<p>ផ្ដាយដុះកន្ទុយមួយ កំពុងធ្វើដំណើរឆ្ពោះទៅជិតព្រះអាទិត្យ នៅចុងខែវិច្ឆិកានេះ ហើយតាមក្រុម<br />អ្នកវិទ្យាសាស្ដ្រ ប្រសិនវាមិនត្រូវបានដុតកំទេចដោយព្រះអាទិត្យ នោះមនុស្សនឹងអាចមើលឃើញ<br />វាដោយភ្នែកធម្មតា ក្នុងខែធ្នូ។ <br /><br />ទំព័រ Reuters បានរាយការណ៍កាលពីថ្ងៃទី ១១កន្លងទៅថា ផ្កាយដុះកន្ទុយ ISON នឹងហោះកាត់<br />មុខព្រះអាទិត្យ ក្នុងរយៈចម្ងាយ ប្រហែល ១លានគីឡូម៉ែត្រ នៅថ្ងៃតី ២៨វិច្ឆិកា។</p>
<p style="text-align: center;"><a class="thickbox" title="" href="/FileManager/Commons/2013/11/17/isona2-17-11-2013--13-24-39.jpg"><img src="/FileManager/Articles/mce/2013/11/17/isona2-17-11-2013--13-24-39.jpg" alt="" /></a></p>
<p style="text-align: center;"><em>ទស្សនាផ្ដាយដុះកន្ទុយ ISON (រូប ៖ skyandtelescop)</em></p>
<p><br />បច្ចុប្បន្ន ក្រុមអ្នកវិទ្យាសាស្ដ្រមិនប្រាកដថា បញ្ហាអ្វីខ្លះនឹងអាចកើតមានឡើងចំពោះផ្កាយដុះកន្ទុយ<br /> ISON ប៉ុន្ដែសន្និដ្ឋានថា វានឹងត្រូវផ្ទុះជាបំណែក នៅពេលហោះក្នុងល្បឿន ៣៧៧គីឡូម៉ែត្រ/វិនាទី<br /> និងទៅប៉ះនឹងកំដៅ ២,៧៦០អង្សាសេ គ្រប់គ្រាន់សម្រាប់ជាតិទឹក លោហធាតុរបស់វា រលាយ និង<br />ឆេះខ្ទេច។<br /><br />ប៉ុន្ដែ ប្រសិនកំដៅដ៏កំពូលនោះ មិនបានកំទេចជីវិតរបស់ ISON នោះទំនាញរបស់ព្រះអាទិត្យនឹង<br />បំបែកវាទៅជាដុំៗ។ យ៉ាងនេះក្ដី បើតាមការគន់គូរ ថ្មីៗនេះ របស់ក្រុមអ្នកវិទ្យាសាស្ដ្របាន បង្ហាញ<br />ថា ISON នឹងនៅតែមានជីវិត ហើយវានឹងជាឱកាសល្អដើម្បីឱ្យមនុស្សអាចគយគន់ទិដ្ឋភាពស្រស់<br />ស្អាតរបស់វា ក្នុងខែធ្នូខាងមុខ។<br /><br />ដូចទៅនឹងផ្កាយដុះកន្ទុយដទៃ ISON គឺជាដុំឧស្ម័នកក លាយលំជាមួយធូលី ថ្ម ដែលបានកើត<br />ឡើងនៅក្បែរប្រព័ន្ធព្រះអាទិត្យ។ ISON តែងហោះហើរទៅតាមគន្លងមួយដែលទទួលឥទ្ធិពលពី<br />ទំនាញរបស់ព្រះអាទិត្យ និងបណ្ដាភពក្នុងប្រព័ន្ធព្រះអាទិត្យ។</p>
<p style="text-align: center;"><a class="thickbox" title="" href="/FileManager/Commons/2013/11/17/ison-17-11-2013--13-25-30.jpg"><img src="/FileManager/Articles/mce/2013/11/17/ison-17-11-2013--13-25-30.jpg" alt="" /></a></p>
<p>កែវយឹតអវកាស Hubble របស់ NASA បានបញ្ជាក់ថា ISON មានស្នូលទំហំ ៤គីឡូម៉ែត្រ នៅពេល<br />ហោះមកក្បែរព្រះអាទិត្យ កំដៅនឹងធ្វើឱ្យឧស្ម័នកករបស់វារលាយជាចំហាយ ហើយនឹងមានកន្ទុយ<br /> យ៉ាងតិចប្រវែង ៩២,០០០ គីឡូម៉ែត្រ។<br /><br />នៅថ្ងៃទី ២៦ ធ្នូ ចុងឆ្នាំនេះ ផ្កាយដុះកន្ទុយ ISON នឹងមានគំលាតពីផែនដី ប្រមាណជា ៦៤លានគីឡូ<br />ម៉ែត្រ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/26580/nasa-will-take-crews-into-space-by-itself-in-2017"><span style="color: #3366ff;">NASA បញ្ជូនមនុស្សទៅកាន់ អវកាស ដោយខ្លួនឯង នាឆ្នាំ ២០១៧</span></a></span></p>
<p><span style="color: #3366ff;"><a href="/News/Detail/75316/girl-6-survives-fall-from-6th-storey"><span style="color: #3366ff;">សំណាងហួស ក្មេងស្រីតូច ធ្លាក់ពីជាន់ទី ៦ មិនខ្ចីស្លាប់</span></a></span></p>
<p><span style="color: #3366ff;"><a href="/News/Detail/67819/international-news"><span style="color: #3366ff;">កូរ៉េខាងជើង ប្រហារជីវិតពលរដ្ឋខ្លួន ព្រោះលួចមើលភាពយន្តកូរ៉េខាងត្បូង</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Reuters/Kh<br /><br /></p>