កភយន្ដរាយដល់ឯករាជ្យភាពនៃស្ថាប័ន ដែលមានគោលដៅចម្បងក្នុងការធានាឯករាជ្យភាពនៃប្រព័ន្ធយុត្ដិធម៌ នៅក្នុងប្រទេសប៉ូឡូញ។</span></p>
<p><span style="color: #000000;">វិសោធនកម្មច្បាប់កាលពីថ្ងៃព្រហស្បតិ៍កន្លងទៅនេះ ក៏បានត្រៀមជាពិសេសផងដែរ ក្នុងការអនុញ្ញាតឱ្យរដ្ឋាភិបាល ធ្វើការជ្រើសតាំងនូវប្រធានតុលាការកំពូលថ្មី។ ប្រធានតុលាការកំពូលបច្ចុប្បន្នរបស់ប្រទេសប៉ូឡូញគឺអ្នកស្រី Małgorzata Gersdorf រយៈពេលកន្លងទៅនេះ បានបដិសេធមិនព្រមចុះចេញពីដំណែងឡើយ នៅក្នុងការតវ៉ាមួយ ដែលលោកស្រីបានចាត់ទុកថា ជាការវាយប្រហារមកលើស្ថាប័នតុលាការ។</span></p>
<p><span style="color: #000000;">កាលពីដើមខែមុននេះ គណៈកម្មការអឺរ៉ុប បានដាក់ចេញនូវកម្រងនីតីវិធីរបស់តុលាការយុត្ដិធម៌សហភាពអឺរ៉ុបមួយ ដែលបង្ហាញអំពីការមិនគោរពកាតព្វកិច្ច និងការបំពានច្បាប់អន្ដរជាតិរបស់រដ្ឋសមាជិកដើម្បីរារាំងតុលាការកំពូលរបស់ប៉ូឡូញពីការធ្វើវិសោធនកម្មច្បាប់។ គណកម្មការនេះបាននិយាយថា ប្រសិនបើត្រូវបានអនុវត្ដមែននោះ ច្បាប់នេះនឹងរំលោភចំពោះកាតព្វកិច្ចផ្លូវច្បាប់របស់ប្រទេសប៉ូឡូញត្រង់មាត្រា ១៩(១) នៃសន្ធិសញ្ញាស្ដីពីសហភាពអឺរ៉ុប ព្រមទាំងរំលោភលើមាត្រា ៤៧ នៃកត្ដិកាសញ្ញាស្ដីពីសិទ្ធិមូលដ្ឋានរបស់សហភាពអឺរ៉ុប។</span></p>
<p><span style="color: #000000;">គួរជម្រាបជូនផងដែរថា នៅអំឡុងចុះលត្ថលេខាលើសេចក្ដីព្រៀងវិសោធនកម្មច្បាប់នោះ ពលរដ្ឋប៉ូឡូញរាប់ពាន់នាក់ បានធ្វើបាតុកម្មតវ៉ានៅតាមដងផ្លូវនានា ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/8/1/mekongnet-01-08-2018--16-35-58.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ Jurist</span></p>