<p><span style="color: #000000;"><strong>(ហាណូយ)៖</strong> អ្នកជំនាញវៀតណាមម្នាក់ បានឱ្យដឹងថា រដ្ឋាភិបាលវៀតណាម គ្រោងនឹងទិញ រថក្រោះរុស្ស៊ីធុន T-90 រាប់សិបគ្រឿង នៅក្នុងក្របខណ្ឌនៃការធ្វើទំនើបកម្មវិស័យយោធា របស់ខ្លួន ខណៈព័ត៌មាននេះក៏ធ្លាប់ត្រូវបាននាយកប្រតិបត្តិ ក្រុមហ៊ុនផលិតសព្វាវុធរុស្ស៊ី Ouralvagonzavod លោក Vladimir Rochtchoupkin បញ្ជាក់ដែរថា យោធាវៀតណាម កំពុងចរចាទិញរថក្រោះប្រភេទនេះជិត ១០០គ្រឿងឯណោះពីរុស្ស៊ី។ នេះបើយោងតាម ការចុះផ្សាយរបស់សារព័ត៌មានរុស្ស៊ី Sputnik នៅរសៀលថ្ងៃអង្គារ ទី១៨ ខែតុលា ឆ្នាំ២០១៦។</span></p>
<p><span style="color: #000000;">នៅក្នុងបទសម្ភាសន៍ជាមួយ Sputnik មេបញ្ជាការនៃកងកម្លំាងរថក្រោះវៀតណាម លោក Nguyen Khak Nguyet បានលើកឡើងដូច្នេះថា <strong>«ក្នុងនាមអ្នកជំនាញខាងរថក្រោះ ខ្ញុំអាច ប្រៀបធៀបរវាងរថក្រោះសម័យទំនើប ដែលផលិតនៅក្នុងប្រទេសផ្សេងៗពីគ្នា។ ក៏ប៉ុន្តែសម្រាប់ខ្ញុំ រថក្រោះប្រយុទ្ធរុស្ស៊ី គឺល្អប្រសើរជាងគេបំផុត តួយ៉ាងនៅអំឡុងសម័យសង្រ្គាមវៀតណាម (១៩៦០-១៩៧០) រថក្រោះដែលផលិតដោយ អតីតសហភាពសូវៀត បានជួយដល់វៀតណាម ខាងជើង ក្នុងការទប់ទល់នឹងការឈ្លានពាន ពីសំណាក់សហរដ្ឋអាមេរិក ក៏ដូច ជាមានលទ្ធភាព វាយផ្ដួលរំលំរបបដឹកនំា វៀតណាមខាងត្បូង បានយ៉ាងឆាប់រហ័ស»</strong>។</span></p>
<p><span style="color: #000000;">គួរបញ្ជាក់ថា បើតាមលោក Nguyen Khak Nguyet វៀតណាមគួរតែនឹងអាចទិញរថក្រោះធុន T-90 ពីរុស្ស៊ី ដើម្បីធ្វើទំនើបកម្ម និង យកមកជំនួសរថក្រោះចាស់ៗរបស់ខ្លួន៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/18/04-18-10-2016--16-20-48.jpg"><img src="/FileManager/Articles/mce/2016/10/18/04-18-10-2016--16-20-48.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>