<p>ព័ត៌មានអន្តរជាតិ ៖ ដោយយោងតាមការដកស្រង់ អត្ថបទផ្សាយ ពីគេហទំព័រសារព័ត៌មានបរទេស ប៊ីប៊ីស៊ី ដែលទើបតែបានចេញផ្សាយ កាលពីពេលកន្លងទៅនេះ អោយដឹងថា យ៉ាងហោចណាស់ មនុស្ស ១៨ នាក់ បានស្លាប់បាត់បង់ជីវិត ក្រោយពីមានករណី បំផ្ទុះគ្រាប់បែក អត្តឃាត ដល់ទៅពីរ លើកផ្ទួនៗគ្នា នៅឯកណ្តាលក្រុង Jos ប្រទេសនីហ្សេរីយ៉ា ។</p>
<p><a class="thickbox" title="" href="/FileManager/Commons/2014/5/21/60-21-05-2014--10-30-50.jpg"><img src="/FileManager/Articles/mce/2014/5/21/60-21-05-2014--10-30-50.jpg" alt="" /></a></p>
<p>ទីភ្នាក់ងារ គ្រប់គ្រងគ្រោះអាសន្នថា្នក់ជាតិ បញ្ជាក់អោយដឹងថា គ្រាប់បែកអត្តឃាត គ្រាប់ទីមួយ ត្រូវបានគេបំផ្ទុះឡើង នៅឯផ្សារមួយកន្លែង ខណៈមួយគ្រាប់បន្ទាប់ ត្រូវបានបំផ្ទុះ នៅឯជិត មន្ទីរ ពេទ្យមួយកន្លែង ។ គួរបញ្ជាក់ថា គ្មានក្រុមណាមួយ ចេញមុខអះអាង ថាជាការវាយប្រហាររបស់ ខ្លួននោះទេ តែបើតាមការសង្កេត នៅពេលថ្មីៗនេះ ក្រុមឧទ្ទាម អ៊ីស្លាម ជ្រុលនិយម Boko Haram ជារឿយៗ តែងតែមានការវាយប្រហារ ដោយការបំផ្ទុះគ្រាប់បែក ។ សេចក្តីរាយការណ៍ បន្តអោយ ដឹងថា ទីក្រុង Jos គឺជាតំបន់ក្តៅមួយ ដែលធ្លាប់មានការប៉ះទង្គិច រវាងក្រុមជ្រុលនិយម អ៊ីស្លាមនិង ក្រុមជ្រុលនិយម គ្រឹស្តិ ។</p>
<p><a class="thickbox" title="" href="/FileManager/Commons/2014/5/21/62-21-05-2014--10-31-33.jpg"><img src="/FileManager/Articles/mce/2014/5/21/62-21-05-2014--10-31-33.jpg" alt="" /></a></p>
<p>អ្នកនាំអោយរដ្ឋាភិបាល ប្រចាំតំបន់ បានផ្តល់ជាកិច្ចសម្ភាសន៍ដល់ភ្នាក់ងារសារព័ត៌មានAFPអោយ ដឹងថា ក្នុងចំណោមជនរងគ្រោះ ដែលស្លាប់ ក្នុងនោះ ភាគច្រើន គឺជាស្រ្តី ខណៈពេលដែលផ្សារ ខាងលើ គឺជាតំបន់ពាណិជកម្ម របស់ទីក្រុង Jos ។</p>
<p>ប្រភពបញ្ជាក់ថា គ្រាប់បែក គ្រាប់ទី ២ ត្រូវបានបំផ្ទុះឡើង ក្រោយបំផ្ទុះគ្រាប់បែកទី ១ បាន ៣០ នាទី ដោយនៅក្នុងនោះ បានសម្លាប់កម្មករ ច្រើននាក់ ។ ស្របពេលដែលជនរងគ្រោះ ត្រូវបានគេ រកឃើញជាបន្តបន្ទាប់ ខណៈបច្ចុប្បន្នភាព អ្នកស្លាប់កើនដល់ ១១៨ នាក់ នោះ អាជ្ញាធរ មានការ ភ័យព្រួយថា ទួរលេខអ្នកស្លាប់ អាចនឹងកើនខ្ពស់ជាងនេះ ស្របពេលដែល មនុស្ស ៥៦ នាក់បាន ទទួលរងរបួស ធ្ងន់ និង ស្រាល ៕</p>
<p><a class="thickbox" title="" href="/FileManager/Commons/2014/5/21/61-21-05-2014--10-31-44.jpg"><img src="/FileManager/Articles/mce/2014/5/21/61-21-05-2014--10-31-44.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>