<p><span style="color: #000000;"><strong>(ក្រុងរីយ៉ូ)៖</strong> ស្រោមអនាម័យ (Condom) ប្រមាណ ៤៥០,០០០ប្រអប់ នឹងត្រូវធ្វើការចែកជូនដោយមិនគិតថ្លៃក្នុងឱកាសការប្រកួតកីឡាអូឡាំពិក រដូវក្តៅ ឆ្នាំ២០១៦ នៅប្រទេសប្រេស៊ីល ដើមខែសីហាខាងមុខ នេះបើយោងតាមគណៈកម្មាធិការអូឡាំពិកអន្តរជាតិ IOC នៅថ្ងៃទី០៧ ខែមិថុនានេះ។</span></p>
<p><span style="color: #000000;">តាមរយៈសារព័ត៌មាន Dailymail របស់អង់គ្លេសបានធ្វើការដកស្រង់របាយការណ៍របស់ IOC ថា «ក្នុងចំណោមស្រោម អនាម័យជិតកន្លះលានខាងលើនេះ គឺមានស្រោមអនាម័យសម្រាប់នារី ១០០,០០០ប្រអប់ និងសម្រាប់បុរស ៣៥០,០០០ប្រអប់ បូករួមទាំងទឹករំអិល ១៧៥,០០០ប្រអប់ (Lubricant) ក៏នឹងត្រូវផ្គត់ផ្គង់ផងដែរ ដែលនឹងធ្វើការ ចែកជូនចាប់ពីថ្ងៃទី២៤ ខែកក្កដាតទៅហើយ មុនកីឡាអូឡាំពិកចាប់ផ្តើមជាផ្លូវការថ្ងៃទី០៥ ដល់ថ្ងៃទី២១ ខែសីហា ឆ្នាំ២០១៦ នៅក្នុងទីក្រុងធំនៃប្រទេសប្រេស៊ីល Rio de Janeiro លើកទី៣១នេះ»។</span></p>
<p><span style="color: #000000;">IOC បានបញ្ជាក់ថា ការចែកជូនស្រោមអនាម័យដោយមិនគិតថ្លៃនេះ គឺដើម្បីឲ្យអត្តពលិក ១០,៥០០នាក់ បុគ្គលិកផ្សេងៗ និងអ្នកគាំទ្រសម្រាប់ប្រតិបត្តិការផ្លូវភេទ និងជៀសផុតពីការឆ្លងកាមរោគផ្សេង ខណៈដែលប្រទេសស្ថិតក្នុងតំបន់អាមេរិកឡាទីនមួយនេះ កំពុងទទួលរងនូវការរីករាលដាលនៃវីរ៉ុស Zika។</span></p>
<p><span style="color: #000000;">កាសែតក្នុងស្រុករបស់ប្រេស៊ីល ដែលមានឈ្មោះថា Folha de S.Paulo បានផ្សាយថា ស្រោមអនាម័យពី ១០០,០០០ ទៅ ១៥០,០០០ប្រអប់ ត្រូវបានផ្គត់ផ្គង់ក្នុងកីឡាអូឡាំពិក ឆ្នាំ២០០០ នៅទីក្រុង Sydney ប្រទេសអូស្រ្តាលី ហើយចំនួនស្រោមអនាម័យ ៤៥០,០០០ប្រអប់ខាងលើដែលត្រៀមចែកជូននេះ គឺមានការកើនឡើង ៣ដង បើប្រៀបធៀបនឹង Olympic Games ឆ្នាំ២០១២ នៅទីក្រុងឡុងដ៍ ចក្រភពអង់គ្លេស ហើយការកើនឡើងនេះ មិនពាក់ ព័ន្ធទៅនឹងវីរ៉ុស Zika នោះទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13335764_1737687063137478_1381202903402561547_n.jpg?oh=56102d07f6ea72c25ee22290886b92d5&oe=580A0B3B" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13391672_1737687056470812_7980919045176381043_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13343105_1737687053137479_1280612566586895205_n.jpg?oh=0d9a9fd16c8679b136f53704648c58ed&oe=57D3C246" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>