<div class="article-content">
<p><strong>កំពង់ឆ្នាំង៖</strong> សង្ស័យ និងរថយន្តកូរ៉េ ចំណុះ២,៥ តោន ដឹកឈើគ្រញូង សាច់ប្រភេទ លេខ១ <br />ត្រូវបាន កម្លាំង នគរបាលចរាចរណ៍ ផ្លូវគោកនៃស្នងការដ្ឋាន នគរបាល ខេត្តកំពង់ឆ្នាំង ស្ទាក់<br />ចាប់បានកាលពី វេលាម៉ោង៩ និង៣០នាទី ព្រឹកថ្ងៃទី៩ ខែមិថុនា ឆ្នាំ២០១៣ លើកំណាត់ផ្លូវ<br />ជាតិ លេខ៥ ត្រង់ចំណុច ដំរីស ភូមិ ទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ត្រូវបាន<br />គេរាយការណ៍ថា ដោះលែងស្ងាត់ៗពី សំណាក់ពាក់ព័ន្ធ ។</p>
<p> វត្ថុតាង រថយន្ត១គ្រឿង ពណ៌ខៀវ ពាក់ស្លាកលេខ ភ្នំពេញ 3B-8321 ឈើគ្រញូង សាច់ចំនួន<br /> ប្រមាណជាង១០សន្លឹកធំៗ និងអ្នកបើកបរ ចំនួន២នាក់ ត្រូវបានប្រគល់ជូន កម្លាំងនគរបាល<br />ការិយាល័យ ប្រឆាំង បទល្មើស សេដ្ឋកិច្ច នៃស្នងការដ្ឋាន នគរបាល ខេត្តកំពង់ឆ្នាំង កាលពីវេ<br />លាម៉ោង ៣ រសៀលថ្ងៃ ដដែលនោះ លុះដល់ ថ្ងៃទី១០ ខែមិថុនា ឆ្នាំ២០១៣ ត្រូវបានកម្លាំង <br />នគរបាលការិយាល័យ ប្រឆាំងបទល្មើស សេដ្ឋកិច្ច កសាងសំណុំ រឿងបញ្ជូន ទៅសាលាដំបូង<br /> ខេត្តកំពង់ឆ្នាំង ។</p>
<p>ប្រភពខាងលើបានបន្តឲ្យ ដឹងថា ឈើគ្រញូងពេល ស្ទាក់ចាប់បានដំបូង មានរហូត ដល់ជាង១០<br />សន្លឹក ប៉ុន្តែពេលកម្លាំង នគរបាលវាស់វែង នៅក្នុងស្នងការដ្ឋាននគរបាល ខេត្តកំពង់ឆ្នាំង បែរជា<br />នៅសល់តែចំនួន៩សន្លឹក ប៉ុណ្ណោះ ។ ប្រភពបន្តទៀតថា ជនសង្ស័យទី១ ឈ្មោះ កែ វិចិត្រ ភេទ<br />ប្រុស ជាអ្នកបើក បររថយន្ត ដឹកឈើគ្រញូងខាងលើ និងម្នាក់ទៀត ឈ្មោះ សឹង វណ្ណៈ ជាព្រូ ត្រូវ<br />បានសមត្តកិច្ច នគរបាលរឹបអូស ព្រមជាមួយ នូវទូរសព្ទ័ដៃសេរីទំនើប ចំនួន២គ្រឿង លុយដុល្លារ<br /> ចំនួន១,២ពាន់ ដុល្លារ លុយបាត ៥រយ នឹងលុយរៀល មួយចំនួនទៀត។</p>
<p>លោក ជិន សុផាត នាយការិយាល័យ នគរបាល ប្រឆាំងបទល្មើស សេដ្ឋកិច្ច នៃស្នងការដ្ឋាន នគរ<br />បាល ខេត្តកំពង់ឆ្នាំង បានប្រាប់អ្នកការសែតឲ្យដឹងថា ឈើប្រណិតប្រភេទគ្រញូង សាច់ ដែលកម្លាំង<br /> នគរបាលចរាចរណ៍ ចាប់បញ្ជូនមក ឲ្យនគរបាល សេដ្ឋកិច្ចនោះ លោកបានកសាងសំណុំរឿងបញ្ជូន<br /> ទៅតុលាការរួចរាល់ហើយ។ ដោយឡែកវត្ថុតាងមាន រថយន្តមួយគ្រឿង និងឈើគ្រញូងសាច់លោក<br />ថា ព្រះរាជអាជ្ញាផ្ញើទុក នៅនឹងកន្លែងនគរបាលសិន។</p>
<p>ប្រភពពីសមត្ថកិច្ច បានឲ្យ ដឹងថា ឈើប្រណិតប្រភេទគ្រញូង ដែលនគរបាលចរាចរណ៍ ចាប់បាន<br />នោះមានចំនួនប្រមាណ ជាង១០សន្លឹក ដែលឈើទាំងនោះមាន មុខកាត់ធំៗ ចាប់ពី ៤០ស.ម ទៅ<br /> ៦០ស.ម កម្រាស់ជាង១០ស.ម ដែលមាន បណ្តោយ ២ម៉ែត្រ ។ ប្រភពផ្សេងមួយទៀតបានឲ្យដឹង<br />ថា ឈើគ្រញូងទាំងនោះ មានតម្លៃរាប់ម៉ឺនដុល្លារ ត្រូវគេធ្វើរបាយការណ៍បញ្ជូនទៅតុលាការ ចំនួន<br />ត្រឹមតែ ៦សន្លឹកប៉ុណ្ណោះ ។ ហើយឈើនោះ មិនត្រូវបានគេបញ្ជូនទៅ ឲ្យជំនាញរដ្ឋបាលព្រៃឈើ<br />ទេ គឺគេយកទៅរក្សាទុក នៅកន្លែងតុលាការ ព្រោះតុលាការថា ខ្លាចបាត់បង់ ដូចករណីឈើគ្រញូង ខ្នាតធំចំនួន៣សន្លឹកដែលបានបាត់នៅក្នុងឃ្លាំង ខណ្ឌរដ្ឋបាលព្រៃឈើ កាលពីអំឡុង រដូវភ្ជុំបិណ្ឌ<br />ឆ្នាំមុន ។</p>
<p>ថ្ងៃដែលបង្ក្រាបរថយន្តក្នុង សកម្មភាពដឹក ឈើគ្រញូង និងមានការវាស់វែង នៅក្នុងស្នងការដ្ឋាន <br />នគរបាល ខេត្តកំពង់ឆ្នាំង គេបានសង្កេតឃើញ មានភ្នាក់ងារទូរទស្សន៍ និងកាសែតក្នុងស្រុក មួយ<br />ចំនួនបាន ចុះទៅថតផ្តិតយករូបភាព ប៉ុន្តែមិនទាន់ឃើញមានការ ចុះផ្សាយនៅឡើយទេ ធ្វើឲ្យ <br />មជ្ឈដ្ឋានទូទៅក្នុង ខេត្តកំពង់ឆ្នាំង មានការងឿងឆ្ងល់ ជាខ្លាំង។ រហូតមកដល់ រសៀលថ្ងៃទី១៤ <br />ខែមិថុនា ឆ្នាំ២០១៣ នេះឈើគ្រញូង និងរថយន្ត ព្រមទាំង ជនសង្ស័យចំនួន២នាក់ ដែលបញ្ជូន<br />ទៅ ឲ្យតុលាការជាអ្នករក្សាទុកនោះ ឮថាបានរបូតបាត់ អស់ទៅហើយ ។ នៅរសៀលថ្ងៃទី១៤ ខែ<br />មិថុនា ឆ្នាំ២០១៣នេះ ដើមអម្ពិល ពុំអាចទំនាក់ ទំនង សុំការអត្ថាធិបាយណាមួយ បាននៅឡើយ<br />ទេ ពីព្រះរាជអាជ្ញា អមសាលាដំបូង ខេត្តកំពង់ឆ្នាំងលោក ពេញ វិបុល ។</p>
<p>នាយខ័ណ្ឌរដ្ឋបាលព្រៃឈើ ខេត្តកំពង់ឆ្នាំង លោក ស៊ិន កុសល បានឲ្យ ដឹងថា ចំពោះករណីបង្រ្កាប<br />ឈើគ្រញូង ខាងលើដែលសមត្ថកិច្ច នគរបាល ចាប់បានកាលពីថ្ងៃទី៩ ខែមិថុនា ឆ្នាំ ២០១៣ នោះ<br /> ខាងខ័ណ្ឌរដ្ឋបាលព្រៃឈើ មិនបានដឹងទេ ព្រោះគេមិនឃើញ បញ្ជូនមក ឲ្យជំនាញរដ្ឋបាលព្រៃឈើ<br />ឡើយ ។ ការបង្រ្កាប រថយន្តដឹកឈើ គ្រញូងខាងលើ បើទោះមិនមានការដោះលែងវត្ថុតាង ឈើគ្រ<br />ញូង តែគេបានសង្ស័យថា មានការដោះដូរឈើ ពីឈើគ្រញូងទៅឈើផ្សេងៗទៀត ដែលមិនមាន<br />តម្លៃខ្ពស់។</p>
<p>សេចក្តីរាយការណ៍ផ្សេងទៀតបាន ឲ្យដឹងថា បច្ចុប្បន្នការចរាចរណ៍ ដឹកឈើគ្រញូង តាមបណ្ដោយ<br />ផ្លូវជាតិលេខ ៥ មកពីខេត្តមួយចំនួន នៅប៉ែកខាងលិច ជាប់ព្រុំដែន ខ្មែរ ថៃ ដូចជាខេត្ត ព្រះវិហារ <br />ខេត្តឩត្ដមានជ័យ ខេត្តបន្ទាយមានជ័យ ខេត្តបាត់ដំបង និងខេត្តពោធិ៍សាត់ ដោយឆ្លងកាត់ ខេត្ត<br />កំពង់ឆ្នាំង ដែលក្រុមឈ្មួញទាំងនោះ មានទំនាក់ទំនងល្អ ប្រសើរជាមួយ និង សមត្ថកិច្ច ជារៀងរាល់<br />យប់ គេបានឃើញរថយន្ត សេរីទំនើបៗ ដឹកឈើគ្រូញូង ឲ្យឆ្លងកាត់ទឹកដី ខេត្តកំពង់ឆ្នាំង ប្រមាណ<br />ពី ១៥គ្រឿង ទៅ ៣០គ្រឿង ។</p>
<p>សមត្ថច្ចបង្រ្កាប បានតែក្រុមឈ្មួញមិនបានបង់លុយ ឬការចរចាមិន ត្រូវរូវតម្លៃ ព្រមព្រៀងគ្នា តែ<br />ប៉ុណ្ណោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0472.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0473.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0474.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0476.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0477.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0480.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0481.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0482.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>