<p id="aui_3_2_0_1447">កាលពីថ្ងៃទី ៩ ខែសីហា កន្លងទៅនេះ នារីម្នាក់មានឈ្មោះ Li (ជនជាតិចិន) បានរងរបួសភ្នែកយ៉ាង<br />ធ្ងន់ធ្ងរ ក្នុងពេលកំពុងសន្ទនា ទូរស័ព្ទ iPhone 5 បានផ្ទុះ។ បំណែកដែលបែក បានផ្លោងចូលភ្នែក <br />និងធ្វើឲ្យ Li ត្រូវបញ្ជូនទៅមន្ទីរពេទ្យ ព្យាបាល។</p>
<p>តាមសំដីរៀបរាប់របស់ជនរងគ្រោះ ក្នុងពេលកំពុងប្រើទូរស័ព្ទបានប្រហែល ៤០នាទី នាងមាន<br />អារម្មណ៍ស្មាតហ្វូនរបស់ខ្លួន ឡើងក្តៅខ្លាំង ហើយអេក្រង់ក៏មានពន្លឺខ្លាំងជាងមុនដែរ។ បន្ទាប់<br />មក នាងក៏ប្រញាប់ត្រួតពិនិត្យស្មាតហ្វូន ដោយការចុចអេក្រង់ ដើម្បីបញ្ចប់ការសន្ទនា។ ជាក់<br />ស្តែង ពេលនាងកំពុងតែសម្លឹងមើលទៅស្មាតហ្វូន ជ្រុងផ្នែកខាងស្តាំរបស់ស្មាតហ្វូន ក៏ផ្ទុះឡើង<br />ហើយបំណែក អំបែងបានផ្លោងចូលភ្នែករបស់នាងតែម្តង។<br /> <br /> "ខ្ញុំមិនអាចបើកភ្នែក របស់ខ្ញុំបានទេ" នាង Li ចាំដូច្នេះ។ ភ្លាមនោះ មិត្តភក្តិរួមការងារបានប្រញាប់<br />ប្រញាល់ ជួយនាំនាងទៅកាន់មន្ទីរពេទ្យ។ តាមការពិនិត្យរបស់ក្រុមវេជ្ជបណ្ឌិត ប្រស្រីភ្នែករបស់<br />ជនរងគ្រោះឡើងក្រហម រលាក និងត្រូវប៉ះឆ្កូត។</p>
<p style="text-align: center;"><a class="thickbox" title="" href="/FileManager/Commons/2013/8/12/652064-12-08-2013--12-36-18.jpg"><img src="/FileManager/Articles/mce/2013/8/12/652064-12-08-2013--12-36-18.jpg" alt="" /></a></p>
<p style="text-align: center;"><em>iPhone 5 របស់នាង Li ដែលបានផ្ទុះបែក</em> <em>និងបង្កឲ្យនាងមានគ្រោះថ្នាក់</em></p>
<p>ឆ្លើយតបនឹង Da Lian Evening News, Li បានឲ្យដឹងថា នាងបានទិញ iPhone 5 កាលពីខែកញ្ញា<br />ឆ្នាំ ២០១២ ។ ក្នុងអំឡុងពេលប្រើវ វាធ្លាប់បានជ្រុះ និងមានស្នាមបែកនៅជ្រុងខាងលើ ផ្នែកខាង<br />ស្តាំ ដែលជាកន្លែងបានផ្ទុះផងដែរ។ ប៉ុន្តែមុនកើតហេតុ ស្មាតហ្វូន នៅតែប្រើប្រាស់បានជាធម្មតា<br /> មិនមានបញ្ហាអ្វីដែលខុសប្លែកពីធម្មតា បង្ហាញឲ្យដឹងឡើយ។</p>
<p>អ្នកតំណាងរបស់ក្រុមហ៊ុន Apple បានឲ្យដឹងថា ក្រុមហ៊ុនត្រូវការធ្វើការត្រួតពិនិត្យហេតុការណ៍នេះ <br />ឲ្យបានច្បាស់ល្អិតល្អន់ ជាមុនសិន មុននឹងបញ្ចេញនូវប្រតិកម្មណាមួយ ស្តីពីបញ្ហានេះ៕</p>
<p><strong>បញ្ហាមួយចំនួនដែលពាក់ព័ន្ធនឹងគ្រោះថ្នាក់ កើតចេញពី iPhone ៖</strong></p>
<p><span style="color: #0000ff;"><a href="/News/Detail/24157/iphone-5-fatal-electric-shock-while-charging"><span style="color: #0000ff;">iPhone 5 បង្កឲ្យមានចរន្តឆក់មនុស្សស្លាប់ ពេលកំពុងសាកថ្ម</span></a></span></p>
<p><span style="color: #0000ff;"><a href="/News/Detail/73452/a-user-to-the-hospital-when-charging-iphone"><span style="color: #0000ff;">អ្នកប្រើប្រាស់ទូរស័ព្ទម្នាក់ទៀត ត្រូវបានដេកពេទ្យ ព្រោះឆក់ពេលសាកថ្ម iPhone</span></a><a href="/News/Detail/24157/iphone-5-fatal-electric-shock-while-charging"><span style="color: #0000ff;"><br /></span></a></span></p>
<p><span style="color: #333333;">ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត <strong><span style="color: #0000ff;"><a href="/News/Category/45/hightech"><span style="color: #0000ff;">សូមចុចត្រង់នេះ</span></a></span></strong> !!!</span></p>
<p style="text-align: right;">ដោយ៖ សិលា<br />ប្រភព៖ VReview</p>
<p> </p>