<p><span style="color: #000000;"><strong>ភ្នំពេញ៖</strong> តារាសម្ដែងប្រុសជាច្រើនដួង ក្នុងក្រុមខេមបូឌាសូភើម៉ូឌែល មានលោក អ៊ុន សិទ្ធា និងលោក សាយ សៀរ៉ា កំពុងតែក្លាយជាជនរងគ្រោះ ព្រោះតែអ្នកនាង យ៉ាន លីនដា បានធ្លោយមាត់និយាយថា ប្រុសដែលប្ដី (យ៉ែម សំអូន) នាងធ្លាប់ទាក់ទង ជាតារាម៉ូឌែល ធ្លាប់ទៅដើរម៉ូដនៅអូស្ត្រាលីជាមួយគ្នា ។ ដូចនេះលោក អ៊ុន សិទ្ធា បានក្លាយជាមុខព្រួញដ៏សាហាវ បំផុតក្នុងរឿងដ៏ចម្រូងចម្រាសនេះ ។</span></p>
<p><span style="color: #000000;">កាន់តែក្ដៅរោលរាលជាងនេះលោក អ៊ុន សិទ្ធា ត្រូវបានមហាជនជេរតិះដៀល ព្រោះគេបានចោទលោកថា ជាដើមហេតុបំបែកប្ដីប្រពន្ធគេ ដែលបានរួមរស់ជាមួយគ្នា ជិត២០ឆ្នាំមកហើយ ។ ពិសេសមហាជនមិនត្រឹមតែជេរស្ដីទេ ថែមទាំងប្រើសម្ដីគ្រោធគ្រាតមើលងាយ មើលថោក លោកអ៊ុន សិទ្ធា ទៀតផង ។</span></p>
<p><span style="color: #000000;">ជុំវិញរឿងរ៉ាវដ៏រសើបនេះលោក អ៊ុន សិទ្ធា បានបញ្ជាក់ថា លោកហ៊ានស្បថដាក់ជីដូនជីតា ក្នុងរឿងប្ដីប្រពន្ធដ៏រញ៉េរញ៉ៃនេះ ថាលោកមិនបានចូលខ្លួនពាក់ព័ន្ធជាមួយទេ ។ លោកបានបង្ហាញអារម្មណ៍អន់ចិត្តជាខ្លាំងថា «សូមអ្នកដែលចោទលោកមេត្តាមាន ភស្តុតាង និងសាក្សីផង អយុត្តិធម៌ណាស់សម្រាប់លោក ដែលមិនដឹងអីសោះ ប្រសិនជាអ្នកត្រូវបានគេចោទដូចជាលោក តើអ្នកមានអារម្មណ៍បែបណា ទាំងខ្លួនមិនបានធ្វើអ្វីបន្តិចនោះ» ។</span></p>
<p><span style="color: #000000;">ការស្រែកបែបនេះ គឺបានធ្វើឡើងក្នុងបណ្ដាញសង្គម Facebook ដើម្បីទាមទាររកយុត្តិធម៌សម្រាប់ខ្លួនឯង ដែលបានរងការចោទថា ខ្លួនបានចូលជ្រែកបំបែកស្នេហ៍របស់លោក យ៉ែម សំអូន និងអ្នកនាង យ៉ាន លីដា ។ ថ្វីដ្បិតតែអ្នកនាង យ៉ាន លីនដា និងតារាប្រុសទាំងអស់ បានចេញមុខចេញមាត់បកស្រាយ តែម្នាក់ៗហាក់លាងខ្លួនមិនជ្រះទាល់តែសោះ ព្រោះមកពីនាង យ៉ាន លីនដា ហាក់មានចេតនាចង់បំបាក់ អ្នកដែលយកប្ដីនាងឱបនឹងដើមទ្រូង ព្រោះនៅសុខៗនាងក៏ធ្លោយមាត់ថា អ្នកធ្លាប់ដើរម៉ូដនៅអូស្ត្រាលីជាមួយគ្នា ដែលមានតារាប្រុសមិនជាច្រើននោះទេ មានចំណងស្នេហាលួចលាក់ជាមួយប្ដីនាង ។</span></p>
<p><span style="color: #000000;"><a class="thickbox" title="" href="/FileManager/Commons/2015/5/24/10-24-05-2015--13-00-32.jpg"><img src="/FileManager/Articles/mce/2015/5/24/10-24-05-2015--13-00-32.jpg" alt="" /></a></span></p>
<p><a class="thickbox" title="" href="/FileManager/Commons/2015/5/24/11-24-05-2015--13-00-40.jpg"><img src="/FileManager/Articles/mce/2015/5/24/11-24-05-2015--13-00-40.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/24/10-24-05-2015--13-00-32.jpg"></a></span></p>
<p><a class="thickbox" title="" href="/FileManager/Commons/2015/5/24/12-24-05-2015--13-00-46.jpg"><img src="/FileManager/Articles/mce/2015/5/24/12-24-05-2015--13-00-46.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>