<p>កាលពីពេលថ្នីៗនេះយើងឃើញមានការលេចឮព័ត៌មានតៗគ្នាមួយដែលយុវវ័យខ្មែរដែលនិយម<br />ចូលចិត្តលេង Facebook បានបញ្ជូនព័ត៌មាននេះតៗគ្នាពីម្នាក់ទៅម្នាក់។ ព័ត៌មានជាការដាស់តឿន<br />អោយមានការប្រុងប្រយ័ត្នចំពោះមនុស្សប្លែកមុខ ដែលអាចនឹងចាប់មនុស្សទៅវះយកក្រលៀន<br />និងថ្លើម ហើយញ៉ាត់ប្រាក់ចូលទៅក្នុងពោះវិញជាថ្នូរ។<br /><a class="thickbox" title="" href="/FileManager/Commons/2012/7/12/20537110151072517595971384098484n-12-07-2012--09-36-58.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/12/20537110151072517595971384098484n-12-07-2012--09-36-58.jpg" alt="" /></a></p>
<p style="text-align: center;"><em><strong>សារដែលគេបញ្ជូនតៗគ្នានៅលើ Facebook</strong></em><br /><a class="thickbox" title="" href="/FileManager/Commons/2012/7/12/20537110151072517595971384098484n-12-07-2012--09-36-58.jpg"></a></p>
<p>យើងឃើញមានការបញ្ជូនព័ត៌មានតៗគ្នានេះបានចាប់ផ្ដើមក្លាយជាប្រធានបទក្ដៅមួយតាំងពីដើម<br />សប្ដាហ៍មុនមកម្លេះ ដើមឡើយពុំសូវជាមានមនុស្សជឿជាក់ទៅលើរឿងនេះនោះទេក៏ប៉ុន្តែក្រោយ<br />ពេលដែលកសារព័ត៌មាន កោះសន្តិភាព បានចេញផ្សាយលេខ ៧៦១៦ ចេញផ្សាយថ្ងៃពុធ ទី ១១<br />កក្កដា ២០១២ កន្លងមកនេះដែលគេឃើញមានអត្ថបទមួយដែលដាក់ចំណងជើងថា "ស្រ្តីម៉េម៉ាយ<br />ត្រូវឃាតករសម្លាប់ហើយវះពោះ អ្នកភូមិផ្អើលថាជនមិនស្គាល់មុខសម្លាប់យកថ្លើម និងក្រលៀន"<br />ស្រ្តីរងគ្រោះជាអ្នកស្រុកបន្ទាយមាស ខែត្រកំពតត្រូវបានគេវះពោះសម្លាប់ តែបើតាមលទ្ធផលពី<br />កោសល្យវិច័យបានអោយដឹងថា មិនមែនស្លាប់វះយកថ្លើម និងក្រលៀននោះទេ។<br /><a class="thickbox" title="" href="/FileManager/Commons/2012/7/12/4255214789525621332212080458617n-12-07-2012--09-38-04.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/12/4255214789525621332212080458617n-12-07-2012--09-38-04.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2012/7/12/4255214789525621332212080458617n-12-07-2012--09-38-04.jpg"></a><em><strong>ជនរងគ្រោះស្លាប់ដោយសារឃាតករវះពោះនៅខែត្រកំពត</strong></em></p>
<p>ក្រោយពេលដែលមានការចេញផ្សាយព័ត៌មាននេះ រឿងហេតុវាស្រដៀងទៅនឹងព័ត៌មានដែលត្រូវ<br />បានគេបញ្ជូនតៗគ្នានៅក្នុង Facebook ហេតុនេះហើយបានជាបង្ករអោយមានការភ្ញាក់ផ្អើលយ៉ាង<br />ខ្លាំងដោយមួយចំនួនគិតថាព័ត៌មានដែលគេបញ្ជូនតៗគ្នាលើ Facebook នោះអាចជាការពិត។ ជា<br />មួយគ្នានេះ គេក៏សង្កេតឃើញមានមាតិជំទាស់លើព័ត៌មានដែលបញ្ជូនតៗគ្នានេះផងដែរដោយគេ<br />គិតថាវាអាចជាការបំប៉ោងព័ត៌មានមិនពិតកើតចេញពី មនុស្សម្នាក់ដែលបញ្ជូនព័ត៌មាននេះនៅលើ<br />Facebook ដើម្បីអោយមនុស្សម្នាដទៃទៀតគេស្គាល់ខ្លួនថាជាមនុស្សល្បី តែការពិតដែលអ្នកទាំង<br />អស់គ្នាដឹងចំពោះបញ្ហាព័ត៌មានដែលបញ្ជូនតៗគ្នានេះគឺ វាគ្មានប្រភពច្បាស់លាស់ គ្រាន់តែជារឿង<br />ដែលផ្អើលតៗគ្នាប៉ុណ្ណោះ។<br /><br />ឧត្តម ជានិស្សិតសាលវិទ្យាល័យភូមិន្ននីតិសាស្រ្ត និងវិទ្យាសាស្រ្តសេដ្ឋកិច្ច ជំនាញគណនេយ្យឆ្នាំ<br />ទី ២ និងជានិស្សិតសាកលវិទ្យាល័យបញ្ញាសាស្រ្តកម្ពុជា ជំនាញទំនាក់ទំនងអន្តរជាតិ ឆ្នាំទី ២ ផង<br />ដែរនោះបានមានមតិផ្ទាល់ខ្លួនជុំវិញបញ្ហាពាក្យចចាមអារ៉ាមនេះថា "សម្រាប់ខ្ញុំជានិស្សិត ហើយ<br />ក៏ជាយុវជនខ្មែរម្នាក់ដែលប្រើប្រាស់ Facebook ដូចគ្នា ខ្ញុំក៏បានទទួលពត៌មានថាមានមនុស្សប្លែក<br />មុខចេញសកម្មភាពចាប់ មនុស្សវះយកគ្រឿងក្នុងនេះដែរ តែសម្រាប់គំនិតខ្ញុំពីដើមឡើយ ខ្ញុំគិតថា<br />ប្រហែលជាមានមនុស្សម្នាក់ដែលប្រើប្រាស់ Facebook ដូចគ្នាចង់តាំងខ្លួនអោយអ្នកដទៃស្គាល់<br />ហើយប្រឌិតរឿងផ្សេងៗ ប៉ុន្តែក្រោយពីថ្ងៃម្សិលមិញនេះ ក្រោយពេលដែលខ្ញុំបានមើលកាសែត<br />ក្នុងស្រុកមួយអំពីព័ត៌មានដែលមានស្រ្តីម្នាក់ស្លាប់ដោយសារឃាតករសម្លាប់ដោយវះពោះនោះគឺ<br />ខ្ញុំគិតថាវាពិតជាជួនគ្នាមែនទែនចំពោះរឿងទាំង ២ នេះ ដូចនេះហើយសម្រាប់ខ្ញុំ ខ្ញុំមិនហ៊ានអះ<br />អាងទេថាវាជាការពិត ឬយ៉ាងណាក៏ប៉ុន្តែយើងក៏ធ្លាប់បានឮ បញ្ហាដូចគ្នានេះមកដែរកាលពីជំនាន់<br />ឆ្នាំ ១៩៨០ នេះបើតាមឪពុកម្ដាយរបស់ខ្ញុំបានប្រាប់ ដូចនេះហើយសម្រាប់គំនិតខ្ញុំគិតថាគួរណាតែ<br />ប្រយ័ត្នបន្តិចទៅ ជាពិសេសគឺអ្នកដែលចេញដើរយប់ ខ្ញុំមិននិយាយថាវាជាការពិតនោះទេ ក៏ប៉ុន្តែ<br />បើយើងមានស្មារតីប្រុងប្រយ័ត្នក៏វាល្អជាជាង យើងមិនប្រយ័ត្ននោះដែរ"។<br /><br />ចំពោះបញ្ហានេះយើងមិនទាន់មានតម្រុយថ្មីនោះទេ ព្រោះបញ្ហាវះពោះសម្លាប់នៅខែត្រកំពតត្រូវ<br />បានសមត្ថកិច្ចរាយការណ៍ថាមិនមែនសម្លាប់យកគ្រឿងក្នុងនោះទេ ហើយសម្ដីខាងលើនេះគ្រាន់<br />ជាសម្ដីយុវនិស្សិតខ្មែរ ដែលប្រើប្រាស់ Facebook មួយរូបប៉ុណ្ណោះ សល់ទាំងប៉ុន្មានទុកជាប្រធាន<br />បទជូនអ្នកអានគិតពិចារណា លោកអ្នកអាចទុកមតិជាគំនិតរបស់លោកអ្នកជុំវិញបញ្ហានេះនៅក្នុង<br />ប្រអប់បញ្ចេញមតិខាងក្រោមនេះ៕</p>
<p style="text-align: right;">ដោយ៖ នីតា</p>