<p><span style="color: #000000;"><strong>(កែប)៖</strong> មេខ្លោងចោរប្លន់ប្រដាប់អាវុធម្នាក់ ដែលសមត្ថកិច្ចអះអាងថា មានគ្រោះថ្នាក់បំផុតនោះ ត្រូវបានកម្លាំងនគរបាលខេត្តកែប តាមបង្ក្រាប និងចាប់ខ្លួនបានហើយ នៅព្រឹកថ្ងៃទី១៥ ខែធ្នូ ឆ្នាំ២០១៥ នេះ ក្រោយពីបានរត់គេចខ្លួន អស់រយៈពេល៦ឆ្នាំរួចមក។</span></p>
<p><span style="color: #000000;">យោងតាមរបាយការណ៍ របស់ស្នងការនគរបាលខេត្តកែប លោកឧត្តមសេនីយ៍ អ៉ី សំអុល ដែលអង្គភាព Fresh News ទទួលបាន នៅព្រឹកថ្ងៃនេះ បានបង្ហាញថា មុខសញ្ញាប្លន់ប្រដាប់រូបនេះមានឈ្មោះ វ៉ាន់ ផនហៅ ភា ផន អាយុ២៩ឆ្នាំ ទីលំនៅភូមិដំណាក់ចំបក់ សង្កាត់អូរក្រសារ ក្រុងកែប ដែលបានប្រព្រឹត្តបទល្មើស ប្លន់ប្រដាប់អាវុធកាលពីយប់ថ្ងៃ១៦ ខែ មករា ឆ្នាំ២០០៩ នៅភូមិដំណាក់ចំបក់ សង្កាត់អូរក្រសារ ក្រុងកែប ហើយរត់គេចខ្លួនបាត់ រហូតដល់ថ្ងៃចាប់ខ្លួនតែម្តង។</span></p>
<p><span style="color: #000000;">ជននេះត្រូវបានចៅក្រមស៉េីបសួរសាលាដំបូងខេត្តកំពត លោក ជួន វណ្ណៈ ចេញដីកាបង្គាប់ឲ្យចាប់ខ្លួន ឃុំខ្លួនលេខ១៦៨ ចុះថ្ងៃទី២៩ ខែមិនា ឆ្នាំ២០១២។</span></p>
<p><span style="color: #000000;">ក្រោយទទួលបានដីកាពីតុលាការ កម្លាំងនគរបាលខេត្តកែប ដឹកនាំដោយលោកវរសេនីយឯក ប៉ូង សុខេង ស្នងការរងទទួលបន្ទុកការងារព្រហ្មទណ្ឌ ក្រោមបញ្ជាពីលោកស្នងការ បានធ្វើការងារជំនាញ រហូតចាប់ខ្លួនតែម្តង។</span></p>
<p><span style="color: #000000;">នៅព្រឹកថ្ងៃ១៥ ខែធ្នូ ឆ្នាំ២០១៥នេះ នគរបាលបានបញ្ជូនទៅសាលាដំបូងខេត្តកំពត ដើម្បីអនុវត្តន៍ទោស តាមសាលក្រមកំណត់៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/15/1237653915327266270417038902042091190739397n-15-12-2015--10-32-42.jpg"><img src="/FileManager/Articles/mce/2015/12/15/1237653915327266270417038902042091190739397n-15-12-2015--10-32-42.jpg" alt="" /></a></span></p>
<p><a class="thickbox" title="" href="/FileManager/Commons/2015/12/15/12-15-2015-10-25-18-am-15-12-2015--10-32-51.png"><img src="/FileManager/Articles/mce/2015/12/15/12-15-2015-10-25-18-am-15-12-2015--10-32-51.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ហ្រ្វេសញ៉ូវអាស៊ី</span><span style="color: #000000;"><br /></span></p>