<p style="text-align: left;"><span style="color: #000000;"><strong>ភ្នំពេញ៖</strong> អស់រយៈពេលជាង១០ឆ្នាំមកហើយ ដែលស្រីស្អាត អ៊ិន វលក្ខណ៍ទេពី បានប្រឡូកកាយថ្វាយខ្លួន ក្នុងពិភព សិល្បៈ ដោយផ្ដើមចេញពីការប្រឡង កម្មវិធីស្រីស្រស់ប្រុសស្អាត របស់ស្ថានីយទូរទស្សន៍ស៊ីធីអ៊ិន ខណៈសម្រស់ និង សមត្ថភាពរបស់នាង ធ្វើឲ្យនាង ដណ្ដើមបានជ័យលាភីលេខ១ វ៉ាដាច់អស់ស្រីស្អាតនានា ។</span></p>
<p style="text-align: left;"><span style="color: #000000;">ថ្វីត្បិតតែ អ៊ិន វលក្ខណ៍ទេពី ដណ្ដើមបានជ័យលាភីលេខ១ តែប្រជាប្រិយភាពនាង មិនបានដើរទៅមុខ ដូចតំណែង ឡើយនាងបានធ្វើជាអ្នកអានព័ត៌មាន នៅស្ថានីយទូរទស្សន៍ស៊ីធីអីន បានប៉ុន្មានឆ្នាំ ក៏បាត់មុខសូន្យសុង រហូតមក ដល់សព្វថ្ងៃនេះ ។ តែរយៈពេលចុងក្រោយនេះ អ៊ិន វលក្ខណ៍ទេពី ក៏លេចមុខមកវិញ ជាមួយសម្រស់ដ៏ស្រស់ស្អាត ដដែលពិសេសកាលពីចុងឆ្នាំកន្លងទៅ នាងបានធ្វើខួបកំណើត អស់រាប់ពាន់ដុល្លារនៅ ក្លឹប ដ៏ទំនើបមួយជាមួយអ្នក សិល្បៈជាច្រើន។</span></p>
<p style="text-align: left;"><span style="color: #000000;">ស្របពេល អ៊ិន វលក្ខណ៍ទេពី វិលមករកឆ្នាំងចាស់ និងសន្សំប្រាក់ល្អិតនេះឡើងវិញ នៅឯខេត្តបន្ទាយមានជ័យ មាន ពាក្យចចាមអារ៉ាម ខ្សឹបខ្សៀវពីនាងពេញស្រុក ទោះជានាងនៅស្រុកកំណើត បានតិចតួចជាង នៅភ្នំពេញក៏ដោយ។ ប្រពភពីអ្នកស្រុក បាននិយាយថា អ៊ិន វលក្ខណ៍ទេពី បានទិញដីធ្លីជាច្រើនកន្លែង នៅក្នុងស្រុកកំណើត ។ ជារឿយៗ គេតែងតែឃើញនាងមកមើលដីម្ដងកាលដែលដីមានចំនួនរាប់សិបហិចតាឯណោះ ហើយតំលៃបើលក់ចេញគឺរាប់ម៉ឺន ដុល្លារតែគេមិនទាន់ដឹងថា ស្រីស្អាតរូបនេះមានប្រាក់ច្រើនសន្ធឹកសន្ធាប់មកពីណាក្នុងការទិញដីធ្លីនោះទេខណៈដែល ចំណូលសិល្បៈរបស់នាង ស្ទើរតែគ្មានសោះនោះ។</span></p>
<p style="text-align: left;"><span style="color: #000000;">ចំណែកប្រភពព័ត៌មាន ពីអ្នកធ្វើការក្នុងអង្គការ របស់ឪពុកនាង បាននិយាយថា ជារឿយៗគេឃើញ ទេពី មកលេងស្រុក តែមកមិនយូរទេ មកមើលដីប៉ុណ្ណោះ រួចក៏ត្រឡប់ទៅវិញ ។ ម្យ៉ាងទៀតបើនិយាយពីស្ថានភាព និងសុភមង្គលក្នុងគ្រួសារ អ៊ិន វលក្ខណ៍ទេពី ត្រូវបានឪពុកស្រឡាញ់និងថ្នាក់ថ្នមណាស់មិនឲ្យនាងលំបាកអ្វីឡើយ តាំងពីតូចដល់ធំ តាមបំណង គ្រប់បែបយ៉ាង ។</span></p>
<p style="text-align: left;"><span style="color: #000000;">យ៉ាងណាមិញ ស្រីស្អាតថ្ពាល់ខួច អ៊ិន វលក្ខណ៍ទេពី មិនទាន់អាចសុំការបំភ្លឺបានទេ នៅពេលនេះខណៈទូរស័ព្ទខល មិនចូល ៕</span></p>
<p style="text-align: left;"><span style="color: #000000;"><a class="thickbox" title="" href="/FileManager/Commons/2015/2/24/40-24-02-2015--15-36-49.jpg"><img src="/FileManager/Articles/mce/2015/2/24/40-24-02-2015--15-36-49.jpg" alt="" /></a></span></p>
<p style="text-align: left;"><a class="thickbox" title="" href="/FileManager/Commons/2015/2/24/41-24-02-2015--15-36-56.jpg"><img src="/FileManager/Articles/mce/2015/2/24/41-24-02-2015--15-36-56.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/24/40-24-02-2015--15-36-49.jpg"></a></span></p>
<p style="text-align: left;"><a class="thickbox" title="" href="/FileManager/Commons/2015/2/24/42-24-02-2015--15-37-05.jpg"><img src="/FileManager/Articles/mce/2015/2/24/42-24-02-2015--15-37-05.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span><br /><br /></p>