<div class="article-content">
<p><strong>ភ្នំពេញ៖</strong> ប្រភពព័ត៌មានពីខេត្តស្វាយរៀង ឱ្យដឹងថា ជនសង្ស័យពីរនាក់ ដែលអង្គភាពប្រឆាំងអំពើពុករលួយ (AC U) និងកម្លាំងចម្រុះសាកសួររួចមក ពាក់ព័ន្ធនឹងចូលប្រឡងជំនួសគេ ក្នុងពេលប្រឡងមធ្យមសិក្សាទុតិយភូមិ កាលពីថ្ងៃចន្ទ ទី០៤ ខែសីហា នឹងត្រូវបញ្ជូនទៅអយ្យការអមសាលាដំបូង នៅរសៀលម៉ោង២ ថ្ងៃអង្គារ ទី៥ ខែ សីហា ឆ្នាំ២០១៤។</p>
<p>ប្រភពដដែលបានបញ្ជាក់ទៀតថា យុវជនទាំង២រូបនេះ មានឈ្មោះ ស្តើង ចាន់ធន់ អាយុ ២១ឆ្នាំ មុខ របរលក់ដូរ រស់នៅភូមិព្រៃខ្លា ឃុំក្រោលគោ ស្រុកស្វាយជ្រុំ ក្រុងស្វារៀង ឃាត់ខ្លួន នៅមណ្ឌលប្រឡង បឋមសិក្សាសាមគ្គី ស្ថិតក្នុងភូមិសាមគ្គី សង្កាត់សង្ឃ័រ ក្រុងស្វាយរៀង ត្រូវបានអនុរក្សចាប់បាន។</p>
<p>ចំណែកមួយរូបទៀត ឈ្មោះ សំ ណាង ភេទប្រុស អាយុ ២៣ឆ្នាំ មុខរបរនិស្សិតរស់នៅភូមិត្នោត ឃុំ ក្រសាំង ស្រុក រមាសហែក ក្រុងស្វាយរៀង ប្រឡងជំនួសគេ នៅមណ្ឌលប្រឡងវិទ្យាល័យស្វាយរៀង។</p>
<p>យ៉ាងណាក៏ដោយ ក្រុមអ្នកច្បាប់ បានលើកឡើងថា ជនសង្ស័យអាចប្រឈមមុខនឹងការជាប់ពន្ធនាគារ ប្រសិនបើ តុលាការរកឃើញថា មានការកំហុសមែននោះ៕</p>
<p><a href="/News/Detail/82617/local-news" target="_blank"><span style="color: #0000ff;">- អាន ៖ ឃាត់ខ្លួនយុវជន ២នាក់ ដែលប្រឡងសញ្ញាបត្រ ទុតិយភូមិជំនួសគេ នៅខេត្តស្វាយរៀង</span></a></p>
</div>
<p style="text-align: right;"><a href="http://www.dap-news.com/2011-06-14-02-39-55/92093-2014-08-05-04-38-15.html" target="_blank">ផ្តល់សិទ្ធដោយ ៖ ដើមអម្ពិល</a></p>