<div>
<p><span style="color: #000000;"><strong>(ភ្នំពេញ)៖</strong> តារាសម្តែងស្រី និងជាថៅកែសំអាងការ កញ្ញា លី ច័ន្ទសីហា នាព្រឹកថ្ងៃទី០៤ ខែកុម្ភៈ ឆ្នាំ២០១៦នេះ បានរៀបចំធ្វើពិធីភ្ជាប់ពាក្យ ជាផ្លូវការជាមួយសង្សារ ដែលមានឋានៈជាមន្រ្តីយោធាម្នាក់ ក្រោយពីផ្តើមស្នេហា និងស្វែងយលចិត្តគ្នា ប្រមាណ៣ឆ្នាំ ដោយពិធីភ្ជាប់ពាក្យនេះ ធ្វើឡើងនៅគេហដ្ឋានរបស់នាង ក្នុងសង្កាត់ចាក់អង្រែក្រោម ដោយមានតារាសម្ដែង ប្រុសស្រីល្បីៗជាច្រើនដួងចូលរួម។</span></p>
<p><span style="color: #000000;">ពិធីបានភ្ជាប់ពាក្យ ដែលបានធ្វើឡើង យ៉ាងអធិកអធ័ម រវាងសម្តែងវ័យចង្កាស្រួច កញ្ញា លី ច័ន្ទសីហា ជាមួយនឹងលោក ច័ន្ទ ថៃសេង ជាមន្រ្តីយោធា កាលពីព្រឹកម្សិលមិញនេះ ត្រូវបានគេដឹងថា ធ្វើឡើងដោយភាពអ៊ូអរ គឺហៅសុទ្ធតែអ្នកសិល្បៈល្បីៗជាច្រើននាក់ទៅចូលរួម។ ប្រភពពីអ្នកសិល្បៈបាននិយាយថា ពិធីភ្ជាប់ពាក្យនាង លី ច័ន្ទសីហា ជាមួយនឹងគូស្នេហ៍មន្រ្តី ខាងលើគ្រាន់តែធ្វើឡើង ដើម្បីជ្រើសរើសរកពេលវេលារៀបការ រួចហើយក៏បំពាក់ជញ្ជៀន ដោយមានការចូលរួមដឹងឮ ពីសំណាក់ចាស់ទុំ ទាំងសងខាង និងមិត្តភក្តិជិតដិតមួយចំនួនប៉ុណ្ណោះ។ </span></p>
<p><span style="color: #000000;">ប្រភពដដែលនេះបានបន្ថែមថា បន្ទាប់ពីពិធីភ្ជាប់នេះរួច កញ្ញា លី ច័ន្ទសីហា និងលោក ច័ន្ទ ថៃសេង នឹងលើកគម្រោងត្រៀមដឹកដៃគ្នា ចូលរោងការនាពេលឆាប់ៗ ខាងមុននេះ។ ប៉ុន្តែស្រាប់ពេលវេលាជាក់លាក់ ពុំទាន់ត្រូវបានបញ្ជាក់ច្បាស់ទេ គ្រាន់តែគេដឹងថា មិនហួសពីឆ្នាំ២០១៦នេះឡើយ។ កញ្ញា លី ច័ន្ទសីហា នៅរសៀលថ្ងៃទី០៤ ខែកុម្ភៈ ឆ្នាំ២០១៦នេះ មិនអាចសុំការសួរនាំបន្ថែម ពីនាងតាមទូរស័ព្ទបានទេ។</span></p>
<p><span style="color: #000000;">ប៉ុន្តែបើតាមឲ្យដឹងកាលពីថ្មីៗកន្លងមកនេះ នាង លី ច័ន្ទសីហា បានផ្តល់សម្ភាសន៍ថា «សម្រាប់ខ្ញុំគាត់ គឺជាមនុស្សល្អ គាត់យល់ចិត្តថ្លើម ខ្ញុំគាត់ផ្តល់ឱកាសឲ្យខ្ញុំ ជាអ្នកសម្រេចចិត្តធ្វើអ្វី ដែលខ្ញុំចង់ធ្វើគាត់តែងតែ តាមចិត្តខ្ញុំ គ្រប់បែបយ៉ាង មិនតែប៉ុណ្ណោះគ្រួសារគាត់ និងគាត់រាប់អានញាតិ បងប្អូនរបស់ខ្ញុំខ្លាំងណាស់ និយាយរួមគាត់ល្អធ្វើឲ្យ ខ្ញុំមានភាពជឿជាក់ថា ខ្ញុំអាចរស់នៅជាមួយ គាត់បានពេញមួយជីវិត »។</span></p>
<p><span style="color: #000000;">កញ្ញា លី ច័ន្ទសីហា បានប្រាប់ឲ្យដឹងទៀតថា អស់រយៈពេល ប្រមាណ ៣ឆ្នាំហើយ ដែលនាងបានទុកពេល មើលចិត្តថ្លើមគ្នា សិក្សាចិត្តគ្នាទៅវិញ ទៅមក រហូតឈានចូល ដល់ចំណុចនេះ ហើយនាងគិតថារឿង ដែលនាងមានគូដណ្តឹង គឺនាងមិនមាន ការព្រួយបារម្ភ រឿងធ្លាក់កូដអីទេ ព្រោះថា មនុស្សម្នាក់ៗ តែងតែមានគូគ្រង វាជារឿងធម្មតា ហើយនាងគិតថា ទស្សនិកជន នៅតែស្រលាញ់ និងគាំទ្រនាងដដែល ៕</span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xat1/v/t1.0-9/12645256_960039824050182_307556856192419626_n.jpg?oh=5d08eb318801b10ccbcbb8ef57ac5150&oe=573957F6&__gda__=1463804418_f4ae311ebecbc76c422c66162323fa18" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xal1/v/t1.0-9/12512719_960039877383510_6203164342480749059_n.jpg?oh=6c13b07290057cc9a53d2ff1fc66896b&oe=57301382&__gda__=1462979029_9aa55b68378c5dcb6b0154c1f6b703de" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12592678_960039884050176_515010398128468209_n.jpg?oh=19d961cd6ba2687f6507c4179cab1552&oe=5742FB68" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12644774_960039817383516_8011289213728286936_n.jpg?oh=6730845ee9313003c0f322771d71f601&oe=576BF4E2" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12642471_960039960716835_7521417766644210364_n.jpg?oh=d69c832384e8f06a194c18ec0feda3d7&oe=572A979C" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/12654313_960039980716833_6577746576966708032_n.jpg?oh=94dd3b10eb50f86d0e30db124ccf57c4&oe=572AEFE5&__gda__=1466844015_f525d45bfabf3e8e6d3293cb8573fb2c" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/12687985_960040004050164_5793975118726994283_n.jpg?oh=25ae6fe8580c1d8f3718fce79ffeb1ca&oe=57705629&__gda__=1466641056_ad7f12c36c73567649397ccfa506fc3f" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/1910519_960040164050148_8157952593583112051_n.jpg?oh=6af397d04765269bae150254b84636b0&oe=576BAFD8" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12688245_960040187383479_3775193533805337936_n.jpg?oh=82817aafa552bd1520b818cc0aa997bd&oe=576C97A0" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12642739_960040374050127_897954586534222257_n.jpg?oh=82dfd10ffddb696d413b600cad97a3e8&oe=572C94DC" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12687935_960040407383457_2161362365486974704_n.jpg?oh=f6d4dc14dc34192bf8eb39ff540f1728&oe=57351F35" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12592182_960040577383440_4648686928081713885_n.jpg?oh=a7ab9c8c1dc809490d7fff6412b3cb3c&oe=5737B105" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>