<p><span style="color: #000000;"><strong>(តាកែវ)៖</strong> លោកវរសេនីយ៍ទោ ជុំ ឈឿន អធិការនគរបាលស្រុកព្រៃកប្បាស ខេត្តតាកែវ បានឲ្យដឹងថា នៅមូលដ្ឋានភូមិតាទ្យូង ឃុំកំពែង ស្រុកព្រៃកប្បាស មានករណីឃាតកម្មមួយកើតឡើង បង្កដោយជនសង្ស័យឈ្មោះ សឿង សំ អាយុ២៤ឆ្នាំ ដែលបានលើកដៃវាយលើជីតាបង្កើតរបស់ខ្លួន បណ្ដាលឲ្យស្លាប់យ៉ាងអាណោចអាធ័ម។</span></p>
<p><span style="color: #000000;">លោកវរសេនីយ៍ទោ ជុំ ឈឿន បានបន្តថា ហេតុការណ៍នេះកើតឡើងនៅថ្ងៃទី០៧ ខែកុម្ភៈ ឆ្នាំ២០១៧។ លោកថា ជនរងគ្រោះមានឈ្មោះ ដួង សឿង អាយុ៧៧ឆ្នាំ រស់នៅភូមិ-ឃុំជាមួយគ្នា ត្រូវចៅបង្កើតវាយកណ្ដាលក្បាល២ផ្លែចប។</span></p>
<p><span style="color: #000000;">ក្រោយពេលកើតហេតុ សាច់ញាតិបានបញ្ជូនជនរងគ្រោះ មកសង្គ្រោះនៅមន្ទីរពេទ្យ ក្នុងរាជធានីភ្នំពេញ តែជាអកុសលពេលមកដល់ពាក់កណ្តាលផ្លូវ ជីតាចាស់ជរារូបនោះបានដាច់ខ្យល់ស្លាប់ទៅហើយ។</span></p>
<p><span style="color: #000000;">លោកវរសេនីយ៍ទោ ជុំ ឈឿន បានបន្តថា មូលហេតុដែលនាំឲ្យចៅចិត្តតិរច្ឆានខាងលើ ឈានដល់ថ្នាក់វាយសម្លាប់ជីតារបស់ខ្លួន ដោយសារជនខឹងនឹងជីតាស្តីឲ្យ ពីរឿងទាត់សត្វទាដែលជីតាខំចិញ្ចឹម។</span></p>
<p><span style="color: #000000;">ក្រោយពេលទទួលបានព័ត៌មាន កម្លាំងអធិការដ្ឋាននគរបាលស្រុកព្រៃកប្បាស និងកម្លាំងនគរបាលប៉ុស្តិ៍កំពែង បានចុះទៅដល់កន្លែងកើតហេតុភ្លាម និងឃាត់ខ្លួនជនសង្ស័យខាងលើយកមកសាកសួរ។</span></p>
<p><span style="color: #000000;">បច្ចុប្បន្ន កម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការបន្តតាមនីតិវិធីច្បាប់៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-08-11-24-48-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-08-11-24-53-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-08-11-24-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-08-11-26-09-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-08-11-26-12-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>