<p><span style="color: #000000;">ក្រុមអ្នកវិទ្យាសាស្ដ្រ NASA ទើបតែបានរកឃើញទីតាំងដ៏ល្អមួយនៅលើឋានព្រះចន្ទ ដែលអាច</span><br /><span style="color: #000000;">ឱ្យមនុស្សរស់នៅបាន នេះបើតាម Express។</span></p>
<p><span style="color: #000000;"><a class="thickbox" title="" href="/FileManager/Commons/2017/1/12/moon-12-01-2017--09-31-42.jpg"><span style="color: #000000;"><img src="/FileManager/Articles/mce/2017/1/12/moon-12-01-2017--09-31-42.jpg" alt="" /></span></a></span></p>
<p><span style="color: #000000;">តាមរយៈយានអវកាស Lunar Reconnaissance Orbiter អង្គការ NASA បានទទួលជោគជ័យ</span><br /><span style="color: #000000;">ក្នុងការសិក្សាស្រាវជ្រាវទៅលើតំបន់ដែលតែងតែងងឹតរបស់ឋានព្រះចន្ទ។ តំបន់នេះ ត្រូវបាន</span><br /><span style="color: #000000;">រកឃើញថា មានទឹកកក និងមានរណ្ដៅ និងកូនភ្នំច្រើន។</span></p>
<p><span style="color: #000000;">ក្រៅពីនេះ អ្នកវិទ្យាសាស្ដ្រក៏បានរកឃើញសារធាតុនានា ដូចជា អ៊ីត្រូហ្សែន បារត និងធាតុ</span><br /><span style="color: #000000;">ផ្សេងៗដែលលេចចេញពីដី ជាមួយនឹងទឹក។</span></p>
<p><span style="color: #000000;">ដូច្នេះ នៅប៉ូលទាំងពីររបស់ព្រះចន្ទ គឺមានវត្ថុធាតុយ៉ាងតិចពី ១ទៅ២% គឺជាទឹកកកដែលបង្កើត</span><br /><span style="color: #000000;">ឡើងពីទឹក។ ការរកឃើញនេះ ជួយឱ្យអ្នកវិទ្យាសាស្ដ្រមានមូលដ្ឋានបន្ថែមដើម្បីស្វែងរកវិធីផ្គត់</span><br /><span style="color: #000000;">ផ្គង់ទឹកទៅឱ្យមូលដ្ឋានយូរអង្វែងរបស់មនុស្សនៅលើឋានព្រះចន្ទ ក្នុងពេលអនាគត។</span></p>
<p><span style="color: #000000;">បណ្ឌិត Rutherford ឱ្យដឹងថា នេះគឺជាទីតាំងដ៏ល្អដើម្បីសាងសង់មូលដ្ឋាននៅលើឋានព្រះចន្ទ</span><br /><span style="color: #000000;"> ព្រោះថា បញ្ហាធំបំផុតគឺប្រភពទឹក ត្រូវបានដោះស្រាយ។</span></p>
<p><span style="color: #000000;">ប៉ូលទាំងពីររបស់ព្រះចន្ទ ត្រូវបានគេហៅថា “តំបន់ងងឹត” ព្រោះមនុស្សមិនអាចមើលឃើញ </span><br /><span style="color: #000000;">និងវិភាគដោយកែវយឹត ឬផ្កាយរណប ទៅលើតំបន់នេះ។ រូបថតដំបូងគេរបស់តំបន់ងងឹតនេះ</span><br /><span style="color: #000000;"> ត្រូវបានទីភ្នាក់ងារអវកាសសូវៀត ថតបានកាលពីឆ្នាំ១៩៥៩។</span></p>
<p><span style="color: #000000;">មកដល់ពេលនេះ ថ្វីបើមានប្រទេសមួយចំនួនបានបញ្ជូនមនុស្ស និងម៉ាស៊ីនឡើងទៅកាន់ឋាន</span><br /><span style="color: #000000;">ព្រះចន្ទ ប៉ុន្តែ មិនទាន់មានអ្នកណាម្នាក់ ឈានជើងមកដល់តំបន់ងងឹតនេះនៅឡើយ៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Express</span></p>