<p><span style="color: #000000;"><strong>(ភ្នំពេញ)៖</strong> ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានថ្លែងបញ្ជាក់ជាថ្មីនៅព្រឹកថ្ងៃទី៣០ ខែមីនានេះថា នៅថ្ងៃទី០១ ខែមេសា ខាងមុខនេះ ប្រាក់ខែគ្រូបង្រៀននឹងត្រូវបានដំឡើង ហើយប្រាក់ខែរបស់គ្រូបង្រៀនទាបបំផុត ដែលមានថ្នាក់មត្តេយ្យបានចំនួន២០០ដុល្លារ។</span></p>
<p><span style="color: #000000;">ការថ្លែងបញ្ជាក់របស់សម្តេចតេជោ យ៉ាងដូច្នេះធ្វើឡើងក្នុងឱកាស ដែលសម្តេចចូលរួមជាអធិបតី ក្នុងពិធីសម្ពោធដាក់ឱ្យប្រើប្រាស់វិទ្យាល័យ «ប៊ុន រ៉ានី ហ៊ុន សែន អម្ពវ័នជំនីក» នៅស្រុកក្រូចឆ្មារ ខេត្តត្បូងឃ្មុំ។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងយ៉ាងដូច្នេះថា <strong>«នៅតែប៉ុន្មានថ្ងៃទៀតទេលោកគ្រូអើយ។ ប្រាក់ខែនឹងឡើងទៀតហើយ នៅតែ២ថ្ងៃទៀតទេ។ ថ្ងៃទី១ មកដល់ (១មេសា) ត្រូវឡើងប្រាក់ខែទៀត ហើយប្រាក់ខែទាបបំផុត របស់គ្រូបង្រៀនថ្នាក់មត្តេយ្យ និងបឋមសិក្សា ២០០ដុល្លារ សហរដ្ឋអាមេរិក។ ឆ្នាំ២០១៨ ទាបបំផុតក៏២៥០ដុល្លារដែរ ស្មើនឹងជាង១លានរៀល»</strong>។</span></p>
<p><span style="color: #000000;">សម្តេចតេជោ ហ៊ុន សែន បានសង្កត់ទ្ងន់ថា <strong>«នេះជាឡើងប្រាក់ពិត មិនមែនឡើងប្រាក់ខែខ្យល់ទេ ហើយបើកមុខចូលឆ្នាំទៀត និងបូកនឹងប្រាក់ឧត្ថម្ភ ចំនួន៥ម៉ឺនរឿលមុនចូលឆ្នាំទៀត ដូច្នេះវាគួរសមហើយ!»</strong>។</span></p>
<p><span style="color: #000000;">សម្តេចបានថ្លែងទៀតថា ចំពោះប្រាក់ឧត្ថម្ភចំនួនប្រាក់៥ម៉ឺនរៀលមុនចូលឆ្នាំនេះ តិចមែនសម្រាប់មន្ត្រីរាជការ ប៉ុន្តែសម្រាប់រាជរដ្ឋាភិបាលកម្ពុជា ត្រូវការប្រាក់ ៦លានដុល្លារ។ សម្តេចតេជោ ក៏បានជំរាបជូនលោកយាយលោកថា ការសន្យារបស់គណបក្សដែលថា ឧបត្ថម្ភប្រាក់ដល់លោកយាយលោកថា ពេលគេជាប់ឆ្នោតនោះ គឺជាការសន្យាខ្យល់តែប៉ុណ្ណោះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12321564_985907861457711_2667443180706805466_n.jpg?oh=8efe5785b87d1bede8de530e1f8ec70a&oe=57895E56" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xta1/v/t1.0-9/12932960_985906361457861_7481664113332019137_n.jpg?oh=84d6d68b7ed1ee44f7a313f97b558055&oe=5782BE11&__gda__=1468663704_df14449462d70a822d1e6d67c783a1c7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/12249803_985906234791207_6853906892925240676_n.jpg?oh=b42dbfbd8807cd79d458de97f7fb97bc&oe=5774847B" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>